17-11-2001, 00:12 | #1 |
عضو شعبيات
|
((( وعذاب العين )))
(كل عام وانتم بألف خير والشهر مبارك على الجميع ) إلا الأخوه والأخوات مرتادي هذا المنتدى الرائع اتمنا ان تنال أعجابكم وسبق ان نشرت في ساحة الأقلاع والسموحه على القصور ______________________________________ ((( وعذاب العين ))) وعذاب العين من شيٍ تشوفه ******* كلما ناظرت فيها قمت أغني ساحرٍ قلبي بتركيبة اوصوفه ******* كمله رب ِ ابزينه وامتحني صوبتني ماحصل منها مروفه ******* واتركتني في مهب الريح اوني القمر ياناس هي سبة خسوفه ******* والنجوم الليا طلعت مايطلعني ليتني في دنيته ساكن بجوفه ******* وامسح ادموعي قبل لا يفظحني الغلا فالقلب ماكلن يحوفه ******* لا رجا ينفع ولا فاد التمني بس مشكلتي عجزت افهم ظروفه ******* وان بغيت ابعدرجع قلبي وحني والجمال اللي ماهو بمثله اعوفه ******** حت لو ان البنات يداعبني ماعليهن ياولد والله احسوفه ******** ان بغن يرظن والا يزعلني وسلامتكم ____________ [ نوفمبر 16, 2001: تم تعديل الموضوع بواسطة : هوى بلادي ] |
17-11-2001, 00:38 | #2 |
شـــــاعــــــر
|
صوبتني ماحصل منها مروفه ******* واتركتني في مهب الريح اوني سلامتك من الصواب يا هوى بلادي ابيات لو ما حنا برمضان الله يشرفه كان قعدت اهندب واجر الصوت يعطيك العافية وتسلم وصح لسانك وتقبل مزيدا من تحياتي وتقديري . |
17-11-2001, 04:21 | #3 |
سيـــف الســـيــف
|
هوى بلادي0000000 اسعد المولى ايامك ولياليك رايي معروف مسبقا في المبدعين اللي مثلك قصيده تجبر الشاعر وصاحب اي مشاعر للوقوف والتامل بالصور الخلابه والتصوير الرائع يارائع اخوي صح لسانك وبيض الله وجهك وسلمت يداك لك مني اطيب تحيه |
18-11-2001, 07:06 | #4 |
شـــاعر
|
هوى بلااااادي الله عليك وصح لسسانك على هالقصيده |
18-11-2001, 07:50 | #5 |
ينتظر التفعيل
|
صوبتني ماحصل منها مروفه .........واتركتني في مهب الريح اوني القمر ياناس هي سبة خسوفه .........والنجوم الليا طلعت مايطلعني اخوي الغالي هوى بلادي .. حضور عذب وقصيدة في غاية الاناقة وشاعرية رائعة وقصيدة متميزه يالطيب صح لسانك وبيض الله وجهك وهلابك يابعدي |
18-11-2001, 12:47 | #6 |
عضو
|
إخوي هوى بلاديياخوي الف الحمد لله على السلامه وإنا إقول وين راح إثرك مصوب ياقلبي عليك يالغالي والله مير عادتهن ليا شافن اللي قلبه على الحفه مثلي انا وانت وطقتنا على طول بين حدب الضلوع الإصابه مركزه الحمد لله اللي شفناك ياخوي والله إنك رائع في حضورك دائماً يا هوى بلادي صراحه قصيده تدعو اللي الغناء بصوت عالي بس يامعود إرمضان كريم إوريك فيها فالعيد إزعجبها الصوت في إعلا طعس في المروت با لنفود الكبرى يا هلا والله يا هوى بلادي إبك وإب جديدك صـــــــــــــــــــــــــــــــــــــــــــــــــ ـــــــــــــــــــح لسانك إقبل فـــــــــــــــــــــــــــــــــــــــــــــائق إحترامي |
19-11-2001, 02:13 | #7 |
عضو شعبيات
|
اخوي ابو نوت الله يحييك وصح بدنك وزيارتك اعتز فيها يمال العافيه ولك مني فائق الأحترام والتقدير |
19-11-2001, 02:17 | #8 |
عضو شعبيات
|
اخوي عكاشه هلا والله ومسهلا ومرحباً ألف والله يحييك ابو عبيد وانت ادرى زيارتك واطلاعك على اللي اكتبه يفرحني واجد واجد يمال العافيه وتقبل تحيات أخوك |
19-11-2001, 02:23 | #9 |
عضو شعبيات
|
اخوي غزااالان مرحبا والله ومسهلا وهلا والله بهالطله وصح بدنك وانت غالي يسنايدي وزيارتك تشرح الخاطر تقبل تحيات اخوك |
19-11-2001, 02:29 | #10 |
عضو شعبيات
|
اخوي ولهان -1 مرحبا والله ومسهلا والله يعطيك ألف عافيه بالمشرف وتراني سعيد ياخوك يوم شفت ردك وانت معودما دايم بالحظور الطيب ومنكم انتعلم وانتم اهل التميز والأبداع وحنا تلاميذ في مدارسكم ياسنايدي تقبل تحياتي |
19-11-2001, 02:41 | #11 |
عضو شعبيات
|
Textالاخ هوى بلادي صح لسانك قصيده جزله واسلوب مميز الله يعطيك العافيه وتسلم يمناك ولاهنت تقبل تحياتي احمد آل حارث (( المدار ))Text |
19-11-2001, 02:41 | #12 |
عضو شعبيات
|
اخوي وحبيب البي أبو مهنا مرحبا والله ومسهلا بالغالي ياخوي الله يسلمك من كل مكروه انت والأخوان جميع ومثلك خابر وناأخوك الهواويه دايم مصوبين وملعن خامسهم بعد بس ونا أخوك هالمره مهوب مثل كل مره صواب الله لا يوريك خلاني اسهر الليل كله ونا مره أغني ومره أون ( آآآآآآآآآه يابو مهنا لو تشوفه ) أخوي هالمره ماكتبت ( تحذيقه ) كالعاده الوعد بعد العيد يابو مهنا علاشان نرفع الصوت ونغني تقبل تحيات أخوك |
19-11-2001, 13:46 | #13 |
عضو شعبيات
|
صوبتني ماحصل منها مروفه .........واتركتني في مهب الريح اوني القمر ياناس هي سبة خسوفه .........والنجوم الليا طلعت مايطلعني اخوي هوى بلادي صح لسانك على هذه القصيده الرائعة تقبل تحياتي اخوك .......... ستر الهوجا |
19-11-2001, 22:48 | #14 |
عضو شعبيات
|
أخوي المدار ياهلا والله وسهلا علا هالطله ومرحبا فيك يالغالي ونا شاكرلك هالزياره ، وصح بدنك وتقبل تحياتي |
19-11-2001, 22:52 | #15 |
عضو شعبيات
|
اخوي ستر الهوجا الله يطولي في عمرك ويخليك وتسلم وشاكر على الزياره وصح بدنك وتقبل تحيات أخوك |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|