[سعيدالعمودي]

الاهداء لكم ولمدينتي حــــــائل ومن يحبها

معطف البرد لف الازمنه والمكان =
=والمدينه عطاها البرد رونق جديد
شامخه في معالمها حكاية زمان =
=قصة الفجر والقمرى ومجدٍ تليد
حائل العشق لوانه بسحرالبيان =
=قلت فيك القصيداللي يسمى قصيد
بس كلي مشاعر ماحكاها لسان =
=اقرها في عيوني والمحه بالوريد
يامنابع غزير المد اول وثان =
=فيك قصة يمين الشح علمٍ اكيد
فيك هيل المعاني غازل الزعفران =
=واختصرتي مسافات الزمان البعيد
روح شمّر وروحي يوم ان الاوان=
=غردي ياحروفي واطلبيني مزيد
فيك لوقلت خاسر ماخسرت الرهان =
=فيك من قال شعره شاعرن مستفيد
يوم نار المشاعر ذوب الشمعدان =
=قلت للشمس غيبي لايذوب الجليد
اكتسي يابلادي يابلاد الامان =
=في شعوبك تباهي واذخريهم رصيد
التطور ضروره والزمان امتحان =
=والحضارات تبنى والمواطن سعيد
شعب واحد وقاده والتآلف ضمان =
=في زمان التحدي كل عزمٍ حديد
ازدهارالمداين فكر والامبان =
=عكس موت الاماني في عيون البليد
والاماني كبيره والخطا باتزان =
=وكل رايٍ على درب المعالي سديد
وكل حرف فبلادي لونظمته مدان =
=ماحكى عن شعوري لواقوله واعيد
ولو سألت الجواهر عن عقود الجمان =
=قال حائل واهلها والتراث المجيد
بس شعري شعوري لوجفاه المكان =
=ادري اني لحالي بس ماني وحيد
ملهمه يابلادي يابلاد الامان =
=فيك من قال شعره شاعرن مستفيد

[سعيد المري]

ازدهارالمدايـن فـكـر والامـبـان
عكس موت الاماني في عيون البليـد

.
.

صح نبضك وبوحك ... تحيااتي

[ثامر الشعيفان]

حائل العشـق لو انـه بسحر البيـان
.............. قلت فيك القصيد الي يسمـى قصيـد

سعيد العمودي

أعدت عليَّ ذكريات حايل " جعلها تسقى "
والله إن مكانها القلب . .
ولا يجي جبالها وشعبانها ونفودها شاعر ويعوّد ما قال شي

سلّم على حايل تكفى

[سالم بن جلعان]

هلا وغلا بحايل واهل حايل ....

نص من اجمل النصوص اللي مرت علي في حب مدينه ..!

من الابداع ان نصور الجمود ونرتقي بالحرف ليجسد المحسوس ..!

وهنا نص خرافي يا العمودي ...

تستاهل حايل هذا الزخم الشعري في النص

وانت وشمر فوق كل مفردات المدح والثناء

لك مني كل التقدير ولشاعريتك كل الإحترام

تحياتي

اخيك


سالم

[عبدالعزيز محمد المالكي]

سعيد العمودي

للأمانة نص جميل ..
حُيك بعناية .. لعيون حائل
لكل شيء تحمله هذه المدينة ..
من .. وإلى شموخ وطيب أهلها

كن بخير ..

[محمد مدران اليامى]

العمودي....يسعد صباحك وصباحات حايل....

صح لسانك مدد
تحيتي

[نوف الثنيان]

حايل العشـق لو انـه بسحرالبيـان
قلت فيك القصيداللي يسمـى قصيـد
.
.

سعيدالعمودي ..

حايل بعد حيي ..
لـ هذه المدينة مكانة خاصة في قلبي ..
مجبولين أهلها على الطيب والجود والكرم ..
هذه الصفات إرث تاريخي منذ حاتم الطائي حتى عصرنا الحاضر..
وهذا الكرم نادر في هذا الزمان ..


صح لسانك ..
فعلاً مدينة ملهمة في حد ذاتها ..

تحية طيبة ..

[ناصر آل مداوي]

بما انها حائل فهي فعلا تستحق كل ذلك

سعيد العمودي
ابدعت بمعنى الكلمة

صح لساااااانك

كل التقدير

[صالح العبدالكريم]

وما أجمل قصائد المُدن إن أتت بجمال كهذا ذهبت وأنا اقرأها إلى حوادث وأمكنه عدّه ، ما جعلني اعيد دخول الأحياء من خلال أبياتك واتناول القُرى والهِجر كحبّه مسكّنه حال حديثك وحال تنقّل التفكير مما جعلني امزج قراءتك بعدسة المُبدع عوض الهمزاني أبدعتما بإصطياد لحظة شرود القلب هذه الليله وللسمراء قُبله غيم تقديري واحترامي

[نورة العجمي]

وكل حرف فبلادي لو نظمتـه مـدان
ماحكى عن شعوري لو اقوله واعيـد

عروس الشمال
تستاهل حايل واهل حايل
صح لسانك ياسعيد
روعه من رائع

[نمرالعتيبي]

سعيد العمودي


يسلم راااسك والله وتستااهل حائل كل خيير وانت شاااعر راااقي
اجدت في رسم حرووووفك في هالمديينه الراااااقيه

[سعيدالعمودي]

الرسالة الأصلية كتبت بواسطة عسـ طرقي ـاااس

ازدهارالمدايـن فـكـر والامـبـان
عكس موت الاماني في عيون البليـد

.
.

صح نبضك وبوحك ... تحيااتي

سعيد بحضورك الغالي

ومرورك الراقي


لك كل التقدير

[سعيدالعمودي]

الرسالة الأصلية كتبت بواسطة ثامر الشعيفان

حائل العشـق لو انـه بسحر البيـان
.............. قلت فيك القصيد الي يسمـى قصيـد

سعيد العمودي

أعدت عليَّ ذكريات حايل " جعلها تسقى "
والله إن مكانها القلب . .
ولا يجي جبالها وشعبانها ونفودها شاعر ويعوّد ما قال شي

سلّم على حايل تكفى

يبلغ سلامك يالغالي


وسعيد بحضورك ومرورك

وكرر الزياره لنا في حائل

نسعد بوجودك

لك كل الود

[سعيدالعمودي]

الرسالة الأصلية كتبت بواسطة سالم بن جلعان

هلا وغلا بحايل واهل حايل ....

نص من اجمل النصوص اللي مرت علي في حب مدينه ..!

من الابداع ان نصور الجمود ونرتقي بالحرف ليجسد المحسوس ..!

وهنا نص خرافي يا العمودي ...

تستاهل حايل هذا الزخم الشعري في النص

وانت وشمر فوق كل مفردات المدح والثناء

لك مني كل التقدير ولشاعريتك كل الإحترام

تحياتي

اخيك


سالم

سالم غالي وحضور غالي تشرفت به


وما عليك زود مرورك شرف اعتز به

لك مني كل التقدير

[سعيدالعمودي]

الرسالة الأصلية كتبت بواسطة ع. محمد المالكي

سعيد العمودي

للأمانة نص جميل ..
حُيك بعناية .. لعيون حائل
لكل شيء تحمله هذه المدينة ..
من .. وإلى شموخ وطيب أهلها

كن بخير ..

هلابك وغلا

سعيد بحضورك الغالي

لك كل الود ولاهنت