آخر 10 مشاركات |
|
||||||||||
|
أدوات الموضوع |
12-01-2007, 00:37 | #1 |
عيار
|
( 6 ) ست معلومات هامّه عن : مُذكِرات مُدمن شاهي ... أأراها مش حاتندم !
سلخير جميع ،، حيالله الجميع ... كلّــ(ن) باسمه وعيارته .. من أوّل شنب إلى أخر شبّاصه على وجه الأرض ! لعل الجميع عَلِم قبل فتره عن قُرب صدور أوّل أعمال الإعلاميه وهو عِباره عن كِتاب يجمع مُذكّراتي المتنوعه والتي [ كُتِبت بطرافه ونُسِجت خيوطُها بِحبرِ الأُنسِ والإبتسامه ] . وهذه هي الرساله المبدئية قبل إعلان صدور الكِتاب في الأسواق ، وأحببت أن أبيّن بعض المعلومات الهامّه المُتعلّقه به .. أقروها زين ولايجيني واحد ويقول ( تراي مافهمت شي .. ترانا بنقرا بسرعه .. واللي مايمديه يلحق علينا مالنا دخل فيه .. وقد أعذر من أدمن ) ! * عنوان الكِتاب ( مُذكِّرات مُدمن شاهي .. مرافئ على شاطئ البسمه ) الجُزء الأوّل .. يعني لو - قدّر الله - وقال لك موظف المحل أن ماعندنا كتاب بهالعنوان ثم شفته بالصُدفه .. لينك ترجع للموظف وتعطيه وحدتـ(ن) على علباه عشان يستادب ! * سعــر الكِتاب ( 22 ) ريال سعودي (( بس )) <<< ركّزوا في كلمة ( بس ) .. أو مايُعادلها في دول الخليج .. لايجي بُكره واحد ويقول ( ياخي سعر الكِتاب غالي يامُدمن .. تبي تلعب علينا أنت ؟ ) .. ترى شغله وتعبه يسوى أكثر .. بعدين ياخي " ترى الدنيا فانيه " .. أعتبر هالــ " 22 ريال " مسروقه منك وانت ماسكــ(ن) سرى مع المسلمين تبي تشتري " كبده " من بوفيتـ(ن) على ذيك الصبحية القمرا .. أو اعتبرها ياخي طاحت منك وانت رايح تصلّي العصر وقلت في نفسك " لله وفي الله " ! * ستتم طباعة الكِتاب بقدر 15.000 نسخه إلى 30.000 نسخه .. والتوزيع طبعاً سيكون خليجياً .. يعني كلّــ(ن) بديرته بيوصله نسخه من الكتاب ، واحتمال من زود الفشخره نوزّعه على المحطات في الطُرق السريعه ، وما راح ننسَ إخواننا السودانيين المُرابطين على حدود دارفور .. راح نزوّدهم بكم نسخه ... يستاهلون إخواننا الزوله . * الكِتاب (( فُرصه )) لِكُل من يُريد الإعلان عن مشروع أو عمل تجاري أو الإعلان عن موقعه بالنت حيث أن الكِتاب يستقطب شريحة كبيره من مُتابعي النت وزوّاره ، يعني على بلاطه " رزقـ(ن) " جاك ولايفوتك .. وبالنسبه للأسعار فهي جدّاً مُناسبه .. اذا كنت " صامل " فراسلني ولانا مختلفين في السعر . * لأصحاب الدور والنشر والتوزيع والمكتبات الكبيره في جميع دول الخليج ، من يرى في نفسه المقدره على توزيع الكِتاب والحصول على الربح المُناسب بشكل مُيسّر ، دونكُم بريدي للتنسيق بشأن ذلك . * لِمحُترفي التصميم والخنبقة الثنائية الأبعاد << وش لون كتبتها ذي ! .. كِتابي للـ " جُزء الثاني " فُرصتكُم للدخول في سبق تصميمه .. ومن يرى في نفسه الكفاءه فليُراسلني على بريدي .. ويحاول يرسل صورته 4×6 ملوّنه ، ولزوم الإبتسامه نصف متر ، ولو يخلّي في خلفيّته " شلالين و كم جبل " مهوب شينه بعد ، بعدين من قدّك يوصل تصميمك لدارفور وانت متسدّحـ(ن) في صالة البيت ! * سيتم تحديد مواقع البيع في الرسالة الأخرى بشأن الإعلان عن " صدور الكِتاب " . * عملي يسيرٌ مُقِلّ ، وهذا العمل لن يستطيع المواصله في طريق النجاح إلا بإذكاء النصيحه والإرشاد والتوجيه ، أتمنى أن أجِدَ من يُرعي أُذُناي تِلك الكَلِمات ، وها هوَ بريدي في الأسفل ينتَظِرُها بشوق .. فَبِها أستطيع " شقّ طريق النجاح " بإذن المولى . لكُم مني كُل احتِرام وتقدير ، وهذا أخوي راشد يسلّم عليكم ويشّر لكم بيده اليسار " لاتشترون الكِتاب تراه غالي " ! * قبل النهايه : هذا ( ثيم ) هديّه للي جوّالاتهم غاليه .. يعني اللي جوّاله ( جوّال شغاله ) لايكلّف على عمره ويحمّل الثيم ... إذا ركّبتوه على إجهزتكم راح تشوفون المفاجأه . http://sahaeb.com/other/modmn1.sis أخوكم المُحب : مدمن شاهي samio_44@hotmail.com |
12-01-2007, 21:54 | #2 |
محبوب جداً
|
.
الله يوفقك يا مدمن الشاهي تحياتي |
13-01-2007, 00:10 | #3 |
شـاعرة
|
رد : ( 6 ) ست معلومات هامّه عن : مُذكِرات مُدمن شاهي ... أأراها مش حاتندم !
مدمن شاهي مرحبا... انا من اول اقول اسمك ظالمك....اثرك فلته(هههههههههههههههههه) عموما انا قريت مقالتك وضحكت وهذا بالنسبه لي كافي.....وبيني وبينك مافهمت الفكره(!!!!) حلوه علباااااااااااااااااااااااه هههههههههههههههههههههههههه تحياتي لك يارايق |
16-01-2007, 07:56 | #4 |
شــاعر
|
رد : ( 6 ) ست معلومات هامّه عن : مُذكِرات مُدمن شاهي ... أأراها مش حاتندم !
تستاهل والله كل خير يا مدمن شاهي وبالتوفيق يارب وعقبال ما تنشر مذكرات عيال حارتكم كلها ومبروك الف الف مبروك منك المال ومنها العيال ان شاء الله ومنزل مبارك باذن الله وكل عام وانت بالف صحه وسلامه يارب واجر وعافيه ولاباس طهور ===== حطيت كل الكلام الذرب الي اعرفه فوق اختار وش يناسب الموقف وخذه |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|