15-02-2006, 17:52 | #1 |
عضو شعبيات
|
الفزززززززززززززعه ياشعار
مسيكم بالخير جميع ياجماعه انا ابي من الشعار الفزعه وابي اقول لي قصيدتين قد كتبتها وعندي انها موزونه لكن عرضتها على صديق له باع بالشعر وقالي ان الوزن فيها يبيله شوي . . المهم انا بعرض لكم القصيدتين وقولو لي وشلون الوزن اللي فيها وثاني شي انا حاولت افهم سالفة الهجيني والمسحوب ولا قدرت اتعلمها , ياليت أحد منكم يفيدني فيها او يعطيني على الأقل ألحان معروفه أقدر العب الهجيني والمسحوب فيها .. والله لايهينكم تفضلوا القصيدتين وارجو التقييم ( 1 ) يالله ياخالـق ألـوف وملايـيـن ياربنـا حنـا وياخالـق الـجـان اغفر لمن يرعى حقوق المساكيـن ابو اليتامى جابر الخيـر الانسـان اغفر لمن جاهد على نصرة الدين اللي زكاته واصله حـد الافغـان من المحيط وواصله تالي الصيـن جمايله واجـد ولا منـه نقصـان راع العروبه والقضيـه فلسطيـن يفخر بك المسلم وتنعاك الاوطـان تبكي له العذرا ونبكي لـه سنيـن ويبكي على موته عجايز وشيبـان لو يورث الحاكم ودار السلاطيـن حنا ورثنا الطيب اشكـال والـوان يالله ياخالـق الـوف وملايـيـن ياربنـا حنـا وياخالـق الـجـان اغفر لجابرنـا وزيـد الموازيـن واجعل له الفردوس مثوى ومسكان ( 2 ) ياكيف انا ببدى وبآقــلّــب الــــبال في مدح رجال ٍ عسى أمره تساهيــــل ياصاحبي يافهيد ياطيـّـب الفـــــال ياطيب فالك يازعيم الرياجيـــــــل لاجيت في مدحك يبي الـــراس فنجال ولاجيت في وصــــــفك ِتزاد الفناجيل لو قيمة الرجـــــــال بأموال وأموال قيمتــْــك تعلى فوق كل المشاكيـــل المرجله تبغي على العسر رجـــــــال وأبو حـمد كفــــو ٍ لها بالتهاويــل والــــدل لو ينطق تـــرى قالها قال يازيــــن دلــّـك ياكعــام المهابــيل يامحزمي تبقى على كل الأحــــــوال تبقــى عضيدي فــــالليال المقابــيل وإن كنت تطلبني عـــلى مثل ذالحال أبشــــــر بعزك في معادى الغرابيل ياصاحبي يافهيد ياطيــب الفــــال ياطيب فالك يازعيـــــــم الرياجيل إن غصـت في مدحك فلا واصل الجال وإن قلت في وصــــفك يبيلي كشاكيل ارجو الرد من ذوي الخبره |
15-02-2006, 22:59 | #2 |
حــبّــا ً
|
رد : الفزززززززززززززعه ياشعار
ss_97 مسّاك الله بالخير .. القصيدتين على المسحوب وموزونات ميّه ميّه ! وقصيدة جابر مليون بالميّه صح الله لسانك .. والهجيني له ألحان منها طال عمرك لحن أغنيه لـ محمد عبده إذا تعرفها .. " ترحّب بغيري وأنا الولهان ........... وأنته عيوني إمعنّيها " وهذا لحن ثاني يا إمسرّي النوايا ..... قليّ إشفيك قلّي هذا عاد ما أعرف أغنيه عليه ! يعني أنت ضبّط له لحن من عندك وتمشي الأمور إن شاءالله ! تحيّاتي لك .. |
16-02-2006, 00:01 | #3 |
شـــاعــر ه
|
رد : الفزززززززززززززعه ياشعار
انت الحين تفزع لنا ماشاء الله وصح لسانك القصيدتين موزونة وخص الاخيرة اعجبتني حيل دمت بخير |
16-02-2006, 00:43 | #4 | |
عضو شعبيات
|
رد : الفزززززززززززززعه ياشعار
ss_97 أرحب بك وأرحب بمن حضر لحضورك فلهم مني جزيل الشكر أرجوا المعذره من الجميع على قلة التواصل والتواجد الغالي ss_97 لن أزيد ماقاله أخي تأبط شعراً فلقد أجاد فله مني جزيل الشكر والأمتنان ومن ناحية القصيدتين فهي تكتمل جمالاً بتواصلك الفعلي في قوافي البوح لأنك جدير بذلك ولي ملاحظة بسيطة على البيت التالي: إقتباس:
(حنا ورثنا الطيب باشكال والوان) للجميع مني كل التقدير |
|
28-02-2006, 05:16 | #5 |
عضو شعبيات
|
رد : الفزززززززززززززعه ياشعار
الله لايهينكم جميع وبيض الله وجيهكم لاهنت يا تأبط شعرا والله لايهينك يالغالي شظايا مشكووره يالسنافيه ولاهنت يامشرفنا القدير سعوود الله يعطيكم العافيه |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|