[ريان]

شدني ليل(ن) سواده يعطي العتمـه ظـلام=مستمد(ن) من سواده ظلمته فوق اعتمـه
مايعرف النور لله مايطيـق اسـم المنـام=ولايصح الا الصحيـح ولاتفيـد الجهلمـه
قال تفزع لونخيتـك قلـت مافيهـا كـلام=راح جدي سبة الفزعه عسـى الله يرحمـه
قال تكفى ثم سبقتـه ياولـد شـد الحـزام=لعن ابو ملا يلبي علـم صامـل وافهمـه
نضرب العوجا تعدل غصـب ولا باحتـرام=صاملين ولاعلينا من صمل غـز اسهمـه
الحيـاه بـلا معـزه ذل علـي الـحـرام=والرجل من غير عزه ثور طيبـه فشحمـه
والرخامه ماعرفهـا وارتعاشـات العظـام=والله انـي ماعرفهـا ولاتحيـزم برخمـه
قال انا الصبح يغدربي ودي امشي في سلام=قلت انا الصبح يعرفني قـل تـرى بعلمـه
قال مااقدر قلت تقـدر لاتبـزوط فاالنظـام=كيف تنخاني وتمشي هو حلا كيف اطعمـه
الغباء نسل الجهاله والمتر خصمـه جـرام=والطويل اخو القصير ودوك علمي واكتمـه
الدقيقه بنت يوم(ن) جدها شهر ابـن عـام=والمطر عبده شعيب(ن) كل ماجاه الطمـه
والفحل مع ناقته والكل منهـم لـه سنـام=والحصان اعرف صهيله والفرس باالهمهمه
ابتدا الصبح ومشينا وانسحب زول العتـام=لو ليلـي مانخانـي كـان مـاالله سلمـه

للشاعر : فــهــد الاشــقــر

[أحمد الجلوي]

ريان تسلم يمينك على الاختيار الرائع اطربت الذائقه