27-02-2007, 23:51
|
#1 |
|
عيار
|
حبيبتي نامت !
صباحكم بردقان .. ومساكم كالعاده توت بالجزر << أموت في الكوكتيل أنا يا جماعه ،،  عنوان الموضوع يقوطر رومانسيه .. وكلّه دلع وخقخقه .. وهذي هي الموضه ومواكبتها .. ولازم الواحد من تالي يتطوّر ويمشي زي العالم .. إلى متى واحنا متجوّخين بين اكياس الشعير وصبايب الحلال . الحُب كلمه عظيمه وكلّها على بعضها ( حرفين ) .. سهلة الكِتابة والنُطق .. بل وحتى الإنتساب لها ! من صغرتي وانا اسمع كلمة ( احبك ) .. بس من تالي حاولت أفكفك أبو حروفها وشفراتها واحاول أني أوصل لمكنونها وحوافرها اللي يمكن تكون خافيه علي . في المدرسة ومن أيام الإبتدائي كان مُدرّسنا ( حامد أبو طبنجه ) .. أجنبي عن البلد .. وكان من يبدى الدرس وهو يفكّر ويخوبص بعلومه وبدل مايقول ( واحد زايد واحد يساوي كمْ ؟ ) كان يقول ( إذا صرت أنا أحبّها .. خبّروني باللهِ كيف الطريق ؟ ) !  حتى مُدير المدرسه ( حسن لبنيه ) كان يحب بشكل خطير .. حتى إن جدارن المدرسه ودورات المياه – الله يكرمكم - كانت تشرشحه وكان يُكتب عليها بالخط العريض الأحمر .. والمتنيّل بسبعين نيله : ( يا شباب .. ترى المُدير حسن يحبّها وحبّه مقطّعن كرشته يوم انه يجي الصباح متأخر )  بل أن الحُب تعدّاهم ووصل للفرّاش اللي كان معلّق على باب المدرسة لوحة صغيره كرتونيّه وكاتب عليها بخطّه اللي رايحن فيها : ( الحُب طريقك للهلاك واكبر دليل شوفو حالتي ) وحاط سهم صغير على باب غرفته !  يعني تفكيري كان ممزوج من صغرتي إلى حد شبابي الآن يوم صرت أفكّر في كلمة ( حُب ) .. واحاول أعرف وش تكون هالكلمه ومن أي ديره ومن أي حموله ووين ساكنه ! يقولون أن الحُب مصّع قلوب البعارين .. بل حتى أنه وصل لدرجة أن البعض صار يرسم ويخطط على جدارن الحواري ولاتهون أبواب الحمّامات - الله يكرمكم – : احبك حب جوعان – يشوف الحطب ( شابوره ) واحبك حب سكران – ينادي العنـز ( يانوره ) وقبل كم يوم كنت ( حاقطن ) أذني على الوالده وهي تكلّم خالتي .. وهذا من زود الفراغ اللي عندي .. يعني لما أشوف نفسي فاضي أسحب نفسي شوي شوي لين أوصل للسماعه وتكون الوالده تكلّم لها وحده من الحريم .. واحاول أسترق السمع والقط من سواليف هالحريم اللي تخليني أموت عليها من الضحك .. كانت الوالده تكلّم خالتي وتقول لها : هاه وش عشاكم اليوم .. قالت خالتي : عشانا اليوم ( مرقه ) .. طقّتها ضحكه الوالده – الله يطوّل بعمرها – وقالت : أجل رجلتس اليوم مهوب فيه << والله السوالف بعد ! بعدها تغيّرت الموجه من الوجبات الغذائية إلى الكلام عن بنت جارتنا ( فاطمه ) وان رجلها ماحبّها .. وانها راحت لبيت اهلها بعد ماجمعت عفشها وشالت اغراضها .. وان رجلها اصلاً مهوب " صريْ " يوم انه يسافر لبرا وتاركن مرته عند بزرها .. حتى الحليب حق برزها ماشراه لها ! وختمو السالفه بسرعه يوم ان رجل خالتي دخل البيت واختبصت خالتي وقالتي للوالده : يالله رجلنا جا .. سلام .. وسكّرت السماعه في وجه الوالده ! مسكينه ( فاطمه ) رجلها مايعرف من الحُب إلا اسمه .. ولايعرف من طريق الحُب إلا رسمه ! دحيّم يحب سويّر .. وراشد يحب عنزته بالحوش .. وسالم المنزوي مايحب إلا ( جعفر ) راعي المطعم عشان بطنه .. وانا حُبّي غير ! قبل أيام كانت الوالده الغاليه في سفره ليست بالقريبه .. بل بعيده بالنسبه لي .. وحين حضورِها للمنزل بعد عناء سَفَرِهم المُتعِب .. وقعت في فراشِها تعباً من طول السفر .. كُنت أنا خارج المنزل .. حاولت السُرعه في قطع الطريق لأنال منها ( قُبلةً ) على رأسِها الحاني .. ولكن – قدر الله وماشاء فعل – حضرت للمنزل .. وجدتها ( نائمه ) .. حينها قُلت في سِوارِ نفسي ( حبيبتي نامت ) .. وخططت هذه الكلمات والتي هي أقلّ من القليل بشأن من أُحِبُها من كُل قلبي ! أحبتس يالطخما ،،  :: مدمن شاهي :: |
|
|
|
28-02-2007, 04:14
|
#2 | |||
|
عيار مفهي
|
رد : حبيبتي نامت !
صبحه بالخير وارزقة يا رازق الطير وخلة لأمه قرة عين إقتباس:
جرب الأناناس مع الغجر ( كركديه )  حتى لونة رهيب >> بنفسجيإقتباس:
ههههه أشوى موب أنا لحالي >>> وش السبب إقتباس:
متأكد أنك كاتب السطر هذا ؟؟  نعم هذا هو الحب طاهر وصادق الأم تكن الحب لجنينها وهو مازال في أحشائها وتغلفة بهذا الخب اذا خرج للحياة لالشي سوى الحب بدون مقابل لكن أعتبر حب الأبناء للوالدين أقل لأنه دائماً ما نسمع ونرى صور من عقوق الوالدين إلامن هداه الله وأنعم علية ببر الوالدين والباقي الذي يقال عنه حب هو تبادل مصالح >>> شد لي وأقطع لك 8 8 8 أحاول اقلدك يامدمن بس ماش حواق  وش جاب الثرى للثريا   |
|||
|
|
|
|
28-02-2007, 17:46
|
#3 | |||
|
عضو شعبيات
|
رد : حبيبتي نامت !
إقتباس:
طبنجة ولبنيه ماصارت مدرسة هاذي هذا صار مطبخ إقتباس:
هههههه انا أشهد ان هالي تقوله صحيح ولاتهون سواليف الاسواق وش لقيتو ووش شريتو من العويس وش خذتو من طيبه <<< الظاهر ان امه عجوز إقتباس:
أحلى مافي موضوعك هالنهايه الحلوه الي تعبر عن مشاعر الحب والإحترام والتقدير لأم الغالية وهذا أقل ما يقدم لهاولو اني يا مدمن ما أرتحت يوم انك تقول (أحبتس يالطخما) أحس انك تطنز اخر تعديل كان بواسطة » طلعة الطوقي في يوم » 28-02-2007 عند الساعة » 17:51. |
|||
|
|
|
|
12-03-2007, 23:28
|
#4 | |
|
عيار
|
رد : حبيبتي نامت !
إقتباس:
شُكراً لكــــــ ،،، |
|
|
|
|
|
12-03-2007, 23:29
|
#5 | |
|
عيار
|
رد : حبيبتي نامت !
إقتباس:
سعيد بمرورك .. والتوضيح كان في الإقلاع << متعيجز يكتب الرد مرّه ثانيه شُكراً لك يالغلا ،،، |
|
|
|
|
|
20-03-2007, 15:22
|
#6 |
|
عضو فعّال
|
رد : حبيبتي نامت !
مدمن شاااهي الله يخليلك حبيبتك ولايحرررررمك شوفتهااااااااا ولايحرمها شوفتك .. وموضوع جميل واكثرررر من رااائع لانساانه لها اعظم فضل علينا بعد رب العزه والجلال .. تسلم على هالابداااع .. ومرره ثانيه يارب يخليلك حبيبتك ويخليلنا حبيباااتنااا بعد ....  |
|
|
|
|
21-03-2007, 04:11
|
#7 |
|
شعلة نشاط
|
رد : حبيبتي نامت !
الله يوفقك اخوي بس بصراحة انك لحسية خبصتنا ولك احلى بوووووووووووووسة |
|
|
|
|
03-04-2007, 15:33
|
#8 | ||
|
عضو شعبيات
|
رد : حبيبتي نامت !
إقتباس:
إقتباس:
:: مدمن شاهي :: تقبل مني .. كل الود |
||
|
|
|
|
03-05-2007, 15:54
|
#9 | |
|
عيار
|
رد : حبيبتي نامت !
إقتباس:
لاعُدِمت هالطلّه المليحه |
|
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
