15-01-2007, 09:48
|
#1 |
|
رباط ود
|
يانور عيني عذاب الوقت رافقنا ..
مدري هل انتم بتتالمون ولا لأ .............كيف لأ وأنتم شعراء وملهمين وحساسين ..  القصه صارت لوحده من أعز صديقاتي وأغلاهم على قلبي ...  ولعلمي ان ماحد عارفني ولا أحد عارفها رح أذكر القصه لأنها من جد أثرت فيني وبقوه ......... اسمها سعاد ................... اول مره اشوفها كنت في الصف الأول المتوسط وكنت ادور لي على مكان وانا جالسه اناظر الا وحده تقول لي ياأخت ياأخت ...... ناظرت فيها الا قالت لي : تعالي اقعدي هنا بجنبي هذا المكان موب لأحد ..... وفعلا قعدت جنبها ولمده ست سنين <<ثلاث سنين متوسط وثلاث ثنوي ........ ومرت الأيام بنا وصارت سعاد من اعز صديقاتي يعني وش اقول لكم عن أخلاقها العاليه ولا عن ادبها ولا شطارتها ..... هذا غير عن جمالها ونور وجهها ودينها ................... بصراحه والحق ينقال جربت صديقات كثير بس مثل سعاد مافي ابد ... هي من أهل الجنوب <<<وأهل الجنوب معروفين بجمالهم الممزوج بطيبه وبساطه وتواضع .... القصه بدأت يوم جت سعاد فرحانه وقالت لي : سوسو باركي لي ... قلت لها مبروك على ايه ..... قالت : انخطبت قلت لها : مبروك ألف ألف مبروك قالت لي سوسو علمي البنات الي بالفصل كلهم قمت فوق الكرسي وقلت بصوت عالي ........ يابنات فصل ثانيه ثالث القسم الأدبي تعالو عندي لكم خبر مهم .... الا جو البنات <<<<<<<عاد ياحبنا للقافه ذيك الأيام وكبرنا وكبرت لقافتنا معانا  قلت لهم باركو لسعاد تراها انخطبت ..... قامو البنات وسوو شي الي تهلهل والي تطبل وكلهم يباركون لسعاد مبروك والله ياعروستنا .... وسعاد مستحيه بشكل حتى ان وجهها الأبيض صار احمر من الخجل الي فيها سألوها البنات وش اسم العريس وهو حلوو ولا شين و.....و........و........... قالت :أسمه سعيد ....الا ويزاعقون البنات سعيد وسعاد يامحاسن الصدف .وش الفزعات الي تبينها سعاد تشرطي علينا حنا بنات فصلك لو ما تامرين علينا بتامرين على مين ؟؟؟ طبعا سوينا الي علينا وجبنا لسعاد كل الكتب الثقافيه الي تخص المتزوجين اولها كتاب تحفه العروس  مرت سنه ثاني بسرعه وجت الأجازه وتزوجت سعاد <<<ورحت لزواجها وقعدت في المنصه قصدي الكوشه وكل جماعتهم يسألون عني يحسبوني بنت عمهم ولا أختها من الرضاع ولا شي <<المهم اني قاطه قاطه وعاشت سعاد قصة حب ولا أروع مع زوجها سعيد ....... حبها سعيد حب يفوق التصور وكان يدور على رضاها وسعادتها وهي بعد كانت بس تمدح فيه بس المشكله ان سعيد موظف صغير وراتبه على قد حاله راتبهاربع الآف .... وطبعا سعيد عاش مع أهله لأن وضعه ما يسمح له ابد انه يستقل ويكون اسره ..... بدت المشاكل مع أم سعيد وغيرتها الشديده من زوجه ولدها وسعيد كان بار جدا بأمه بس امه ماحبت سعاد ومهما سوت سعاد تشوف كل شي تسويه سعاد غلط والحب من الله .... يمكن لأن الأم تحب ولدها مره صارت لها رده فعل معاكسه وصارت تكره زوجته ؟؟؟ كان دايم أول ما يقوم وينزل تحت ويلقاها يحب يدها وراسها ويقعد يفطر معها وسعاد معاه طبعا وتسوي مثل مايسوي زوجها بس عبثا تسوي ولو تبلط البحر بيطلعون ألف عيب فيها .......... وكان الصراع بين أمه وسعاد بادي بس سعيد مايدري وش يصير .......... الي يعرفه ان هذي امه وهذي زوجته اما وش يدور في البيت وش يصير في المطبخ هو مايدري وفي كل مره ام سعيد تهاوش سعاد بداعي ومن غير داعي وسعاد دايم تسكت منها ولا تعلم سعيد ومره كانو كلهم جالسين قام سعيد قال لأمه تسلمين يمه والله انك عيوني يمه ...... الا وتولع سعاد ورقو فوق وسعاد زعلانه وماتبي تكلمه ووجهها شاحب ... سألها سعيد : الحين وش فيك عسى ماشر .. قالت سعاد : الحين ماتدري انت وش قلت سعيد : وش قلت انا ماغلطت عليك بشي سعاد : وأمك سعيد : معقول انا اقول لأمي كلام موب زين .... سعاد : قلت أن أمك هي عيونك ..... سعيد : ايه قلت كذا وش فيها ونااظر في سعاد سعاد : اذا أمك هي عيونك أجل انا وش اطلع !!! سعيد وهو يبتسم : هاه بدينا نغار سعاد وش صار لك ترى ذي أمي ,,,, سعاد : قلت لك أنا وش أطلع بالنسبه لك انا وش مكاني ـ قالتها بزعل ـ سعيد : انت قلبي وعمري وحياتي ,,, سعاد : بس أمك هي عيونك الي تشوف بها الدنيا صح ... سعيد : اذا أمي هي عيوني أنتي سعاد انتي ,,, سعاد : تبكي انا وش اطلع ـ سعاد تخبي على سعيد كره امه لها لأنها تعرف أنه يحب أمه بشكل جنوني سعيد : انت نور عيني ياسعاد انت النور الي اشوف به ....... سعاد : سامحني بس تدري اني حامل وأحس حالتي المزاجيه زفت وأمك ماتعاملني معامله زينه ووالله ياسعيد اني احبها وحبي لها من حبي لك بس .. سعيد : اصبري سعاد اصبري علي لين الله يفرجها سعاد : متى الله بيفرجها انا تعبت سعيد : يابنت الحلال انا لو بيدي ابنيلك قصر واسكنك فيه بس لا تستعجلين شي كل شي اتركيه على ربك ومرت الأيام وزادت المشاكل مين سبب المشاكل ؟؟كيف صارت؟؟ المشاكل الله اعلم بس تطور الوضع وتراكمت لدرجه ان ام سعيد نادت أم سعاد وهزءتها وطردتها شر طرده وكل ذا قدام سعيد وزوجته وسعيد سكت وما تكلم ولا دافع عن زوجته ولا قال ولا كلمه .... والمشكله كلها تدرون ليش ؟؟لأن سعاد تلبس بناطيل قدام أخوات سعيد وهم غير متزوجات ..طيب هذا بيتها وزوجها هو الي شاري لها البناطيل وهو الي قال لها البسيها في بيتها .. فما كان من أهل سعاد الا انهم خذو بنتهم منعا للمشاكل وتسلط ام زوجها عليها وحاول سعيد يرجعها بس اهل سعاد شرطو عليه ان بنتهم ماترجع الا في بيت مستقل بعيد عن أمه وأخواته غير كذا مستحيل ترجع ........ مرت سنه وسعيد يحاول ويحاول لين قالت أمه : خلهم بس اخصرهم هم بيجيبونها لين عندك اصبر عليهم شوي بس أهل سعاد متأكدين ان بنتهم مهيب مرتاحه عند أهل زوجه خصوصا ان نجسمها كل ماله ينحف والحال صار متعب وبعد ماأم سعيد هزئت ام سعاد خلاص انقطع اي سبيل للتفاهم ...... وبدأ العناد بين العائلتين وكبرت المشكله بشكل مخيف .................. وراحو أهل سعاد المحكمه ورفعو قضيه على سعيد وطلبو من سعيد يا أما يجيب لها بيت ولا يطلق بنتهم ولا يعلقها اما امساك بمعروف او تسريح بأحسان ,,,,,,,, كانت سعاد تحس بتأنيب الضمير لأنها تحب سعيد بس أهلها هم الي راحو ورفعو القضيه وجا سعيد المحكمه وسعاد في صف هي وأخوانها وسعيد في صف هو وأخوانه ...... تقول سعاد : مدري كيف نساني بها السهوله ونسى كل شي في المحكمه حتى السلام ما سلم .... طلب الشيخ من سعاد وسعيد انهم يدخلون عنده هم بس وعلى انفراد ..... وكان كلام سعيد كله موجه للشيخ وما كلم سعاد ولا وجه لها أي كلمه <<وذا الشي عذبها وسعاد تقول نفس الكلام الي أهلها لقنوها اياه ما فيه رجعه الا ببيت غير كذا مابترجع .... طبعا ذا الشي مستحيل يصير اذا راتب سعيد أربع الآف من وين يجيب بيت ؟؟؟؟؟ وبعد كم جلسه قرر الشيخ ان أهل سعاد يشترون طلاق بنتهم ويعطون سعيد المبلغ الي يبيه وهو غالبا مايكون المهر الي دفعه لها كاملا او بزياده ...... وحدد الشيخ في ذا اليوم الجلسه الي بيكون فيها الطلاق الرسمي ـ اصعب شي ان الزوج يحب زوجته والزوجه تحب زوجها بس الأهل يخربون بعنادهم على أولادهم وبناتهم .... تقول سعاد وحنا خارجين من عند الشيخ كلمني سعيد وقال لي : سعاد تعرفين اني أحبك ولا لأ وأذا طلقتك لازم تعرفين ان هذا طلبك انتي ورغبتك انتي ,,,, وأعطاها ورقه وقالها : اتمنى انك تقرين هذي الورقه زين وتستخيرين ربك وابيك تتذكرين شي واحد انا ماأقدر أعيش..... من غير نور عيني ............. تقول سعاد وهو أعطاني الورقه وأنا ابكي وجهي كله دموع من الكلام الي قاله ولأني كنت متغطيه ماشاف دموعي مع انها بللت العبايه احس قلبي مفتت ومكسوره ومدري وش فيني ....... ادري ان قلبي كله حب لهذا الشخص كيف لأ وهو زوجي وأبو ولدي ...... اخذت الورقه وقريتها وبعد ماقريتها زدت هم وغم وبكا وتعلقت بسعيد اكثر واكثر ..... انا كنت احسب سعيد بايع لانه ماكان يكلمني في المحكمه ولا يعطيني وجه بس هو كان زعلان اننا وصلناها المحكمه ....... المهم بقولكم وش مكتوب في الورقه ـ هي ابيات شعريه ـ بس رائعه ... يانور عيني عذاب الوقت رافقنا نمشي بدنيا بلاويها تبارينا الحزن يجتاحنا والشوق يحرقنا والبعد يخلف معالمنا ويطوينا مابين ياس وشقى وحمول ترهقنا عشنا ورب خلقنا مايخلينا تكفين لا تتركين الياس يخنقنا ولا ينقتل حبنا تكفين بيدينا حب حملناه تفخر به عواتقنا باسمه نخلد روايتنا واسامينا تحملي يمكن الفرحه تعانقنا مهما تضيق الفرج بالصبر ياتينا باكر هبوب السعد والعز تطرقنا ونعيش عيشه سعاده في ليالينا حنا خلقنا لطاعه وجه خالقنا ولا خلق من هو يشتتنا ويشقينا ولا فيه قوه بها الدنيا تفرقنا نبقى رغم كيد حساد تعادينا صلبين لو عاتي التيار يغرقنا وافين لو قسوه الأيام تنهينا زوجك المحب لك .... أبو محمد . .......... ------------------------------------------------------ انتهت الرساله وجا اليوم المرتقب يوم الطلاق النهائي وهو طلاق بائن لا رجعة فيه ..... تقول سعاد رحت المحكمه وناجسمي ينتفض ويرتعش واحس بخفقان وبخوف ومدري وش اسوي ارضي اهلي ولا ارضي نفسي انا الحمد لله استخرت الله والله بيثبتني .احس اني لازم ارجع لسعيد لازم ارجع كيف اعيش عند اهلي ؟؟خصوصا ان والدي متوفي ؟؟ يعني اصبر على حريم اخواني ولا على خالتي ام زوجي .... دخلنا المحكمه ولقينا اهل سعيد جالسين ينتظرونا وجت عيني في عين سعيد ..... وناداه الشيخ وقاله أخذت حقك كامل........... قال سعيد ايه اخذته كامل قاله الشيخ طيب رح اتوضأ ........... وراح سعيد واتوضأ وجا قدام اهلي وأهله وقاله الشيخ اسمع تردد وراي الكلام الي بقوله .... وسعيد يناظر فيني احس ان عيونه تكلمني احسها تعاتبني تلومني ليه وصلت الأمور لكذا ليه ما صبرت وكنها تقول لي معقول توصل بنا الحال لهذا الحال ...... معقول !!!!!!!!!!!!!!!!!!!!!!!!!!!!! وش تتوقعون سعيد طلق ولا لأ .......... |
|
|
|
15-01-2007, 10:59
|
#2 |
|
شاعـرة
|
رد : يانور عيني عذاب الوقت رافقنا ..
قصة مؤثرة ... أنا اتوقع انه ما طلق والعلم عند الله بالله طلق او لا؟ فيني فضول ... يا رب ما طلق |
|
|
|
|
15-01-2007, 11:25
|
#3 | |
|
شـاعر
|
رد : يانور عيني عذاب الوقت رافقنا ..
إقتباس:
ياشين حركات التشويق و الاثاره حقت قهوة الاقلاع : ( عقابا لك منيب راد لين تقولين طلق ولا لأ <<< تحمس الضعيّف :d |
|
|
|
|
|
15-01-2007, 12:13
|
#4 |
|
شــاعر
|
رد : يانور عيني عذاب الوقت رافقنا ..
قصه من جد محزنه ومؤلمه والله يهدي بعض الاهل لكن تبقى امه مهما كان ولازم يلاقي حل يرضي جميع الاطراف بس مهما كان الحل ما يكون فيه عقوق لامه لفت نظري نقطه مهمه جدا في القصه الا وهي ما ذكرتيه سعادتك : قالت لي سوسو علمي البنات الي بالفصل كلهم قمت فوق الكرسي وقلت بصوت عالي ........ يابنات فصل ثانيه ثالث القسم الأدبي تعالو عندي لكم خبر فوق الكرسي فوق الكرسي فوق الكرسي فوق الكرسي فوق الكرسي عربجيه الفصل من جد  |
|
|
|
|
15-01-2007, 17:18
|
#5 |
|
بقـايا حُلـم
|
رد : يانور عيني عذاب الوقت رافقنا ..
|
|
|
|
|
16-01-2007, 04:32
|
#6 |
|
شـــاعرة
|
رد : يانور عيني عذاب الوقت رافقنا ..
ياهلا وغلا باأغلى سوسو نورتينا يالغاليه بعد غياب والقصه هذي بيني وبينك تقطّع القلب والله  انا مااتوقع أنا اتمنى انه مارضى يطلّق حرام عليك شوي وبابكي  علمينا وش صار وعجلي علينا |
|
|
|
|
16-01-2007, 08:48
|
#7 | |
|
رباط ود
|
رد : يانور عيني عذاب الوقت رافقنا ..
إقتباس:
منتهى حبيبت قلبي أنتي ماتتوقعين انه ماطلق ...أنتي تتمنين انه ماطلق أعتقد انك متأكده في قرارت نفسك بالعكس ..صح . . منتهى قريش تابعينا الحين بس بكتب الردود..... وبعدين وبعدين .... وبعدين ...أمسكو أعصابكم شوي بمحط بقية القصه .. هلا بك منتهى ..أشكرك على ردك وعلى فضولك وعلى توقعك ...  يمكن توقعك صح << تسمع بالتشويق . . |
|
|
|
|
|
16-01-2007, 08:57
|
#8 | |
|
رباط ود
|
رد : يانور عيني عذاب الوقت رافقنا ..
إقتباس:
وش رأيك بحركات التشويق وشد الأعصاب وكتم الأنفاس <<صار فيلم سايلنت هيل طيب ولا يهمك لا ترد الحيين ولاشي اليوم بحط النهايه ..بس خلك متابعنا .. يزيد بن غشيان هلا بك ..مشكـــــــــــــــــــــــــور على الرد  |
|
|
|
|
|
16-01-2007, 09:13
|
#9 | |
|
رباط ود
|
رد : يانور عيني عذاب الوقت رافقنا ..
إقتباس:
^ الحيين وش فيها اذا طلعت فوق الكرسي عادي يعني ما أشوف فيها شيي  . . اييييييييييه يا أيام أول كنا صغار وشباب وفينا حيويه الحييين يالله جسن الخاتمه <<الصبوحه تهز راسها . .وصحيح أي حل رح يكون فيه عقوق للأم مارح يلاقي حل مافيه عقوق لأن الزوجه وأهلها طالبين بيت لبنتهم والأم معتمده على هالولد في كل شي . . فيصل الخالد تابعنا ورح تعرف النهايه الي كنك من ردك قربت تعرفها .. ألف شكـــــــــــر فيصل ..وتحياتي |
|
|
|
|
|
16-01-2007, 09:19
|
#10 | |
|
رباط ود
|
رد : يانور عيني عذاب الوقت رافقنا ..
إقتباس:
. . عنود ..يمكن توقعك صح يمكن خطأ <<لازال مسلسل التشويق مستمراً <<توها تتعلم كلمة تشويق . . بسم الله عليك عنود وعلى صدرك من الضيقه . . عنود تابعينا .. واشكرك على ردك وعلى توقعك . . . . |
|
|
|
|
|
16-01-2007, 09:23
|
#11 | |
|
رباط ود
|
رد : يانور عيني عذاب الوقت رافقنا ..
إقتباس:
هلا والله بالطش والرش نوره العجمي ..ده النورالي في المنتدى نـــــــــــــــــــورك توقعك ..اممممممممممم أعلمك صح ولا لأ ..طيب بعلم بعد ما أرسل هالرد .. ألف شكــــــــــر وتحيه على الرد الحلوو يالله نور ..على خير أشوفك . . . . |
|
|
|
|
|
16-01-2007, 09:31
|
#12 |
|
رباط ود
|
رد : يانور عيني عذاب الوقت رافقنا ..
. . خلق الله الانسان وخلق له قلبا خفاقا يغني بأغاريد الحب ...... ولا شك ان الحب قضيه انسانيه جديره بالأهتمام ........ وفي حاله سعاد وسعيد القلبان عاشقان بس طغيان الماديه وتسرب المشاكل وتدخل الأهل... خربت كثير على العلاقه الحلوه ... وانا نسيت ما أذكر لكم ان سعاد وسعيد قضو شهر العسل في الشرقيه واستمتعو بأجمل الأيام هناك . لذالك سعاد تحب الخبر تحب الدمام تحب الشرقيه كلها , تسيت ما أقولكم بعد ان سعاد مره مرضت وتعبت وعشان يوديها سعيد المستوصف الي بجنبهم شالها ... والله العظيم ونقلا عنها انها تقول سعيد شالني شيل ونزلني من الدرج وركبني السياره ,,,,, وأشياء تنقال وأشياء ماتنقال عن العلاقه المقدسه الحلوه الي كانت تربط بين عاشقين .... نرجع للمحكمه وبرجع اتكلم بلسان سعاد ونقلا عنها ,,,,,, تقول سعاد :كنت انتظر هذي الجلسه النهائيه وقلبي والله الشاهد عليه بيتقطع .... انا اساسا الطلاق موهين عندي ابد اجل كيف اذا كان الطلاق واستحاله الرجوع للحضن الي حبيته وهويته .. كنت الوم نفسي بس وش حيلتي امي كانت تقول لي الي مايحترمك ويحترم أهلك هذا ما يستحق تعيشين معاه وأمه حلفت عليه انه يطلقني ,,,, بس الشي الوحيد الي أعرفه عن سعيد انه يحبني ويموت فيني <<وهذا الأمل الي كنت أعيش عليه .. دخلنا المحكمه انا واخواني اثنين كبار وواحد صغير ..... وسعيد جا هو وأخوانه .وأبوه....... وصلنا عند الشيخ وقال لسعيد يروح يتوضأ ............. وأنا أتابع الوضع وأقول يارب يارب انه مايطلقني ..... وفعلا راح سعيد يتوضأ وجا مشمر ويقطر وجهه مويا من الوضوء ....... قاله الشيخ : هاه ياسعيد خذت حقك كامل .... قال سعيد : ايه اخذت حقي كامل اخذت المهر الي عطيتهم اياه .. قال الشيخ ـ وهو كان في صف سعيد ـ : ليه ما طلبت منهم اكثر قال سعيد : انا ابي حقي مو أكثر ... قال الشيخ : يالله قل راي ... وأنا أناظر وقلبي يرجف وكنت خايفه ان الي في المحكمه يسمعون صوت دقات قلبي من قوتها دق دق دق دق قال الشيخ : انا سعيد بن فلان بن فلان الفلاني قال سعيد : انا سعيد بن فلان بن فلان الفلاني ... قال الشيخ : اطلق زوجتي سعاد بنت فلان بنت فلان الفلاني قال سعيد ـ تصورو رجال يسوي شي غصبا عنه ـ اطلق زوجتي سعاد بنت فلان الفلاني .<<وكان يقولها بانكسار .. .................................................. ............................. وقعد يردد هو الشيخ كلام والكلام يطعن قلبي وأنا حالتي ماتوصف اتذكر الذكريات الحلوه في حياتنا ................. اتذكر يوم ما جا وشافني........ اتذكر يوم زواجنا ......... اتذكر يوم ما عرف اني حامل ......... اتذكر يوم ولادتي لأبني محمد البوم الذكريات كله براسي واحس راسي بينفجر ..... كنت بوقف في المحكمه واصارخ بصوت عالي وأقول ياشيخ انا ابيه أنا احبه <<بس مستحيل اخواني واقفين لي بالمرصاد ... والشيخ هو وسعيد مازالو يرددون كلام جارح بس اجرح كلمه جرحتني وكسرتني يوم قالو ... الشيخ : طلاقا بائنااااا سعيد : طلاقا بائنااااااا الشيخ بصوت عالي قال ذي الكلمه : لا رجعة فيه لا رجعة فيه سعيد وهو محطم قالها : لا رجعة فيه لا رجعة فيه ...... ما مداهم يخلصون ذي الكلمه الا زعقت انا وبكيت بصوت عالي كل الجلوس يناظروني والشيخ يقول ... وش فيها موب هي الي طالبه الطلاق وشاريته من الرجال شرا........... خرجنا من المحكمه وأنا ودي اكلم سعيد بس خلاص هيهات هيهات ,,,,, لا تعذليه فان العذل يولعه .. قد قلت حقا ولكن ليس يسمعه استودع الله في الرياض لي قمرا بالنجم من فلك الأوزار مطلعه ودعته وبودي لو يودعني صفو الحياة وأني لا أودعه وكم تشفع بي أن لا أفارقه ولضرورات حال لا تشفعه وكم تشبت بي يوم الرحيل ضحى وأدمعي مسبلات وأدمعه أعطيت ملكا فلم أحسن سياسته كذاك من لا يسوس الملك يخلعه ومن غدا لا بسا ثوب النعيم بلا شكرا الأله فمنه الله ينزعه ............. ================================================== ===== ما ادري أنا مذنبه ولا لأ اهلي هم الي حطمو حياتي اهلي وأهله أمي وأمه ..... كيف أعيش وبعيش من غير زوجي ..... الشي الي مصبرني اني دعيت الله وأستخرت الله واتعلقت بحبل الله كنت كل يوم اصلي الليل ..... وأناجي ربي وارفع دعائي وتضرعي له وحده لا شريك له .... وان كنت ظلمت سعيد الله يغفر لي ويسامحني ويعوض سعيد خير يارب يارب يارب ..... . . . أنتهى .. |
|
|
|
|
16-01-2007, 09:52
|
#13 |
|
شـــاعرة
|
رد : يانور عيني عذاب الوقت رافقنا ..
عورتي قلبي زياده ياأغلى سوسو  يابنت الحلال مادامها طلقه وحده يمدينا نتوسط لها  عندي فكره انتي بس عطيه رابط الموضوع وهو بيرحمها ويرحمنا معها <- بتصيح ترا كود انها يرجّعها لذمته مادامها طلقه وحده يابخت من وفق راسين بالحلال ولنا الأجر ان شاء الله <- اندمجت في الدور من الحزن |
|
|
|
|
16-01-2007, 10:05
|
#14 |
|
شــاعر
|
رد : يانور عيني عذاب الوقت رافقنا ..
كانه في الشرقيه ارسل لي عنوانه باصير صديقه عشان اخفف عنه الحزن شوي على فكره كذا مو حلو ابد |
|
|
|
|
16-01-2007, 10:33
|
#15 | |
|
شـاعر
|
رد : يانور عيني عذاب الوقت رافقنا ..
إقتباس:
ليتها تمثيليه والين خلصت تجي الدعايات و نقول اييييييه تمثيل ,, الاهل لهم علاقه مباشره في الحياة الزوجيه لابناءهم في ما يفوق 50 % من مجتمعنا اتوقع كل ما جلست مع واحد قال ياخي مبتلش باهلي و عيالي كل يوم يتقابسون ! ارى ان من ابسط حقوق البنت انها تعيش في بيت لحالها , درءا لشي الواحد ما يبيه و حتى لو كانت البنت كويسه , ما يندرى متى تشين النفوس و ممكن امي تغلط عليها و هي ما تتحمل الغلط الحين الواحد فينا مرات يضيق من اهل بيته و يطلع من عندهم زعلان و هم اهله , فما بالك يجون اهل زوجتك\زوجك ويغلطون او يجرحون ! الواحد ما يتحمل كل شي , احلى سوسو , نورتي شعبيات و تنورينه كل مره تدخلين فيها , و تتحفينا بمواضيعك تحيه لك و بوسه ل عمر : ) |
|
|
|
|
 |
| عدد المتواجدون في هذا الموضوع » 6 , عدد الأعضاء » 0 , عدد الزوار » 6 | |
|
|
|
|
