30-04-2003, 07:53
|
#1 |
|
شــــاعـــر
|
حسبي عليكم كلكم ياعيالي <<<لحمود العبيد ال رشيد
هذي قصه حدثت ايام حكم ال رشيد لحائل... وبالتحديد بعد سقوط الرياض ومقتل الجنازه عبدالعزيز ال رشيد .... بعد مقتل الجنازه ... استلم حكم حائل اولاده من بعده ... متعب وطلال ومحمد ومشعل .... وفي ذلك الوقت كثرت المشاحنات والمشاكل بين ابناء الجنازه وابناء حمود العبيد الرشيد ((سلطان وسعود )) اللذان طمعا في الحكم ...رغم معارضة ابوهم حمود العبيد لهم وكان حمود يحب ابناء الجنازه كأولاده .... فأقدم سلطان وسعود ابناء حمود العبيد على قتل ابناء الجنازه ((متعب وطلال ومحمد ومشعل ))... وقد تأثر حمود العبيد بوفاتهم تاثرا شديدا وغضب على ابنيه ... وقد قال قصيده طويله جدا من شدة تاثره وقد توفي بعد ذلك بايام ويقولون انه مات من القهر عليهم ... هذا مااحفظه من القصيده ... واعذروني على القصور ..... [poet font="Times New Roman,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""] ياليتني قيلت معهم ولاجيت = ولاشفت ذبحتهم جميع(ن) قبالي متعب ولد بنتي ولاعنه سجيت = ومشعل ربيعي يوم يجلس عدالي وطلال يلجالي وانا له تلاجيت = لاشفت زوله وردت الما حبالي ومحمد اللي ذبح في رفة البيت = عز الله انه من ضناين حلالي عز الله اني بالعهد ماترديت = مع نسل عبدالله قديم(ن) وتالي سلطان قد بقت العهد لو ترقيت = الشمس لازالت يزول الظلالي سلطان ورث الميت مثله غدا ميييت = وماينفع المحروم كثر الحلالي حسبي على سلطان وسعود حسبيت = حسبي عليكم كلكم ياعيالي سلطان انا من جظة البيت جظيت = والليله القشرا سببها عيالي حمود العبيد ال رشيد [/poet] |
|
|
|
30-04-2003, 11:59
|
#2 |
|
رحمة الله عليه
|
اخوي نواف الشمري  حياك الله انت والي تجيبه من السواليف الممتعه  وحمود العبيد الرشيد رثى عياله كلهم . منهم الي مات بمعركة الصريف . يوم يقول الله اكبر كل ماحل طاريك .............. اوجس على قلبي مثل صفق الهبايب على العموم اخوي نواف حياك الله بين اخوانك وتسلم يمناك |
|
|
|
|
01-05-2003, 06:13
|
#3 |
|
عضو شعبيات
|
يعطيــــك العافيه يانواف الشمري ولأهنت ملياااااااار. اشكرك من كل قلبي على القصه الجميله والقصيده الجميله والجزله ورحم الله الجنازه , فعلأ انا من الناس الي يحب يعرف سوالف الجنازه وحمود الرشيد ,فلأتحرمنا الله يجزاك خير وبنتظار القادم انشالله. تقبل تحياتي. فتى الوادي |
|
|
|
|
03-05-2003, 11:55
|
#4 |
|
شــاعــر
|
هلااااااا بابو حمود شكرا على هالقصه الي صاغ مرارتها عيال عم  بس ودي اسألك انت وخالي عزيز ان كان عنده علم وشلون انذبحو عيال الجنازه؟؟(نبي التفصيل )واشكرك مره اخرى |
|
|
|
|
04-05-2003, 07:49
|
#5 |
|
رحمة الله عليه
|
اخوي خالد بعد اذن اخوي نواف ماودي اتلقف  كالعاده واقلط على موضوع اخوي نواف .لكن اكيد انشاء الله تلقى العلم عند اخوي نواف |
|
|
|
|
04-05-2003, 15:04
|
#6 |
|
شــــاعـــر
|
اررررررحب يابو شايع ماطلبت شي اعتبرها مسروده اخوي عزيز افا عليك ياخلف جدي محلك وتاخذ راحتك كم عزيز عندنا ... خالد دام انك تستفسر عن هاالقصه ؟؟؟؟ اعدك اني انشرها بموضوع جديد ...بعد اذنك طبعا ...لانها تجرني الى حديث طويل وتفرعات كثيره ....... وش رايكم انت؟ |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
