28-10-2001, 21:31
|
#1 |
|
عضو شعبيات
|
ساكن .. امريكا (محاوره )
محاورة شعريه .. موجهه للشاعر بدوي بأمريكا .. اتمنى ان تعجبه ويحضر .. ويشرفني اللعب معه .. ************************** سلام يابدّوي سكن في مريّكا *** هات العلوم اللي بديرتك ذيكا *** جاوب لـ طاوي يوم جاء يحتريكا *** والله ليا منه بغا شي مضاه الليله الليله وفي بالي ***** ابلعن الشيطان وعياله //////////////////////////////////////// الليل راح الليل ون طول الليل *** نبا نعين فيه ناقد وتحليل *** حتى تزين السالفه بالتفاصيل ***والله ليا منه بغا شي مضاه وين الخواجه جيته الحالي ***** ساكن لديرة بوش بلحاله اخوك// طـــ الليل ـــاوي  [ أكتوبر 28, 2001: تم تعديل الموضوع بواسطة : طـــ الليل ـــاوي ] [ أكتوبر 28, 2001: تم تعديل الموضوع بواسطة : طـــ الليل ـــاوي ] |
|
|
|
30-10-2001, 01:42
|
#2 |
|
شــاعر
|
هلا هلا هلا اخوي طاوي الليل والله ما شفتها الا الان... والان صباح الاثنين وطالع الجامعه الان وانشالله برجع عشر بالليل من الجامعه... اسف على التأخير..واسف اني ما استطيع ارد عليه الان...ولكن ابشر بالرد بس خلني على راحتي شوي.. اشكرك وتقبل تحياتي اخوك البدوي |
|
|
|
|
30-10-2001, 15:34
|
#3 |
|
موقوف
|
اجل انشاء الله نبشر انفسنا بمحاوره طيبه دام فيها اخوي طاوي الليل واخوي بدوي من امريكا فنبشر بالخير المهم اعذروني لاني اتعب من مسك الصفوف باجلس اتفرج وانتم على القوه بس لا تنسون سباحكم تجيبونها معكم وبالذات اخوي بدوي من امريكا ان كان عندك سبحه والا وص احد يرسل لك من السعوديه وتقبلوا تحياتي |
|
|
|
|
30-10-2001, 17:02
|
#4 |
|
شــاعر
|
هلا اخوي طاوي الليل: اولا اعذرني على التاخير.... ثانيا: الان الساعه الحاديه عشر ليلا..بكتب هالبيتين واروح انام..وبكره مشغول جدا..لا تنتظر مني رد الا مثل هالوقت القابله انشالله.. امل ان تقدر ظروف اخوك تراه طالب..ويغني على حسب فراغه... استلم طال عمرك: يا مرحبا حييت يا طاوي الليل***ترحيبة ترعد وتبرق كما السيل***هات الدلال وقرب البن والهيل...والله ليامنه بغا علم مضاه شد العصاء يا محتم التالي....واذبح بليس ولا توياله ......... الليل عندك طلعة الصبح عندي***والسالفه فيها يماني وهندي***لكن قد القافله يالافدني...والله ليامنه بغا علم مضاه ترى الخواجه منزله عالي....وش دبرتك لاجالك مرساله وعذرنا على القصور ترانا تعابا من هالمحاضرات منخولة روسنا  |
|
|
|
|
31-10-2001, 00:23
|
#5 |
|
عضو شعبيات
|
هلا بك // هاوي قصيد .. وابشر بالخير دام اخوي بدوي جاء .. واعذرونا على القصوووور ... اخوي بدوي مرحبا مليون ولا يكفوووووون والله يعينك على الدراسه والله اني لاهي مثلك الله انه يخارجنا من هالدراسه بخير .. واستلم لاهنت ... ******************* اهلا ً هلابك يالخواجه ويلي *** في ديرت اللي مايصوم ويصلي *** جاك السعد طاوي وحزنك يولي *** والله ليا منه بغا شيء مضاه .. شد الرسن للخيل خيالي ***** وابليس في ديرتك منزاله تو السوالف لاتعجل عليها *** طاوي ليا منه بغاها يجيها *** والى شعلها ويل من يصطليها *** والله ليا منه بغا شيء مضاه .. يوم الخواجه رد مرسالي ***** جبار يقوى العلم وشتاله |
|
|
|
|
31-10-2001, 04:55
|
#6 |
|
عضو شعبيات
|
الله يقويكم تراني متابعه واون لاين  |
|
|
|
|
31-10-2001, 08:17
|
#7 |
|
عضو شعبيات
|
هلا بك مظلومه .. يشرفنا متابعتك .. بس عاد اون لاين شكل الدعوى .. باطول .. >> واحد مصدق يخلف على ام جابته شكراً للمشاركه اخوكم // طـــ الليل ـــاوي |
|
|
|
|
31-10-2001, 18:31
|
#8 |
|
شــاعر
|
هلا اخوي هاوي قصيد.. حياك الله ...وشكرا للمتابع ..وكان عدك سبحه ارسلها لخوك .... اختي مضلومه هلا وشكرا على المتابعه... اخوي طاوي الليل اسف على التاخير... واستلم طال عمرك: الصاحب اللي يوم ارحب يهلي...كنه تجاهل كلمتي ما فطن لي...مدري يحسبن الغريب متسلي...والله ليامنه بغى شي مضاه ابليس لا عمي ولا خالي....اقضب رقبته وش تزوى له يا حاحبي والله ما عاد ندري....نقول هات العلم وتقول بدري...فرحت صدري ثم ضيقت صدري...والله ليامنه بغا علم مضاه المرجله تحتاج رجالي....والفول يشبع منه فواله |
|
|
|
|
31-10-2001, 19:03
|
#9 |
|
شــاعر
|
خوي طاوي/ فيه خطاء في الطباعه: بليس لا عمي ولا خالي....اقضب رقبته وش تعزوى له اسف ترى اخوك طباعته مش حالك  |
|
|
|
|
01-11-2001, 08:01
|
#10 |
|
عضو شعبيات
|
هلا بك اخوي // بدوي في امريكا .. وآسف على التأخير .. واستلم لاهنت ******************************** يومي لمحت الرد جيتك على طول *** هليت بك من فرحتي .. قلت معقول *** عندي شحم فيه الدسم خلل الفول *** والله ليا منه بغا شيء مضاه .. الصاحب اللي قال لي سالي ***** خلاص ماني مشغل(ن)باله ياذا الغريب بغربتك وش حصلك *** ما تحسب حساب الليالي تذلك *** وان كان ضيعت الدروب ابـ ندلك *** والله ليا منه بغا شيء مضاه .. لا .. لا تضيق ووسع البالي ***** بحط لك براد .. وبياله [ أكتوبر 31, 2001: تم تعديل الموضوع بواسطة : طـــ الليل ـــاوي ] |
|
|
|
|
01-11-2001, 11:17
|
#11 |
|
شــاعر
|
اخوي طاوي: استلم لا هنت: يا حر ما دامك معزب عذرناك....هليت في دارك وضيفك تعداك...فولك وسمنك خلها دوب يمناك..والله ليامنه بغا شي مضاه.. بعض العلوم عراض وطوالي...نصيب راع الفال من فاله في غربتي حصلت نورن على نور...بالشعر انا الشاعر وبالعلم دكتور...وان جيتنا مناك منته بمحقور...والله ليامنه بغا شي مضاه.. تذمني مدري تويالي...وبيالتك بالسم مكتاله |
|
|
|
|
01-11-2001, 12:11
|
#12 |
|
عضو شعبيات
|
خوي // بدوي استلم طال عمرك .. ******************************* من قالطين المنتداء والك تقدير *** مديت لك شحم ودسم قلت ابا غير *** في ديرتك وشهي كرامتك ياطير *** والله ليا منه بغا شيء مضاه .. جيت ا بـ علوم الوان واشكالي **** نصيب يتلاء الفال بعقاله شاعر كفو يعرف يصيغ القوافي *** ودكتور يالدكتور ربك يعافي *** سميت في ديرتك قهوتك كافي *** *** والله ليا منه بغا شيء مضاه .. اللي بيجلي حيرته والي ***** من هم صاحبنا .. يورىله [ نوفمبر 01, 2001: تم تعديل الموضوع بواسطة : طـــ الليل ـــاوي ] |
|
|
|
|
01-11-2001, 12:58
|
#13 |
|
موقوف
|
الله لا يهينكم ومستمرين بالمتابعه |
|
|
|
|
01-11-2001, 14:37
|
#14 |
|
شــاعر
|
هلا اخوي طاوي: استلم لا هنت: القايل انته والقدر ذاك قدرك....يوم احترق رزق بعد فاح قدرك...ياللي تمشى والمسامير حدرك...الله ليامنه بغا علم مضاه مالله سترك بثوبك البالي...ترجف ركبك وحالتك حاله ترى الدروب مع الفيافي وسيعه....والسم كافي للقلوب الوجيعه....وانا عن الهفوات نفسي رفيعه...والله ليامنه بغا علم مضاه.. يوم انفجر صدرك من الصالي....من ضربة في الجوف قتاله اخوي طاوي.....صح لسانك يا بعدي...واعذرني...انا مشغول وانشالله لنا لقاء في محاورات اخرى..اشكرك على طلبي لهذه المحاوره ...واشكر لك صبرك على تاخيري بالردود. تقبل تحيات اخوك البدوي |
|
|
|
|
01-11-2001, 20:41
|
#15 |
|
سيـــف الســـيــف
|
اخوي طاوي الليل بيض الله وجهك وصح لسانك وماقصرت في مراعاة ظروف اخونا البدوي وهذا شي تشكر عليه ================ بدوي في امريكا صح لسانك 000 وماقصرت ولو انك شحيت علينا ولكن مقدرين وضعك وظروفك والله يوفقك وترجع للوطن سالم وغانم ================ لكم تحياتي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
