23-07-2003, 14:06 | #1 |
شـــاعر مضر
|
العنبر واللولو مع الشرح
بسم الله الرحمن الرحيم والصلاة والسلام على الهادي الأمين قصيدة غزلية ..لها قصتها ارجو من الله العلي القدير أن تنال شيء من استحسانكم [poet font="Arial,4,orange,bold,normal" bkcolor="black" bkimage="" border="outset,4,orange" type=2 line=200% align=center use=ex length=0 char="" num="0,black" filter=""] بسم الله نبدأ ,, ,, ,, جتني على غفوة عيوني تدقّ الطبول=ياما لها خافقي جدّد لحونه وشال البيض تحت السواد يطيّرنّ العقول=والسود فوق البياض يضيّعنّ الرجال وان شرّعت من طرَفها صافنات الخيول=شفت الأوادم على السكّة تجرّ الطوال وان سلهمت بأكحلٍ للناس مثل الكحول=ملعون ابو من يشوفه ما سكر ثمّ قال وان عاكست بالحجاج المومسيّ الخجول=يا شرهة الله على عمرٍ يشوفه وطال! وان قضّت الراس يا دين النبي ويش اقول؟=فيما تشوفه عيوني صدق والا خيال وان هزّت الخصر والارداف عرضٍ وطول=ما ظنّ به عقبها غصنٍ من الموز مال خصرٍ تهيبل وانا من قبل فيه مْهبول=وزوّد هبالي هبال وصرت كلّي هبال قالوا لي الموت قبله شربةٍ بمْعسول=واشوف انا الموت لا هزّ الدقاق الجلال يشرح على الخدّ قصّة عنبرٍ حَبّ لول=وبالشامة اللي على خدّه ضرب لي مثال بين النهد والنهد ما شلّ ساق الذلول=ومن دون هاك الجدايل يقصرنّ الحبال يذوب منه معزولٍ لا قضَبت مْعزول=طالبك يا ذا النوال من الثلاثة نوال وان فاح زاكي عرَقها فاح شيٍّ يهول=تعال يالعود الأزرق شمّ ريحه تعال جمالها سرٍ أعجز معجزات الحلول=كلْ ما لقينا له آجابة تجدّد سؤال لو مثلها معجزة من ربّنا مع رسول=ما مات حيٍّ وهو ما شاد له بالكمال هذا جمالٍ يبيّض وجه من له يطول=ايه ايه هذا الجَمَال اللي يهد الجبال زينٍ فتن قبلي اللي يلبسن الحجول=وش عاد بيقول فيه منكّسين العقال زينٍ مسحني من الدنيا ثلاثين حول=يمكن خلقه الولي شمسٍ وانا له ظلال [/poet] اخر تعديل كان بواسطة » ناصر الفراعنة في يوم » 26-07-2003 عند الساعة » 21:18. |
23-07-2003, 14:09 | #2 |
عضو شعبيات
|
مووووووت القصيدة مووووووت واللي فيها القصيدة مووووت ومحجووووووووز من الشام لليمن |
23-07-2003, 14:23 | #3 |
عضو شعبيات
|
العملاق الباسق الشاعر الكبييييييييير :ناصر الفراعنة ها تبيني اقول : صح لسانك اقولها واكررها انك تعديت هذه المرحلة بدهور. وهناك كلمة اخرى لا بد ان نكتشفها ونقولها لك عيني عليك باردة ما شاء الله تبارك الله .والله الوصف. والله الوصف هذي ما هيب انسية هذي حوية من حور الجنة عسانا واياك وكل من يقرا من اهلها اني قد فتنت بقصيدك.عسى الله يخارجني منه . وانتظر رجعتي يا عملاق ابو فالح راح فيها يقول القصيدة موت واللي فيها القصيدة موت |
23-07-2003, 14:34 | #4 |
شــاعــر
|
ناااااااصر الفراااااعنة وحضور الشعر بكامل وجاهته يكفيني إلتصاقاً بالشعر والإبداع أنني مررت من هنا ذات يوم فشكراً لك ولكرمك أخوك -------- عبد الله الجزلاني ------- |
23-07-2003, 15:09 | #5 |
|
الشاعر الكبير ناصر الفراعنه .. جمالـهـا ســـرٍ أعـجــز مـعـجـزات الـحـلـول كــلْ مــا لقيـنـا لــه آجـابـة تـجــدّد ســـؤال هـذا جمـالٍ يبـيّـض وجــه مــن لــه يـطـول ايـه ايــه هــذا الجَـمَـال الـلـي يـهـد الجـبـال زيــنٍ مسحـنـي مــن الدنـيـا ثلاثـيـن حــول يمكـن خلقـه الولـي شمـسٍ وانـا لـه ظــلال صح لسانك مليون .. وصف ولا أروع !! ونص جزل لايحتاج لشهادة بل للأستمتاع فقط ! ماشاء الله .. تحياتي لك .. اخر تعديل كان بواسطة » الجازي في يوم » 23-07-2003 عند الساعة » 15:23. |
23-07-2003, 15:56 | #6 |
عضو
|
ناصر الفراعنه شاعر الثقلين شاعر مضر شاعرنا هنا في شعبيات عندما اتي احتار ماذا اكتب وماذا اترك ماذا اختار من ابياتك الرائعة نعم للابداع رجال وانت احد اوليك صح لسانك الى الابد تقبل مروري العاطر ولك باقة ورد من اجمل الورووود |
23-07-2003, 16:19 | #7 |
عضو شعبيات
|
تسلم يمينك
السلاام عليكم الشامخ / ناصر الفراعنه يا أخي من للشعر بعدك ، إجادة متقنة وحبك غير عادي ، أحسنت ودمت رائعا مبدعا يا أيها الباسق ، تقبل إعجابي تحياتي/ علي الحارثي اخر تعديل كان بواسطة » علي الحارثي في يوم » 24-07-2003 عند الساعة » 15:19. |
23-07-2003, 16:51 | #8 |
شـــاعــر
|
نااصر الفراعنه
البـيـض تـحـت الـسـواد يـطـيّـرنّ الـعـقـول والسـود فــوق البـيـاض يضيّـعـنّ الـرجـال والله لمست القلب بالوصف هذاا صح لسانك أما بالنسبه للتعليق تعرف نظرتي من قبل فيك وشهادتي مجروحه والاساتذ يبغالهم أساتذ أما حنا طلاب تقبل تحيااااتي أخوكـ ابو الطيب النبطي |
23-07-2003, 18:53 | #9 |
شـــاعــر
|
ابو فارس جئت لاسجل حضوري لان ابداع ابو فارس فوق كل كلمة اطراء ولكن ليس لنا الا ان نقول صح لسانك مليار يامبدع تقبل تحياتي |
23-07-2003, 19:35 | #10 |
النجدية
|
جمالـهـا ســـرٍ أعـجــز مـعـجـزات الـحـلـول ... كــلْ مــا لقيـنـا لــه آجـابـة تـجــدّد ســـؤال زيــنٍ مسحـنـي مــن الدنـيـا ثلاثـيـن حــول ... يمكـن خلقـه الولـي شمـسٍ وانـا لـه ظــلال ناصر الفراعنه ... تعبير رائع في ابيات ... تتبدد كل المفارقات وتذوب في ظل هذا الأعجاب والحب الكبير ..!! صح لسانك مليون .. ولك كل التقدير . |
24-07-2003, 08:25 | #11 |
عضو شعبيات
|
مجنوون الشعر مساك سعيد والله مدرى شقول بس توااجدى للحضور لان الراى ليس اقل مما سبق ولاكن تبقا القنبله الحقيقيه للساحه الشعبيه دون منااافس صح لساااااااااااااااانك مليوووووووووووووووون ولا يكفوووووووووون اخوك عادل كزمان |
24-07-2003, 10:12 | #12 |
عضو شعبيات
|
يا ما شاء الله تلوموني يا ابو فارس يومني من يوم سجلت في شعبيات قبل اكثر من سنة وتوقيعي بيتين من هالقصيدة !!!!!! يبي لي ارووووق عليها واجيك ..يا ابو فارس |
24-07-2003, 10:15 | #13 |
شــاعرة
|
المدهش ناصر الفراعنه ماشاءالله عليك وصح قلبك منتهى الروعه والابداع تحياتي |
24-07-2003, 10:28 | #14 |
عضو شعبيات
|
يالسبيعي وش خليت لغيرك صح لسانك والله اخوك احمد الغبين |
24-07-2003, 10:30 | #15 |
رحمة الله عليه
|
ابوفارس صح لسانك وعز الله ان الحلم والي جاك فيه ورفيقك الي يقول(هي جتك؟) كلهم بركه الي طلعوا لنا منك هالعنبر والولو ابداع يابو فارس زيــنٍ فـتـن قبـلـي الـلـي يلـبـسـن الـحـجـول وش عــاد بيـقـول فـيــه منكّـسـيـن الـعـقـال الله الله ومعنى محد سبقك عليه يابوفارس صح لسانك وعسانا مانفقدك يابوفارس |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|