24-04-2006, 14:33
|
#1 |
|
|
سواليف شيباننا
يالله حيهم شيباننا وجداننا دائما ما يتميزون بسلوكيات غريبة ولا عندهم بأحد .. مثلا :- جدي الله يعافيه ويلبسه الصحة والعافية راح يصلي مع الجماعة في المسجد صلاة المغرب . فصلى بهم الإمام وقرا عليهم بالركعة الأولى سورة الاخلاص ( قل هو الله أحد ) وفي الركعة الثانية قرا الامام سورة الكوثر ( انا اعطيناك الكوثر ) .. بعد ما نتهت الصلاة وسلم الإمام .. قام جدي الله يعافيه وهو صايل على الإمام .. وقال انت الحين ما تستحي على وجهك ؟ استغرب امامنا وقال لجدي : ليه يا والد ؟ قال الحين شيبان وش كبرنا نصلي وراك وانت تقرا علينا سور البزران هذي  طبعا جدي يقصد بسور البزران السور القصيره ... ضحك المصلين والامام وجدي رجع للبيت ومازال صايل وحط حرته في جدتي وابوي !! اكيد فيه مواقف مرت عليكم مشابهه .. وليت كل واحد يعطينا سالفة مشابهة لجده او جد جيرانهم |
|
|
|
24-04-2006, 15:02
|
#2 | |
|
رد : سواليف شيباننا
إقتباس:
راكان الشعلان موضوع صراحه محفّز للمشاركة اووووه ياكثر المواقف , احسن شي انهم مايشوفون النت حتى نطلّع سواليفهم ونضمن ان مافيه طق هههههههههههه راجعه بكم موقف |
|
|
|
|
|
24-04-2006, 17:05
|
#3 |
|
موقوف
|
رد : سواليف شيباننا
ههههههههههههههههههههههههههههههههههههههههههه موضوع حلووووووو ياراكان  جدنا الله يطول بعمره عطوه تمر باللوز قام يقدع ويينطل اللوز يحسبه عجم  |
|
|
|
|
24-04-2006, 17:21
|
#4 |
|
|
رد : سواليف شيباننا
الجازي حياك الله غزيل حياك ههههههههههه غزيل مايكفي هالسالفه نبي ازود الله يطولي بعمرك |
|
|
|
|
24-04-2006, 17:25
|
#5 |
|
|
رد : سواليف شيباننا
هذا احد شيباننا يقول اول يومنا بزران .. في الطايف مدري وش سوينا انا واخوي وولد خالي وصالت علينا جدتي كان عمرها ذاك الحين حول الثمانين سنه وقالت امسكوهم وجيبوهم .. وجابونا نتراعد من الخوف وهي اللي تقول اسدحوهم ويسدحوننا على ظهورنا .. وهي اللي تمر علينا وتفتح عيوننا وتحط لنا فيها ملح .. وهو يقول انا اللحين رجال كبير وابو عيال والى ذكرت هالموقف ان عيوني تدمع من الروعه ههههههههههههههههههه ملح عاد اعوذ بالله ههههههههههههههه |
|
|
|
|
25-04-2006, 06:33
|
#6 |
|
مشرف
|
رد : سواليف شيباننا
هلا بك ياراكان ومليون غلا اما هالسوالف ياكثرها كثراه جدي الله يحفظه ويطول في عمره ما شاء الله عليه عمره صاك 120 سنه ويكبس للي قدامه يبي يتجاوز المهم انه نباتي بسم الله عليه وما يداني المعلبات وفي صيفيه من الصيفيات رحنا لهم الديره وامتحناه بالمعلبات وهو صابر وساكت الله يعينه علينا وفي يوم من الايام كنا نتعشى وهو خاااااااق مع الزبادي ومن قوة الخقه ياكل الزبادي باصبعه واثناء انسجامه <<< يمديكم على هالكلمتين المهم اثناء انسجامه في اكل الزبادي باصبعه الميمون نزل شوي زبادي على ثوبه ويشوفه ابوي وياخذ فاين ويمسح الزبادي اللي على ثوب جدي وقال وش فيك ما تاكل بالملعقه يابوي الله يحفظك قال وش اسوي فيكم ابلشتوني بزواع البزارين ذا مشكور على هالموضوع ياراكان وتثبيت على ذمتي اليوم ذمتي ذمة مصري اكيد لي رجعتن ثانيه |
|
|
|
|
25-04-2006, 08:49
|
#7 |
|
|
رد : سواليف شيباننا
خخخخخخخخخخخخخخ اما هالسالفه ياحسن تكفا لا تحرمنا جب لنا غيرها حسن المسفر هلاووين وغلاوين ومشكور يالغالي على التثبيت لاهنت |
|
|
|
|
25-04-2006, 09:02
|
#8 |
|
|
رد : سواليف شيباننا
خذوا هالسالفه من واحد من الشيبان بعد اذنه خذيناها المكان .. (( الرياض )) الزمان .. مبطي (( يوم كان الأمير عبدالله الفيصل الله يعافيه ) وزير للداخلية كان في الرياض إحدى الشخصيات المرموقة إجتماعيا ( الله يرحمه ) وكان هذا الشخص حمّاق ويعاني من الضغط والسكر .. وكان يراجع في المستشفى الشميسي ذاك الحين .. وفي يوم من الايام ارتفع ضغط هذا الشخص ( الله يرحمه ) في الليل وراح للمستشفى فطلب منه الطبيبي المناوب تحليلا للبول يجيبه معه الصبح وعطاه غرشه قزاز صغيره وقال جب فيها البول بكرا بنحلله اذا فتح المختبر .. وقال الرجال ما يخالف وأخذ القزازه وراح البيت ومن العجله حط فيها الله يكرمكم بوله ونام .. في هذه الاثناء دخلت مرته للحمام وكانت مدري وش تدوّر في الصيدلية .. ( أول يحطون الصيدلية في الحمام ) وطاحت القزازه وأنكب البول .. ضاق صدرها وعرفت أنه اذا قام ودرا ان البول منكب وهي اللي كابته بيلعن ابو جدها ويمكن يرتفع الضغط ويطلقها .. ففكرت وقالت مهيب مشكله .. تبولت هي في القاروره وحطتها في مكانها وراحت تنام كنها ما سوت شي .. في الصباح قام الرجال الله يرحمه وأخذ القاروره للشميسي وعلى طول اخذوها منه وودوها للمختبر وبعد نص ساعه جا الطبيب ووجهه متعفط .. وقال :- يا طويل العمر .. أنت حامل خخخخخخخخخخخخخخخخخخخخخخخ قال وشو ؟ حامل ؟ ما يخسا الا أنت يا )*&^$**&$*&^$*&^$% 8 8 8 8 8 قال لك مشفرها خخخخخخخخخخ .. وهو اللي ينهبل ويجلد الدكتور والدكتور يقول ( والله العظيم أنك حامل ) وهو تصك امبيرات الضغط عنده للأخير ويقوم ولا يرده الا مكتب عبدالله الفيصل الله يرفعه بالعافيه ويقول يا عبدالله أنا حامل ؟ طبعا عبدالله الفيصل كان مندهش ومرة يضحك ومرة يقول لا حول الله .. ويجيبون الدكتور للتحقيق معتقدين انه مهبول والا مزور الشهادة وراح الرجال لبيته وعلم مرته بينه وبينها وش اللي صار فأنبها ضميرها وعلمته بالموضوع .. ومات من الضحك وراح وعلم الامير عبدالله اللي اوقف التحقيق مع الطبيب المصري وصارت السالفه هي حكوة أهل الرياض ذاك الحين .. |
|
|
|
|
26-04-2006, 00:18
|
#9 |
|
بقـايا حُلـم
|
رد : سواليف شيباننا
راكان الشعلان فكرتك جنان صراحه وسوالفك تشد صراحه لأنها واقعيه ههههههههه ليت حسن المسفر وغزيل ومتعب الخامسي يعطوننا من سوالفهم معك احس الموضوع بيطلع شييييييييييييييييييييييييييييي وننتظر باقي السواليف ياراكان |
|
|
|
|
26-04-2006, 18:56
|
#10 |
|
شـــاعرة
|
رد : سواليف شيباننا
سالفة سورة البزران حيل تضحّك هههههههههه وسالفة تغيير التحليل , على بالي نكته طول هالسنين مادريت انها ماجت من فراغ ههههههههههه بانتظار تكملون السوالف صراحه موضوع مسكّت وسوالف توسع الصدر |
|
|
|
|
26-04-2006, 19:26
|
#11 |
|
|
رد : سواليف شيباننا
عنود نورة الجازي حياكم الله ومانستغنى عن مشاركتن |
|
|
|
|
26-04-2006, 19:30
|
#12 |
|
|
رد : سواليف شيباننا
وهذي سالفة ثانية من نفس الشايب خخخخخخخخخ أبو هريره رضي الله عنه هو سيدنا عبدالرحمن بن صخر الدوسي وهو بلا شك صحابي جليل روى عن سيدي رسول الله صلى الله عليه وسلم الاف الأحاديث .. لكن في الجانب الآخر .. إرتبط اسم ابو هريرة ببعض سوالف شيباننا حسب فهمهم للأمور وتصورهم لها .. وما نلومهم طبعا لأنهم لم يحظوا بالكثير من العلم لأسباب تراثية المكان .. حايل الزمان .. على وقت الملك فيصل هذا شايب من أهل حايل له عدة أبناء أحدهم مطوع .. وهذا الابن المطوع يحدث على الناس ويصلي بهم الجمعه لكنه في فتره من الفترات قام يخمبق .. وكل ما نصحوه انه يترك الحكي اللي ماله سنع جاب لهم حديث عن ابو هريره رضي الله عنه يبي يصك عليهم .. المهم الولد هذا غث أبوه .. فقام ونصحه انه يترك الكلام الزايد اللي ماله سنع .. والولد يرد عليه بأحاديث ابو هريره .. بعد فتره خمبق الولد بزياده ومسكوه وسجنوه .. وراح الأبو يبي يزور ولده في السجن .. فلما قابله قال لأبنه معاتبا : - ( الحين أنا ما نصحتك عن هالخمبقه ؟؟ خل الحين أبو هريره يجي ينفعك ) خخخخخخخخخ |
|
|
|
|
27-04-2006, 00:58
|
#13 |
|
عضو فعّال
|
رد : سواليف شيباننا
راكان الشعلاان موضوع بمنتهى الرووووووووووعه  الله يبسطك دوووووووووووووووووووووم  ..وتبسطنا بسوالف الشيبان |
|
|
|
|
27-04-2006, 05:43
|
#14 |
|
حــبّــا ً
|
رد : سواليف شيباننا
( الحين أنا ما نصحتك عن هالخمبقه ؟؟ خل الحين أبو هريره يجي ينفعك ) خخخخخخخخخ راكان .. وربّي ضحكت إلين - قلت بس- ! موضوع يوسّع الصدر .. الله يعطيك العافيه .. وجايّك بـ سالفه لأحد الشيبان مقاربه لهالموضوع .. سوالفهم واجد - الله يطوّل عمارهم - خصوصا ً في أمور الجهل بـ الدين تصل والعياذ بالله - الخروج من الملّه - من غير قصد طبعا ً .. الله يعفى عنهم الأحياء منهم والأموات ! جايّك ياراكان ! اخر تعديل كان بواسطة » تأبط شعرا في يوم » 27-04-2006 عند الساعة » 05:52. |
|
|
|
|
27-04-2006, 22:43
|
#15 |
|
|
رد : سواليف شيباننا
عنود الصيد حياك الله لو اني داري ان الموضوع بيعجبكم كان فتحته من زمان ماودك تشاركينا من سواليف العجز والشيبان عندكم ؟تأبط شعرا حيّا الله هالطله جعل هالضحك دوم ان شاء الله فرحت يوم شفت اسمك والله من المتابعين وفرحت اكثر بوعدك بالرجعه للموضوع وتعطينا نبذه من علومك وسالف الشيبان عندكم منتظرك وترى وعد الحر دين عليه لاعدمتك يالغالي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
