30-07-2003, 17:52 | #1 |
عضو شعبيات
|
أشرب الفنجال واكب البياله ---- من يعرفها؟
اخواني - السلام عليكم ورحمة الله وبركاته ابحث عن القصة والقصيدة الكاملة اللي منها... اشرب الفنجال واكب البياله طيب واحب سلم الطيبيني حالف ما اخذ على الطرقي رياله والثلاثة فن والله ماتجيني والشكر مقدم وتحياتي... |
30-07-2003, 18:29 | #2 |
عضو شعبيات
|
الاخ العزيز000 ابو يوســـف مرحبا بك اما القصيده فهي لشاعر الكبير راشــد ابن الذيب العجمي حسب الروايات اما قصتها مادري عنها شي ولكن اوعدك اني احاول ان احصل على القصيده وقصتها اذا كان لها قصه وانشرها لكم في المنتدى او قد ما اقدر من ابيات القصيده وانا احفظ منها كم بيت الحين ولكن ليست بترتيب والمعذره على القصور طال عمرك وتقبل تحياتي اخوك قتيــل الصمت |
01-08-2003, 22:20 | #3 |
عضو شعبيات
|
اخي الكريم : ابو يوسف شاعر ذا القصيده هو راشد بن حسن بن رحيان العجمي - الله يرحمه والقصه هي انه يوم من الايام أشرت له عجوز ومعها حمار قالت وصلني يا الأجودي قدام شوي قال ابشيلك بس الحمار .لا قالت له خلاص روح الله يستر عليك بيجي الذيب ويشيلني انشاْ الله تقصد راشد العجمي .. قال لها يا خاله انا راشد الذيب .. اركبي وابشري بالخير. وسامحني على القصور تقبل تحياتي الخويطري |
02-08-2003, 04:30 | #4 |
عضو شعبيات
|
لله الله الربع اجادو بوصف القصه وهذي هي القصيده والقصيده مع البيت المراد كامله وتنشر لاول مره كامله [poet font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=""] قالها إبن الذيب من هاجوس باله=كلمةٍ يلعب بها والبال زيني قالها يومه طراله ما طراله=من هواجيسٍ تشيب المرضعيني غرّني بعض الرجال بكثر ماله=مادرى إن الموت في حبل الوتيني كيف ينفعني وبعض الناس خاله=ما يدوم البيت كان الساس طيني ماش وين اللي عوايده الشكاله=مثل إبن ظافر حمد ليته يجيني الثنا والجود دايم في خياله=علّمه ظافر سلوم الطيّبيني جوّد العليا ولزّمها عياله=وأدركوا من علمته دنيا وديني واهني من باع حظّه وإشتراله=سار في درب النبي وأخزا اللعيني موقفه ماكل رجّالٍ يناله=ومن بغا ممشاه يقعد مرّتيني وكم ذبح من حايلٍ من حر ماله=وعادته لطمة خشوم العايليني حالفٍ ماخذ على الطرقي رياله=وبالثلاث محرّم إنها ما تجيني لا لقيت اللي على السكّه لحاله=يلتفت ويقول : وين المستحيني أوقف الموتر حيا وأبغا الجماله=يوم ولد اللاش وجهه ما يليني والطمع في كرّوة الرجلي رذاله=خصّ به وإن جا مجال الغانميني والردي في حالةٍ ماهيب حاله=يا عوينه من كلام الطيّبيني الولد وإن طاب قالوا : من خواله=بالخوال يسال قبل الوالديني وأركبه لعيون من زينٍ دلاله=ما تحاكوا في قفاه الرامسيني ما بغى غيري وأنا مابغا بداله=قاعدٍ لي بالرجا مدّة سنيني ما قعدنا فالعمل نبغا الرزاله=ناخذ العليا طريق الفايزيني وأشرب الفنجال وأكب البياله=تابعٍ سلمي سلوم الأوليني [/poet] |
03-08-2003, 23:04 | #5 |
عضو شعبيات
|
الله يبيض وجيهكم اخوي قتيل الصمت الله يعافيك وما جرى منك الا الطيب وشكراً لتجاوبك . اخوي الخويطري اهتمامك يسعدني والله يطول عمرك ولا حصل منك فصور . اخوي المطلاع الله يرحم والديك ويريح بالك وافي ولا قصرت واشكرك على هذا الاهتمام . |
03-08-2003, 23:10 | #6 |
عضو شعبيات
|
حاظرين ياغالي |
06-08-2003, 09:16 | #7 |
عضو شعبيات
|
صح لساانك يالمطلأع وحاضرين للطيبين يا يوسف وانشالله مااقصر معك لأ انا ولأ الربع كلهم تقبل تحياتي الخويطري |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|