07-01-2009, 10:33 | #1 |
شــاعر
|
اصصص
. . .
. . . ياليت أحلام الليالي لها فص = نضغط عليه ويستوي ما نريده . . .تحدنا الايام ونرصها رص = والنفس ما تلهث على كل صيده . . .ندور الكامله ونحصل النص = واللي يعبي ما يكفي رصيده . . .اليوم هين لكن الجابله عص = من خوف تلحق ع البطان الحديده . . .ماينتثر في دربنا اللول والحص = لو كان قطعنا علوم الجريده . . .كل العرب في خص الا انت في خص = عندي تساوي هالحياة السعيده . . .اشتاقلك في كل الاوقات واغص؟؟ = ان مر لك طاري احيد وتحيده . . .ماهوب شوق الضم واللم (...)! = شوقن يقرب هالبعيد البعيده . . .أن سرت وصيتك وإذا جيتني وص = الحب محلاته إذا كان سيده اخر تعديل كان بواسطة » غزير الكتبي في يوم » 07-01-2009 عند الساعة » 12:49. السبب: خطا مطبعي |
07-01-2009, 12:31 | #2 |
شــاعر
|
رد : اصصص
هلا يا غزير ومسهلا حياك وحيا النص الجميل والقافيه المميزه اللي زادت النص رونق شاعر متمكن يا غزير ياليت أحلام الليالـي لهـا فـص ......... نضغـط عليـه ويستـوي مـا نريـده . . بداية مميزه كانت بهذا البيت وامنيه يتمناه الكثير كأنك تتكلم بلسان الكل ....! لي ملاحظه بسيطه على البيت التالي . . .وندور الكاملـه ونحصـل النـص واللـي يعبـي مـا يكـفـي رصـيـده صدر البيت فيه ثقل بسيط وقد يكون طريقتي في نطق البيت .. ولكن ودي انك تتحقق وتغنيه مع باقي الأبيات عموما هي ملاحظه بسيطه ولا تفسد جمال النص صح لسانك مليون ولا يكفون اخي تحياتي وتقديري اخيك سالم |
07-01-2009, 12:49 | #3 |
شــاعر
|
رد : اصصص
مرحبا يا خوي سالم وبيض الله ويهك وصح بدنك بنسبه للبيت صادق يا خوي انا عندي الواو زايده وانا ماعرف كيف جت لكنها دخلت بلغلط الف شكر على مرورك الوافي |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|