20-08-2006, 14:56 | #1 |
الضغط العالي
|
قدام قدام
البست والسهره مع شربـه الكـاس=اتنسي المضلوم مـن جـور الايـام
هذا كلام اللي غـدى فيـه وسـواس=غنى له الشيطان قـدام ......قـدام ضاعت حياته يضرب اخماس بسداس=يتبع هوى نفسه ماصلـى ولا صـام يبغى المرق مشروب من طبخه الفاس=ضيع طريقه فـي متاهـات الاحـلام دنياه ضاعت دون تفكير واحسـاس=والاخره يحشر مـع قـوم الاصنـام لكن انـا لحـل فالنفـس هوجـاس=والهم صار اكبر من اهمـوم الايتـام دعيت ربي خالـق الجـن والنـاس=في ثلث ليـلٍ ساهـر الجفـن مانـام يارب انا عبدك وخاضع لك الـراس=اطلبك في عفوك وتخفيـف الأوهـام واعوذ بك يارب مـن كـل خنـاس=لقلـت الحيلـه وضاقـن الانـسـام واعوذ بك يارب من غدر الانجـاس=لصرت انا مابين عـدوان واخصـام واعوذ بك من كل شامـت وبـلاس=لصار قسمي ماهـو بخيـر الاقسـام واعوذ بك من شده الفقـر واليـاس=في يوم كل النـاس محتاجـه اطعـام واعوذ بك من شعر مافيـه نومـاس=شعرٍ يوطي الـراس راعيـه ينـلام والشعر سلعـه مالهـا حـد وقيـاس=تجلب من الشعار في شـرقٍ وشـام احدٍ يوردهـا كمـا حـب الألمـاس=جواهـرٍ يكسـب بهـا كـل الارقـام واحـدٍ يوردهـا قصاديـر ونحـاس=ماتلتقي فالسـوق شـاري وسـوام والشاعر اللـي مايميـز بالاجنـاس=يبدع مواويلـه علـى كـل الانغـام احسن من الاشعار يعلـن بالافـلاس=مـادام طيـر العمـر فالجـو حـوام بكره يموت وما معه غيـر ملبـاس=لبس الكفن واعمالـه اليـوم والعـام خير العمـل يلقـاه كالنـور نبـراس=وشر العمل يصبح كما سود الاعـلام والرابح اللي كـل ماهـب نسنـاس=يستغفـر الله ذو الجلالـي والاكـرام والبست والسهره مع شربه الكـاس=ما تجلـب الا هـم وفجـور واثـام هذا كلام اللـي ليـا صـار محتـاس=صلّى وكبّر مانسـى ديـن الاسـلام |
20-08-2006, 15:18 | #2 |
شـــاعــر
|
رد : قدام قدام
واعوذ بك من شعر مافيـه نومـاس شعرٍ يوطي الـراس راعيـه ينـلام والشعر سلعه مالهـا حـد وقيـاس تجلب من الشعار في شـرقٍ وشـام يااااااااااااااااامبدع يبو عبدالله ...........قصيده راااااائعه وشاعر جزل....... كنت انتظر حضور احدى قصائدك يافهد .... صح والله لسانك وصدقت بكل ماكتبت اخيك |
20-08-2006, 15:21 | #3 |
شـــاعر
|
رد : قدام قدام
نورت " قوافي البوح " .. كبييييييييير يا فهد والله كبيييييييير معنى ومبنى بيض الله وجهك رد للترحيب بـ شاعرنا القدير فهد اليامي " الضغط العالي " ولي عودة للنص |
20-08-2006, 15:47 | #4 |
الضغط العالي
|
رد : قدام قدام
ابو علي صح بدنك والابداع هو حضورك وردك مشكور الف شكر والله لا يهينك وتقبل تحياتي |
20-08-2006, 15:49 | #5 |
الضغط العالي
|
رد : قدام قدام
مشرفنا الحبيب والرائع دائمٍ بحضوره وتجاوبه ثامر الشعيفان وجهك ابيض ومرحب باقي والله لا يهينك وتقبل تحياتي واشكري |
20-08-2006, 16:12 | #6 |
شــاعـر
|
رد : قدام قدام
واعوذ بك من شعر مافيـه نومـاس شعرٍ يوطي الـراس راعيـه ينـلام عزالله انك صدقت يافهد ولاخير في كلام مافيه بركه شاعر ومتمكن تقبل تحياتي واعجابي محمد العزران |
20-08-2006, 16:31 | #7 |
شـــاعر
|
رد : قدام قدام
صح لسااااانك يابوعبدالله مبطين من القصايد اللي تسر الخاطر مبدع والإبداع ليس غريب على شاعريتك العذبة فحضورك دايم مشرف وفي جميع أغراض الشعر تتألق خالص تحياتي وتقديري |
20-08-2006, 23:30 | #8 |
|
رد : قدام قدام
لي عودة |
21-08-2006, 09:29 | #9 |
شــاعر
|
رد : قدام قدام
ارحب ارحب ارحب يا فهد هلا والله وغلا بك .... الظاهر صفيت على اهل المحاوره وجاي للبوح تصفي على اللي فيه .. شوفتك اسمك تشرح الخاطر يا فهد صح لسانك على القصيده الجميله مليون ولا يكفون والرابح اللي كـل ماهـب نسنـاس يستغفـر الله ذو الجلالـي والاكـرام والبست والسهره مع شربه الكـاس ما تجلـب الا هـم وفجـور واثـام اشهد بالله انك صدقت ووفيت وكفيت يا فهد ارق التحايا اخيك سالم بن جلعان |
21-08-2006, 11:12 | #10 | |
الضغط العالي
|
رد : قدام قدام
إقتباس:
ابو عبدالله هذا بعض ماعندكم ومشكور على الرد والمشاركه وتقبل خالص تحياتي |
|
21-08-2006, 12:57 | #11 | |
عضو فعّال
|
رد : قدام قدام
إقتباس:
والنعم فهد اليامي وصح لساااانك ولااهنت ... |
|
21-08-2006, 14:41 | #12 |
شـــاعر
|
رد : قدام قدام
فهد اليامي .. شاعرٌ قدير ومتمكن ليس مثلي من يتحدث عن مثله فلستُ هنا للحديث عنه وإنما للإستمتاع بجميل طرحه لا حرمنا الله من مثل هذا .. لكن انـا لحـل فالنفـس هوجـاس .............والهم صار اكبر من اهمـوم الايتـام دعيت ربي خالـق الجـن والنـاس ..............في ثلث ليلٍ ساهـر الجفـن مانـام يارب انا عبدك وخاضع لـك الـراس ..............اطلبك في عفوك وتخفيـف الأوهـام واعوذ بك يارب مـن كـل خنـاس ..............لقلـت الحيلـه وضاقـن الانـسـام واعوذ بك يارب من غـدر الانجـاس ..............لصرت انا مابين عـدوان واخصـام واعوذ بك من كـل شامـت وبـلاس ..............لصار قسمي ماهـو بخيـر الاقسـام واعوذ بك من شده الفقـر واليـاس ..............في يوم كل الناس محتاجـه اطعـام واعوذ بك من شعر مافيـه نومـاس ..............شعرٍ يوطي الـراس راعيـه ينـلام والشعر سلعه مالهـا حـد وقيـاس ..............تجلب من الشعار في شـرقٍ وشـام احدٍ يوردهـا كمـا حـب الألمـاس ..............جواهرٍ يكسـب بهـا كـل الارقـام واحـدٍ يوردهـا قصاديـر ونحـاس ..............ماتلتقي فالسـوق شـاري وسـوام والشاعر اللـي مايميـز بالاجنـاس ...............يبدع مواويلـه علـى كـل الانغـام احسن من الاشعار يعلـن بالافـلاس ..............مادام طيـر العمـر فالجـو حـوام بكره يموت وما معه غيـر ملبـاس ..............لبس الكفن واعماله اليـوم والعـام خير العمل يلقـاه كالنـور نبـراس .............وشر العمل يصبح كما سود الاعـلام والرابح اللي كـل ماهـب نسنـاس .............يستغفـر الله ذو الجلالـي والاكـرام جواهر يا ابو عبدالله .. جواهر معاني عميقة وجليلة تحتاج منا أكثر من قراءة لا عدمت مثل هالتواجد لك من القلب تحيةٌ وسلام |
24-08-2006, 16:08 | #13 |
موقوف
|
رد : قدام قدام
صح لسااااااانك يافهد وبيض الله وجهك تكرم لحيتك عن البست والبار بس تدري سكرنا غصب من روعة ها الباذخه دمت بخير يافهد ولاتنسانا من ابداعاتك تحياتي |
26-08-2006, 05:25 | #14 |
شـــاعرة
|
رد : قدام قدام
واعوذ بك من شعر مافيـه نومـاس شعرٍ يوطي الـراس راعيـه ينـلام والشعر سلعه مالهـا حـد وقيـاس تجلب من الشعار في شـرقٍ وشـام قصيده كلها درر يافهد درر لي عودة لهذا الإبداع |
26-08-2006, 08:46 | #15 | |
الضغط العالي
|
رد : قدام قدام
إقتباس:
ابو حمد صح بدنك ومشكور على المشاركه والله لا يحرمني منك وتقبل خالص تحياتي |
|
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|