27-12-2008, 12:49
|
#1 |
|
متنبي الشعر الشعبي
|
((( المطر )))
يوم كنت ادوّر لقصة شقاي .. إذنٍ وفيه يوم شفت اوفى صديقٍ .. صار شيمته الغدر اقبلوا ورعاني الأثنين .. بالصدفه عليه قالوا : احك لنا حكايه قلت : كسرٍ وانجبر الفـرج ضيـفٍ يـدق البـاب يالروح الشقيـه رحبي به .. وانحري للضيف ضيقة هالصـدر انثريهـا نثـر .. خليـهـا سـوالـف شاذلـيـه والله انـه مايزيـد الـهـمّ هــمّ .. الا الشـعـر قلت : انا.. ............ باحكيلكم .. اذكـى الحكايـات الغبيـه هـي حكايـة شاعـرٍ بـاع البـداوه للحضـر كان ياما كان .. .............. كان انسان .. وحظوظـه رديـه عاش طول العمر ضامي والبلا ان اسمه (مطر) كان شاعـر .. بـس نادر ماتغـزل فـي بنيّـه اغلب اشعـاره عـن الهـم .. وصواديـف القـدر كلمّا روّح يـدوّر مـن لهيـب الشمـس فيّـه حـدّه الحـظ الـردي .. لديـار باردهـا جـمـر ويوم ضـاق الكـون بعيونـه وخانتـه الحميّـه راح يهذي بالشعر .. ويقول فـي حـزن وقهـر : وجوووووودي ياوجـودي وجـد معلـولٍ تـردى بـه خـويـه همّله في ديـرة الاجنـاب فـي حالـة خطـر والله انـي كـل يـوم أمـرّ بحيـاض المنـيـه وادري ان الموت ماينفـع معـه كثـر الحـذر ماجداي الا انشد امي : ليه جـار الوقـت فيّه ؟ وليـه يايمـه .. انـا بالـذات مـن بـد البـشـر ؟ وليش يمّه ولـدوا انـدادي بتسـع اشهـر وفيّـه الا انا كنت الوحيد اللـي انولـد عاشـر شهـر؟!! المطر وين المطر ؟! وعروش قلبـي جرهديـه وليه يستسقـي يباسـي .. ريقـي يبـلّ النحـر الله اقـوى .. كـلمّا جانـي الفـرح بالسامـريـه جيت مثـل اللـي تذكـر غالـيٍ وسـط القبـر قالت امي : ..........اغلب الظن إثـم .. والنيـه مطيّـه قلت : كان الظن أثـم وصـار يايمّـه .. أجـر لامتـى بأعيـش وانـا اعالـج الكـيّـه بكـيّـه لامتى وانا أعـرب الفرحـه ( ضميـرٍ مستتـر) كيـف يستثنـى المنـادى يالحـروف الابجديـه؟! وكيف صار اسم ( الدحيمي ) مبتدا ماله خبـر؟! عقبهـا .. وقفـت هالقصـه وهملـت السجيّـه ونام ( خالد) بس ما ادري ليـه مايرقـد (بـدر) كان بعيونه سؤال يقول لـي : منهـو الضحيّـه مير في ذمّتـك قلّـي يايبـه .. منهـو (مطـر)؟!  |
|
|
|
27-12-2008, 13:27
|
#2 |
|
شــــاعـــر
|
رد : ((( المطر )))
. رائع ومدهش ياابو بدر .. كما تعودنا منك , لاتأتي الا بالمطر نص مختلف , أسلوب جميل , سلاسة الحبك وعمق في المعنى وغزاره في الشعر ..!! رائع رائع رائع ياابو بدر .. ولاتأتي الا بما هو رائع ..!! الفرج ضيفٍ يدق الباب يالروح الشقيه رحبي به .. وانحري للضيف ضيقة هالصدر انثريها نثر خليها سوالف شاذليه والله انه مايزيد الهمّ همّ الا الشعر يالجمال هذا الشعر .. يالجمال هذا الشعر .. لقلبك..  \ اخر تعديل كان بواسطة » نواف الشمري في يوم » 27-12-2008 عند الساعة » 16:49. |
|
|
|
|
27-12-2008, 14:41
|
#3 |
|
شــاعر
|
رد : ((( المطر )))
ومن لايستمتع عندما يكتب محمد رائع يابو بدر وننتظر كل جديد |
|
|
|
|
27-12-2008, 15:11
|
#4 |
|
شــاعر
|
رد : ((( المطر )))
صح لسانك وسلم بنانك يامطر اووووووووووه قصدي يامحمد دوختني معك يابوبدر بغيت ارقد بعد البيت الاخير صح لسانك ياعَلَم انت تعرف رايي فيك والاعجاب من اول ومازال ويستمر حبة خشم لك يا اطخم |
|
|
|
|
27-12-2008, 15:32
|
#5 |
|
شــاعرة
|
رد : ((( المطر )))
 يالله كم هو موجع هذا النص ..كــ ساعة الحلــم يـُـربكك ويـُرتبك حين الأفاقة بــ آخر قطرات الغيمـــه.. محمد الدحيمي شــاعر يقتلك بالصدر ..ويبعثك بالعجز يســـرق الروح ويحبسها ..ولا يلفظها إلا وهي ترفرف جمالأ صدقوني هُنــا شعِــر حقيقي سيبقى ويختزل لــ نرتوي بــه حين تطوف أيام عجاف وصدقني أكثر يــ محمد أن هـمك :شِعـــر وشِعرك:مطـــر دمت غيمة تمطر بياضاً وطهراً وإلى ذالك الحين ســأ عود للحلم كُل الشُكــر |
|
|
|
|
27-12-2008, 23:09
|
#6 |
|
شـــاعــر
|
رد : ((( المطر )))
عقبهـا .. وقفـت هالقصـه وهملـت السجيّـه000ونام ( خالد) بس ما ادري ليـه مايرقـد (بـدر) كان بعيونه سؤال يقول لـي : منهـو الضحيّـه000مير في ذمّتـك قلّـي يايبـه .. منهـو (مطـر)؟! صح لسانك يامحمد..وكل عام وانت بخير.. جزل ولا تجيب الا جزل.. |
|
|
|
|
27-12-2008, 23:48
|
#7 | |
|
شـــاعر
|
رد : ((( المطر )))
|
|
|
|
|
|
28-12-2008, 00:55
|
#8 |
|
شــاعر
|
رد : ((( المطر )))
الفـرج ضيـفٍ يـدق البـاب يالروح الشقيـه رحبي به .. وانحري للضيف ضيقة هالصـدر الاستاذ محمد صح لسانك ودام نبضك وما عساني اقول بحضرة الشعر شكرا ان جعلتنا ننهل من روائعك الله اقـوى .. كـلمّا جانـي الفـرح بالسامـريـه جيت مثـل اللـي تذكـر غالـيٍ وسـط القبـر وجدت شيء مني هنا تقبل ودي واحترامي اخوك نوفل |
|
|
|
|
28-12-2008, 01:52
|
#9 |
|
مسامح / شــاعر
|
رد : ((( المطر )))
الله اكبر ... يابو بدر حتى صلاة الإستسقاء لا تنفع |
|
|
|
|
28-12-2008, 03:15
|
#10 | |
|
شــاعر
|
رد : ((( المطر )))
رائع رائع يابو بدر... إقتباس:
|
|
|
|
|
|
28-12-2008, 04:29
|
#11 |
|
.
|
رد : ((( المطر )))
اخوي وصديقي الغالي محمد الدحيمي منفرد لشخصك الشوق ولقصيدك الدهشة شكرا على كل ابداع يحمله حضورك كل غيم وشعرك مطر |
|
|
|
|
28-12-2008, 08:43
|
#12 |
|
شـــاعرة
|
رد : ((( المطر )))
كان شاعـر .. بـس نادر ماتغـزل فـي بنيّـه اغلب اشعـاره عـن الهـم .. وصواديـف القـدر كلمّا روّح يـدوّر مـن لهيـب الشمـس فيّـه حـدّه الحـظ الـردي .. لديـار باردهـا جـمـر ويوم ضـاق الكـون بعيونـه وخانتـه الحميّـه راح يهذي بالشعر .. ويقول فـي حـزن وقهـر : وجوووووودي ياوجـودي وجـد معلـولٍ تـردى بـه خـويـه همّله في ديـرة الاجنـاب فـي حالـة خطـر قصيدة باسقة درّة من درر الدحيمي استاذنا وكبيرنا في كل قصيدة اجد نفسي في ذهول من جمال مايكتب شكرا لك يامتنبي الشعر الشعبي بحجم روعتك |
|
|
|
|
28-12-2008, 09:32
|
#13 |
|
شــاعر
|
رد : ((( المطر )))
حضور ... لحضورالمطر ولي عوده للسقيا ... |
|
|
|
|
29-12-2008, 05:55
|
#14 |
|
شـــاعــر
|
رد : ((( المطر )))
هذي القصيدة يبيلها قراءة مرتين وثلاث يا اخي انت حالة خاصة ما شاء الله عليك لي عودة |
|
|
|
|
29-12-2008, 22:07
|
#15 |
|
شـــــــاعـر
|
رد : ((( المطر )))
كان بعيونه سؤال يقول لـي : منهـو الضحيّـه مير في ذمّتـك قلّـي يايبـه .. منهـو (مطـر)؟! بدر سيكون شاعر كبير مثلك وسيعرف ( مطر ) عن قرب استمتع بتلقف هذا المطر ( منذُ مبطي ) واين ماوجدته ابتلت الذائقه اطيب المنى |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
