07-06-2002, 10:18 | #1 |
عضو شعبيات
|
( يانمر مافيه من صكة الباب مصلوح )
السلام عليكم يا اخون انا سعيد بالانضام الى منتداكم وما اخفيكم اني ابحث عن قصيده وعن قصتها ومن ابياهتها يانمر مافيه من صكة الباب مصلوح شاكر لكم حسن تعاونكم [gl]ابو مناحي [/gl] |
07-06-2002, 10:31 | #2 |
شـــــاعــــــر
|
هلابك بين اخوانك
العزيز ابو مناحي الله يحييك في محلك الشطر الذي ذكرت اعتقد ان صحته كما يلي يانمر ما في صكّة الباب مصلوح وبداية القصيده يانمر خل الباب يانمر مفتوح ************** خوف المسير يستحي لا ينادي ولا احفظ القصيده واعتقد غير جازماً انها للشاعر الكبير محمد بن شلاح المطيري مقدم برنامج الباديه في تلفزيون جده لك الود والتحيه وآمل مممن يعرف بقية القصيده ان يتفضل بالكتابه والتعديل اخوك صالح السبيل |
07-06-2002, 12:46 | #3 |
رحمة الله عليه
|
هلا ابومناحي حياك الله ياخوي شف اول شي لاتصدق كل شي يقال لك <======= ماصدق على الله يلقى غلطه على ابونوت الله يهديك بس يبو نوت يعني الا بالقوه تعرف القصيده على العموم يابومناحي خالي ابونوت ماقصر بيض الله وجهه لكن اتوقع غلطه مطبعيه لانه مطلع القصيده معروف والقصيده مثل ماقال خالي ابونوت لمحمد ابن شلاح المطيري مقدم برنامج الاتجاه المعاكس <======= يقاله سياسي ويعرف برامج على العموم القصيده هذي هي أمل الوجار وخلو الباب مفتوح ************* خوف المسير يستحي ماينادي نبغي الى جاء نازح الدار ملفوح ************* وشاف البيوت مصككه جاك بادي يقلط لديوان به الصدر مشروح ************* ورزقه على رازق ضعاف الجرادي يانمر مافي صكة الباب مصلوح ************* ولاهيب ءالنا يامضنة فوادي تصلح لمخلوقً يبي يستر الروح ************* ناشي عليها معتمدها اعتمادي يانمر لو المرجله سدو مسدوح ************* كلً نقزها حر والا برادي لكنها من دونها المر مطروح ************* وارض تبي من بذر فعلك سمادي رجال تقصيره مع الناس مسموح ************* لحيث ماله في القديمه شدادي ورجال تقصيره مع الناس مفضوح ************* وكلً يقول النار تخر رمادي وماقصرت يابونوت عز الله انك ولد وشباب وفي سن الزهور<===== وش تسوى عند خالي ابونوت ذي برايفت خالي ابونوت شف خالي الموضوع الي انت منزله هناك بالنداوي في عيون الشعر شف والله ابرمت الكتب والاشرطه ادور عليه ولالقيته لكن فيه قصيده بدون نقطه (المهمله) في واحد منزلها عندكم هناك ولايعرف منهو القايل وانا ابي امحط لك هنا السالفه هذا محمد العوني الله يرحمه شاعر القصيم او شاعر نجد كلها وكانت قصايده حربيه كلها المهم قال قصيده هجاء في محمد ابن رشيد الي كان يحكم نجد وهدده ابن رشيد انه يذبحه وانحاش للحجاز وراح عند الاشراف واجتمعوا في يوم من الايام ويجي احد شعار الاشراف ويقول (اهل نجد شعرهم كله بالحروب والمعارك لكن الغزل وغيره مايعرفون له مثلنا قال العوني انا منيب ازين شعار نجد لكن ابي اتحداكم كلكم بكره نبي نجتمع هنا وكل واحد منكم يجيب قصيده بدون نقطه يوم اجتمعو ويجي العوني ويهذ 40 بيت بدون نقطه والاشراف ماجابو بيت واحد انتهى <======= ابن خميس وماقصرت ياخال وبيض الله وجهك وماقصر اخونا (ابومناحي) الي ذكرنا بالقصيد الزين وتقبلو تحيات اخوكم عزيز |
10-06-2002, 10:50 | #4 |
عضو شعبيات
|
مشكورين
عز الله انكم ماقصرتوا شاكر لكم حسن تعاونكم |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|