07-06-2002, 18:28
|
#1 |
|
جاسر الحربي
|
الاحمدي وبنت ابن سعيد الشمري
السلام عليكم ........ دمتم في عافيه صلوا على النبي .......... مفضي بن ولمان الاحمدي, قتل واحد من ربعه وجلا عنهم واستقربه المقام في قبيلة شمر عند شيخ العليان والفارس (بن سعيد)( معشى الذيب)........... بس مفضي عرفهم بنفسه باسم ثاني وهو (رويعي الحربي), المهم مفضي جلس عند هالشيخ الكريم واذا ما جا بن سعيد الا وقام مفضي (رويعي) وقلط على الدلال وصلح القهوه لعمه بن سعيد ......... المهم في يوم من ذيك الايام, أغار قوم على ابل بن سعيد وماكان في هالوقت الا ثلاثه رويعي( مفضي الاحمدي), و(بنت ابن سعيد), وخيال بسيفه كان حول الحمى ............... ويوم ان الابل انوخذت قام رويعي يسعى لراعي الحصان وينخاه ...... المهم راعي الفرس قال وهو ميت من الضحك: كيف تبغاني أحارب القوم وانا شخص واحد ؟؟ !! قال له رويعي( مفضي الاحمدي): انت ماش هات الحصان والسيف ...... قال هاك الحصان والسيف وهو يضحك بعد وقاله:هذا الحصان والسيف ولا تضربهم الا مع رؤسهم ...... يستهزيء الاخ ركب رويعي الحصان ولحق بالقوم وقتل منهم أربعه ورد النوق وجاب خيلهم قلائع( غنيمة ودليل), وفي ذاك الوقت وهو يحارب القوم ويطاردهم كان يعتزي بقوله: خيل (فلانه) أحمـــدي سمعته بنت سعيد وعرفت انه هذا ماهو رويعي الا هو فارس شجاع واختفى تحت هالاسم (رويعي). المهم يوم عاد مفضي بالخيل زهم على راعي الحصان وقال له: دوك حصانك وسيفك وشف هذي أعنة الخيل القلائع ولا أحد يدري اني انا اللي رديت الابل وجبت هالقلائع ........ وطبعا وافق !!! وفي الليل صار رجال القبيله يتوافدون على بن سعيد يباركون له رد الابل. ومثل العادة قام رويعي وشب النار بيصلح القهوه. ويوم قام يبي يصب الدله الا وبنت ابن سعيد تخاطب ابوها بقولها: قالت: يا يبه ابغا منك طلب وان شاء الله ما بتبخل عليّة......... قال ابوها:وش هو يا بنتي ( كان يعزها كثير) قالت:اللي يبغا يا يبه يعطي ما ينشد طالبه !! .......... قالها: جاك طلبك يا بنتي ....... قالت: ابغا اصب القهوه بدل رويعي ......... قال ابوها: صبيها ما فيه غير رجالك وعيال عمّك........... بنت سعيد صبت اول فنجال لبوها وثاني فنجال صبته لــ رويعي( مفضي الاحمدي) .......... بنت سعيد أعجبت بــ رويعي وبشجاعته .......... من شان كذا حبت تعرّف ابوها باللي صار ........ وقالت: يا يبه ترى اللي رد الابل ماهو فلان راعي الحصان .. هذا رويعي وهو متخفي تحت هالاسم وتراه من الاحامده من حرب وما ظنتي انه راعي الا هو فارس وعزيز............. قال ابن سعيد: يا رويعي وش سالفتك. وبما ان مفضي الاحمدي(رويعي) عرف منهو عمه من الرجال وانه راعي وفا وكرم استأمنه واعطاه سالفته مع جماعته ........ قال ابن سعيد: يا مفضي انت عنهم أبعد من النجوم وترانا مسيرين على جماعتك بنسوي امرك معاهم ........ وفعلا الفوا على الاحامده وقال ابن سعيدك هذا مفضي صار واحد منا كان تبغون السوق فحنا ما جينا الا متكفلين فيه .......... وافق الاحامده بالسوق ......... ودفع ابن سعيد وربعه الديه كامله عن مفضي ... ورجعوا العليان واميرهم ابن سعيد لديارهم ومفضي معاهم .......... ليش؟؟ كان الرجال قد وقع في حب بنت سعيد (اللي عرفت بزين اخلاقها وحسن منطوقها وعقلة راجحه). طلبها من ابوها ووافق ............. بنت ابن سعيد كذ عشقت (رويعي) وهو تحسبة راعي يوم شافة فعايله ( شفتوا وش اللي كان يعجب بنات الرجال اول +++++++++++ الشجاعه مو مثل هالوقت ===== ماااااااالت) المهم قالت بعد اللي صار: [poet font="Simplified Arabic,4,black,normal,normal" bkcolor="transparent" bkimage="backgrounds/11.gif" border="none,4,gray" type=0 line=200% align=center use=ex length=0 char="" num="0,black" filter=""] تستاهل الفنجال ومواسد الراس= يا معتزي بالعزوة الأحمدية يا كاسب الطولات في كل نوماس= اطلبك لا تبخل بروح العطيّة [/poet] رد عليها مفضي بقوله: [poet font="Simplified Arabic,4,black,normal,normal" bkcolor="transparent" bkimage="backgrounds/12.gif" border="none,4,gray" type=0 line=200% align=center use=ex length=0 char="" num="0,black" filter=""] يابو خد أبيض كما لون قرطاس= فكيتها من شان حقك عليّة روحك علي راضه وروحي علي باس=مطلوب ثار من وجيه الرضية [/poet] أهم شيء الخلفيه  قلوب وحركتات  وعاش مفضي الاحمدي عند شمر وجاب من بنت سعيد ولد حمـــود ..... وله قصة أخرى كذلك مع جماعته وابن سعيد مشهورة هذ العلم وسلامتكم تحياتي لكم كلن باسمه ........... جاسر الحربي |
|
|
|
08-06-2002, 13:23
|
#2 |
|
رحمة الله عليه
|
ياخي من وين جبت السالفه
هلا والله وغلا حي الله جاسر ياخي انا ذابحني شي واحد بسسسسسس  القصه ذي من وين جايبها ؟؟؟؟؟؟  ماشاء الله عليك ياخال ماتنقي الا الشي الطيب .... والي بنفس الوقت ماله ذكر  يعني القصه ذي من القصص الي يسجلها التاريخ ...... لكن مهيب معروفه  وبيني وبينك مهوب علشانك حربي تجيب لنا سوالف حروب  <======= يبيك تقول له انك عواجي انت  والله ياجاسر قبيلة حرب فيها من الفرسان الي يعدون على الاصابع وفيه قصة نويشي الحربي انا ماودي اجيب القصه لان مهما تفننت بالسرد منيب صاف جنبك ياخال وسلم لي على مفضي ابن ولمان الاحمدي يعنك انه ذيب وبيني وبينك فيه بعض القصص تحس بالمبالغات فيها مثل (القصه المذكوره لو جاء واحد يتخيل ان الاحمدي يبي يلحق قوم .... وهو الحاله هذا الحاله مبالغه في عيون بعض الناس ..... فكيف انه يبي يلحقهم ويرد البل وفوقه القلايع لكن الصدق انه شي حقيقي ذا ومن امثلة الي صمد بوجه جيش كامل ذيب ابن شالح ابن هدلان هذا صمد قدام جيش الملك عبدالعزيز الحاله  لاااااااا وردهم وذبح بهم الى قبل ومن ضمن الي ذبحهم عيال عم الملك عبدالعزيز وعلى العموم ماقصرت ياخال والله ابدعت (يالله يارب ان الرد ذا ياصل )  |
|
|
|
|
08-06-2002, 23:44
|
#3 |
|
جاسر الحربي
|
السلام عليكم .......
أحرجتني يا شيخ <<<<<<<<< ما يحب المدح هلابك عزيز والله ردودك هذي كلها تدل على انك بحر بحر في تاريخ الاولين ماشاء الله عليك .............. انا حقيقه ماني بقايل اني مهتم في تاريخ كل القبايل لا يعني اكثر السوالف اللي اعرفها عن قبيلة حرب .......... والسوالف المشهورة عن فرسان ومشايخ القبايل الثانية بالذات تاريخ (الفشايل) العربية والاشراف وحربهم مع الانجليز ضد العثمانيين واللي ارتبط بسيرة (لورانس العرب ) والله مساكين هالعرب من يومهم وهم في (مناكح) اما المبالغات فاتفق معاك بس اشوف قصة مفضي عادية لو قارنتها مثلا باللي طرحته انت ومثل واحد يقاله (ناصر الـ ؟؟؟) هذا يوم رجع لقريته حصل أهله وديرته محروقه من قبل سرية تركية ........... فطار على فرسه بلحاله وهو (يشاغب) نااااااااصر ناااااصر حتى ان هالسريه سمعت صوته عن بعد وحالوا الهرب بس يوم انه قرب منهم حصلوه فارس واحد وتصدوا له ولا قتلوه الا بعد ما لعب في (حسبتهم) وقتل منهم كثير ......... وفي التاريخ الجاهلي والاسلامي بعد فرسان شي خراااااااااافي مثل القعقاع رضي الله عنه معروف عنه انه بـ (1000) فارس والمقداد بن الاسود هذا سالفته سالفه رضي الله عنه لانه أحب بنت عمه وكان معدم وهي كانت شارطه ما ياخذها الا اللي يهزمها في الميدان وجا فرسان قريش وجندلتهم واحد وراى الثاني ويوم درى المقداد ويستلف فرس ولباس (الفرس كان ماله لا ذيل ولا اذاني ): ) المهم ويطيح في فرسان قريش تذبيحوبعدين تقابل هو وبنت عمه ....... (ويااااازينه من شعر انقال وقتها منه ومنها) المهم وغلبها.. بس عمه شرط عليه مهر (خيااااااااالي) ... وخرج يجيب هالمهر وبدت مغامرات حتى انه تحدى الجن <<<<<<<< طولها المهم في احد مغامراته اختار له (ملك الفرس) الف فارس من خيرة فرسانه وذبحهم كلهم هالمقداد وله قصة مع علي رضي الله عنه (الوحيد) اللي قدر يهزم المقداد وبعدها اسلم رضي الله عنه عزيز وربي هالقصة رهيييييييييبه اقراها تحياتي لك يالغالي وشاك ومقدر هالتعليق المسكت جاسر الحربي |
|
|
|
|
03-08-2002, 00:54
|
#4 |
|
عضو شعبيات
|
وعليكم السلام ورحمة الله وبركاته اللهم صلي وسلم على محمد المهند ... يعطيك الف عافيه على هذه القصه الرائعه صراحه اول مره أسمع فيها شكرا لك على امتاعنا بهذا الجمال تقبل تحياتي ،،، الرّيـــــم |
|
|
|
|
03-08-2002, 19:15
|
#5 |
|
جاسر الحربي
|
يا هلا فيك ,,, أختي الريم .... وحقيقه لهذه القصه روايات مختلفه .... ممكن اني اضيفها هنا ... شاكر مرورك العذب.... ولك تحياتي العاطره |
|
|
|
|
16-09-2002, 10:11
|
#6 |
|
عضو شعبيات
|
اخي المهند وينك عن قصة الفارس الشجاع بداح العنقري وهي مشهورة جدا وشبيهة بهذه القصة الى درجة كبيرة . |
|
|
|
|
17-09-2002, 10:08
|
#7 |
|
عضو شعبيات
|
الهم صلي وسلم على محمد وعلى اله وصحبه وسلم
ماشاء الله عليك ياالمهند بيض الله وجهك قصه جميله جدا وكانت اضافه جديده ومتميزه وهاذا الاسلوب ليس غريبا على جاسر الحربي الله يبارك فيك اخوي اذا سمحت كمل جميلك وجيب باقي القصه للولد اذا ما فيه كلافه لاعدمناك اخوي أختك رهف |
|
|
|
|
20-09-2002, 05:00
|
#8 |
|
عضو شعبيات
|
وعليكم السلام... أخوي صالح/ كنك زعلان ... اعترف زعلان ؟؟ هاه ؟؟ لا تكون متعصّب ... !! ما يصير ... صحيح انا معظم مواضيعي حربية .... بس ماهو " عصبية" .... فقط ... لاني قريب منها .... ونوع من الوفاء لا أكثر ... بس مو دايم كتبت عن غير حرب ........ " كن طيبا .... ولو كنت من الصين الشرقية ... ستجدني اخ حقيقي ... بانت معالم البداوى في محياة " فهمتني يا صالح ... اذا .... لك تحياتي ... اضف اليها ...... مهجتي اخوك/ جاسر الحربي |
|
|
|
|
20-09-2002, 05:07
|
#9 |
|
عضو شعبيات
|
وعليكم السلام... هلا رهف ... شخبارك ... اين انتي وكيف انتي ؟؟ والله انتي تزودين الكيل في المدح وش سوينا ولا شيء بس ماهي مشكلة .... امدحي ... ههههههههههههههههههه _____________ والله اخوي صالح يبدو انه يرمي لهدف ثاني وانا حقيقة ما احب اخوض في ريحة مثل هالسوالف اللي كلها عصبية ... وهالسالفه لها روايات مختلفة ... ومنها من اقارب مفضي ذاته ... اذا بغيتوها ماهي مشكلة اروح اقصها واجيبها ...___________ ذكرتيني على اذنك شوي ابغا واحد انت ياللي اخذ هالسالفه تراني لقيتها في منتداكم ... وانني ... ومن هذا المقام .... لا علن ... انها حلال عليك <<<<<<< احيانا كمجنون ... كمهبول ... _____________ رهف . شكرا على مرورك.... اورفوار جاسر الحربي |
|
|
|
|
25-09-2002, 09:55
|
#10 |
|
عضو شعبيات
|
اخوي جاسر انا لا أرمي الى اي هدف ....... وخل قلبك على كراسيه ..... ولا هوب غريب على الأحمدي وهو حربي انه يسوي كذا ....... واقول لك وله ولكل حرب ........ونعم وستين نعم ....وانت وانا نعرف ان الطيب قسم بين الوجيه المفاليح ......وكل قصدي ان القصة والواقعة مشابهة لقصة بداح العنقري ولكن واقعة العنقري اشهر لأنها ارتبطت بقصيدة ..... تحياتي |
|
|
|
|
26-09-2002, 15:43
|
#11 |
|
عضو شعبيات
|
حبيبي صالح2 كنت احسبك تقول اني متعصب ... وهذا اللي ما احب اخوض فيه ابدا ... لكن انا أعتذر .. واعرف انها شبيهه ... ولكن هي الاشهر وش رايك ...عندي قصايد ثانيه يالله نتحدى طبعا قسم بالله مو من دافع الا الفخر مو تعصب ..... وتظل لنا رابطة قووووووووووووية اهم من كذل قبلية ..... هي الاسلام ........ الا تذكر من قتل اباه الكافر لك التحايا جاسر الحربي |
|
|
|
|
28-09-2002, 09:49
|
#12 |
|
عضو شعبيات
|
صدقت اخي جاسر : ابي الإسلام لا أبا لي سواه .......... اذا فخرو بقيس او تميم وقد قلت حقا ....... و لن اتحداك .... فلن اقدر ان اغلبك وانت ما شاءالله عليك نجم المنتدى واعلن استسلامي من الآن !!! |
|
|
|
|
28-09-2002, 15:03
|
#13 |
|
عضو شعبيات
|
جعلت مني صغيرا يا هذا ..... هذا التواضع "الجميل" يقتلني خجلا .... والله يقتلني خجلا .... دمت لي اخا يا صالح2 .... جعل الله منك " قائدا" .... فهذا التواضع صفة قائد بلا ريب .... كنت /جاسر فاصبحت /ياسر تحياتي اخي |
|
|
|
|
10-09-2009, 21:23
|
#14 |
|
عضو شعبيات
|
رد : الاحمدي وبنت ابن سعيد الشمري
شكرإ لك يآ استاذ جاسر الحربي على اهتمامك بالقصص المميزه والمليئه بشجاعه والكرم واقول لك يا اخي العزيز ان افت الشعر رواته والذي اعطاك هذه القصه والقصيده اخطاء بخلطها وقصة مفضي ابن ولمان غير قصة الرويعي وهي صحيحه ولأكن يختلف بعض القصيده والقصيده كل اتي كانت البنت مجبره على صبة القهوه لبن عمها الذي رد الابل الحاله وهو غير صحيح الي ردها الراعي الاحمدي وصبة القهوه وساقتها على الاحمدي وكان شابن صغير وقالت هذه القصيده خذها وانا جيتك هديه من الراس ان كان ماتبخل ابنفسك عليـــه تستاهل الفنجال ياطيب الســـآس يامعتزي بالعزوه الاحمــــديه وخذ الفنجال ورد عليها في بيتين مماثله في حينه المعذر يابو خديدن كما لمـــآاس لو كان تهديني ابنفسك هــديه عمرك على راضه وعمري على ياس طلاب ثارن بالوجيه النقيـــه وكان يطلب ثار من شيخ العرب الذي كان هو عندهم راعي .... ملاحصة ارجو التحقق من القصه ولا تخلط قصة مفضي بن ولمان مع هذه القصه لن هذي غير وهذيك غير وتسعين بالميه يعرفها الديري في مركز قطن او فيحان سعود بن ناحل وارججو ارسال اسم صاحب هذه القصه ومع مين |
|
|
|
|
19-03-2010, 23:43
|
#15 |
|
عضو شعبيات
|
رد : الاحمدي وبنت ابن سعيد الشمري
اخوي مهند بيض الله وجهك على هالروايه اسعدتنى بها تعجبني قصص الشجاعه والرجوله والاحمدي ابوي واخوي وعمي والخال اخوي بن حيلان ياليت تعطونى الروايه الاكيده احتريكم تجودون ببعض الكنوزالمختبئه بعمق الماضي ولكم مني صافي الود امل جده |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
