![]() |
#1 |
عضو شعبيات
|
قال صاحبك المقرب هو سعالك بالوشايا ؟؟؟؟؟؟
الحقيقه هاذي ثانيه قصيده اكتبهاهنا علموني انا شاعر حقيقي ولا امسك باب المنتدى خليكم صريحين معي لاتجاملوني تراني داخل على الله ثم عليكم <--- متحمس ![]() 7 77 7 شققت ذيك القصايد وكسرت كل الهدايا ،، وانكرت عهدً قديم كاتبينه بالصحايف وعسفت مرسول قلبي وانا مدري وش خطايا ،، ونزلت دمعات عينه تنتحب فوق الشفايف أسرعت بالمشي تقفي كل مافيها خفايا ،، ماظهر علمٍ ولا حتى بقا بالعين شايف سال دمٍ من عيوني وارعدت فوقي سمايا ،، وانكسر عودي ونفسي ارتمت وسط الكسايف عقبها مافيني حيٍ عقبها كلي ضحايا ،، عقبها طاحت حلومي من على ذيك النوايف يسند الممشا عصاتي وسط مخباتي دوايا ،، شايبٍ والعمر توه صارت ضلوعه نحايف لي ثلاث سنين عنها عمري ترثيه المنايا ،، ليتها شافت جروحٍ ترتعد منها الخسايف علمها جاني وعنها ليه سوتبي السوايا ،، ليه خلتني وراحت والعقل فيها نصايف (قال صاحبك المقرب هو سعالك بالوشايا) ،، هو سبب كل المشاكل والمفارق والعسايف ويش بس اللي رماها خلف تصديق النوايا ،، ليتها تدري برجلٍ حطها فوق الولايف كيف صدقتي ورحتي كيف ماصنتي هوايا ،، كيف ترمين المحبه عقب ماكنا حلايف علموها من غدى قلبه صويب بالحنايا ،، علموها من غدى جسمه تطيره الهفايف علموها من غدى يهذي على نفسه حكايا ،، علموها من غدى يبكي اذا سمع الطرايف علموها من غدى يمشي على درب النهايا ،، علموها من غدى عمره غرابيل وحسايف .... واسف جداً على الاطاله لان القصيده من صميم قلبي ![]() |
![]() |
![]() |
![]() |
#2 |
العاشــق
|
رفيق الدرب راجي 909 / بكل الحب....... لك إحساس جميل ونكهه مختلفه ... ومن خلال القصيده بدالنا جمال كاتبها لكن لايمنع أن نتعشم فيك الأجمل دائما ........ وبالحب سنلتقي مجدداً |
![]() |
![]() |
![]() |
#3 |
شـــــاعــــــر
|
الأخ العزيز راجي 909 السلام عليكم اولا اهلا بك بين اخوتك شاعرا يعلم ويتعلم وقضبة الباب مهيب على كل حال طال عمرك عندنا ميزان قصيد والمايل يتعدل والي عنده موهبه تطلع بشكلها الصحيح اما قصيدتك جميله ولا ينقصها الحس الشعري والمعنى الجميل ولكن طريقة الكتابه قد توحي لدى البعض لأول مره ان هناك خلل ولكن وبدون مجامله قصيدة لا غبار عليها اهلا فيك وفي مشاركاتك القادمه ولو طولت وش فيها اكتب على راحتك التعب على الكيبورد ياسلام عليك ياراجي عقبها مافيني حيٍ عقبها كلي ضحايا ،، عقبها طاحت حلومي من على ذيك النوايف يسند الممشا عصاتي وسط مخباتي دوايا ،، شايبٍ والعمر توه صارت ضلوعه نحايف تحياتي وتقديري اخوك ابونوت |
![]() |
![]() |
![]() |
#4 |
رفيــق الحــزن
|
اخوي راجي صح لسانك وسلمت على القصيدة الجميلة . كل هالتصوير العذب والمفردات الجميلة وتبي تقضب الباب الا ادخل ورد الباب عين لك غطا وعين فراش وشعرك يشهد لك ونطمع فالمزيد كان هذي علومك . اخوي هلا ومرهبا فيك بيننا وحط رجلك نتشرف بوجود بيننا . عقبها مافيني حيٍ عقبها كلي ضحايا ،، عقبها طاحت حلومي من على ذيك النوايف يسند الممشا عصاتي وسط مخباتي دوايا ،، شايبٍ والعمر توه صارت ضلوعه نحايف رائع ياراجي وياهلا . |
![]() |
![]() |
![]() |
#5 |
رحمة الله عليه
|
أخوي: راجي909 ....... صح لسانك وبيض الله وجهك قصيده طيبه من وجهٍ طيب ,,,بعدين يالحبيب الباب مقفل بقفل وممنوع الخروج ![]() صعب ![]() شققت ذيك القصايد وكسرت كل الهدايا ،، وانكرت عهدً قديم كاتبينه بالصحايف وعسفت مرسول قلبي وانا مدري وش خطايا ،، ونزلت دمعات عينه تنتحب فوق الشفايف أسرعت بالمشي تقفي كل مافيها خفايا ،، ماظهر علمٍ ولا حتى بقا بالعين شايف سال دمٍ من عيوني وارعدت فوقي سمايا ،، وانكسر عودي ونفسي ارتمت وسط الكسايف ياسلام ياسلام يعطيك العافيه ... ![]() ![]() ![]() ![]() ![]() ![]() ![]() ![]() ![]() ![]() |
![]() |
![]() |
![]() |
#6 |
شـــاعــر
|
أخوي راجي عيدك مبارك وكل عام وانت بخير بعد الاخوان اللي فوق واللي هم من نخبة شعبيات ما أقدر اضيف لك شيء . لكن صح لسانك وبدايه قويه . عزفت لحن القلوب , وعزفك كان منفرد ومميز وجميل .والاخوان سبقوني وما أقدر أضيف عليهم شيء . لك كل الود وتقبل تحياتي ,,,,,, أخوك / عبدالله مران (1)- http://www.eqla3.com/cgi-bin/sh3r/ul...c&f=5&t=000753 (2)- http://www.eqla3.com/cgi-bin/sh3r/ul...c&f=5&t=000864 |
![]() |
![]() |
![]() |
#7 |
عضو شعبيات
|
عبدالمحسن بن سعيد : الف شكر اخوي عبدالمحسن ومشكور على ردك ابونوت : كنت وانا اكتب القصيده على صفحة المنتدى اتمنى ردك حتى لو كان يصفني بغير الشاعر ولكن ان تعجبك قصيدتي فهذا بحد ذاتها انجاز لي ومصدر فخر واتمنى وجودك دائماً على صفحات قصائدي القادمه والف شكر عبدالرحمن الربيّع : الرائع هو انت وكلامك اللطيف واشكرك على تواجدك معي ووقوفك معي وجعلني دوم عند حسن ضنك راعي العنود : الله يسلمك وبالنسبه للباب ترى صكيته ولاعادني طالع منكم وابصير لزقة على قلوبكم الين يتملون مني ومشكور على تفاعلك معي عبدالله مران : ابو مران حياك الله وكل عام وانت بخير واشكرك على تواجدك وردك ياغالي |
![]() |
![]() |
![]() |
#8 |
عضو شعبيات
|
![]() هلا بك اخي راجي909 شاعر شاعر شاعر بالثلاثه.. اكتب ولا تتردّد ابدا .. ويش بس اللي رماها خلف تصديق النوايا ،، ليتها تدري برجلٍ حطها فوق الولايف اكتب اكتب وهي بتدري انشاء الله ![]() تسلم وصح لسانك.. ويعطيك الف عافيه.. |
![]() |
![]() |
![]() |
#9 |
عضو شعبيات
|
![]() اخوووي .. راجي اولا .. مرحبا بك بين اخوانك ومنتداك ثانيا .. انت شاعر وقصيدتك ماعليها غبار .. روووووووووووعه ثالثا .. صح لساااااانك ولا هنت رابعا .. في انتظار جديدك خامسا .. تقبل تحياتي ![]() اخوك موعووود |
![]() |
![]() |
![]() |
#10 |
عضو شعبيات
|
الله يخليلك قلبك وصح بدنك ياراجي يسند الممشا عصاتي وسط مخباتي دوايا ،، شايبٍ والعمر توه صارت ضلوعه نحايف انشالله تنتداوى من دوى ![]() |
![]() |
![]() |
![]() |
#11 |
عضو شعبيات
|
الاخ الشاعر / راجي 909... انت طلبت الصدق ووالله ما يجيك الا الصدق ... اذا كنت انا افهم بالشعر فأنت شاعر ولكن ... هل تكفي هذه الشهاده ؟ الوصول الى لقب شاعر سهل جدا وخصوصا هذه الايام .. خصوصا عندما يجيد الشاعر الوزن والقافيه ولكن ايضا .. هل يكفي الوزن والقافيه ؟ لا وانما كن طموحا واسعى الى الافضل من خلال الكتابه والكتابه والكتابه والقراءه لأفضل القصائد والشعراء .. اذا كنت لا تزال صغيرا في السن فانا اتوقع لك مستقبلا باهرا اذا انت استطعت ان تحافظ على موهبتك وتنميها بشكل جيد . علموها من غدى قلبه صويب بالحنايا ،، علموها من غدى جسمه تطيره الهفايف علموها من غدى يهذي على نفسه حكايا ،، علموها من غدى يبكي اذا سمع الطرايف علموها من غدى يمشي على درب النهايا ،، علموها من غدى عمره غرابيل وحسايف .... راجي ... انت رائع .. وعلى الود نلتقي . |
![]() |
![]() |
![]() |
#12 |
عضو شعبيات
|
اخوي الغالي (راجي 909) وش الكلام اللي تقوله معصي ولا انتب مطيوع كيف تقضب الباب وهذي قصيتك الا شاعر ومن اقضل الشعراء اللي قريت لهم انا يوم قريت قصيتك قلت ابدور فيها خلل لقيت الخلل في قصيدي انا اما انت لا والله حاشاك ...... ابس فيه ملاحظه صغيره ليس لها علا قه بالشعر وهي طريقه الكتابه يعني لو تحاول تنظمه افضل من كذا يكون احسن وختامها .............صح لسانك |
![]() |
![]() |
![]() |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|