05-06-2009, 18:17
|
#1 |
|
عضو شعبيات
|
مجاراتي لقصيدة الشيخ عايض القرني !
السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين قصيده مجاراه لقصيدة الشيخ عايض القرني واعلم تماما ان من يخالفني الرأي فيها اكثر بكثير من سوف يؤيدني ولكن من حقي على نفسي كشاعر أن اقول ما أشعر به وما أجده قناعات ولا شك أن اكبر مصيبه عندما تصبح المتغيرات ثوابت او الثوابت متغيرات دونما مبرر منطقي 00 ارجو ان تتسع صدوركم لها 00 كان ماهاض الشعروانفتح لـه كـل بـاب قاتـل الله كـل الاشعـار وسكـر بابهـا قالها اللي جاوب الشيخ عايض واستجاب ماقصدنا لجـل عـذراء نشـد اعجابهـا لا حضرت اسد عن كل الاشهـاد الغيـاب واهل مكه اعرف اهل الوطـن بشعابهـا مانتسبت لغير ابويه 00 ونعم الانتسـاب وما بلشت بغـادة ٍ ٍ مـا كتبـت كتابهـا وما مدحت بقافـي الا عزيزيـن الجنـاب والرديه ما شقـت بـي وانـا ماشقابهـا ماحسبت لغير ربي علـى قافـي حسـاب والبشر مثل البشـر ماحسبـت حسابهـا اشهد ان الشيخ عايض مجانبه الصـواب ماله ومـال الاغانـي وطـرد ركابهـا ! كلمة التوحيد ماهي قصيـده فـي كتـاب أو نشيـده كـل مطـرب لنـا غنابـهـا كلمة التوحيـد جنـه وجاحدهـا عـذاب والله إن اموت في ذكرهـا واحيـا بهـا زينت راية بـلادي علـى حـد النصـاب بين رايـات العـرب والعجـم تزهابهـا كلمة التوحيد وقـت المعـارك والنشـاب سلعـة ٍ ماكـل تاجـر جلـب جلابـهـا كلمة التوحيد تنطق بهـا حتـى الـدواب والطيـور بذكرهـا رافـعـه مخلابـهـا والشجر ينطق بها والرواسي والهضـاب والرجـل لا راد يرقـى بهـا يرقابـهـا واذكر الله يوم ذا النون ودمعه بانسكـاب كلمـة التوحيـد فـي غبتـه نادابـهـا مامعـه لا مـي لا زاد وماعنـده زهـاب غيـر تهليلـه وتسبيحـتـه بجرابـهـا واذكر الله يوم هدهد طفى نجمـه وغـاب يصفق بريشـه وبلقيـس بيـن اقرابهـا يا نبي الله ترى عرشها شامـخ مهـاب والعساكر تحـت منهـا جيـوش تهابهـا قال تاتي بالرضا وان عصت غصبن تجاب مسلمـه قبـل المنايـا تـغـز أنيابـهـا واقبلت من فوق صرح ٍ ممـرد بالعتـاب كاشفه عن ساق كثـر المشـي ماعابهـا يإله الكون رحماك 00 لا عبـدك أنـاب تسمع النمله ولا غيـرك انـت أدرابهـا الله اكبر كيف ضاع المخاطب والخطـاب يوم بعض الناس ضاعت حروف خطابهـا ماهقيت المعركه تقلب الصايـب مصـاب لين شفت المعركه مـا تصيـب حرابهـا كان تبغى نجاوبك دوك من عندي جـواب وافهم المضمـون كانـك قريـت كتابهـا الحمامه كيف تمشي مثل مشـي الغـراب يستـر الله لا تصيـد الدجـاج عقابهـا ادفع المليون كانـه مضايقـك الحسـاب لليتامـى واليتامـى تـراهـا اولابـهـا وادفعه لاهل الماصحف ولك جزل الثـواب وش لك بعوج الحناجر وعـوج ارقابهـا كلمة التوحيد فوق الشوامـخ والسحـاب ماخسر منهو مسكهـا واخـذ باسبابهـا كلمة التوحيـد فـوق الاسنـه والحـراب ما تجي من فوق الاوتار وفـوق اهدابهـا ماورى عمران بعض المدن غير الخراب كيف دار الطين تنسى جميـل ترابهـا ؟ اختلـط حابـل بنابـل وذاب الملـح ذاب طاحت الطاسه وضاعت ولاحـدن جابهـا وش بقى لاحلام ؟ وشهو بقالك يا رباب ؟ كـل طقاقـه تباهـي بلبـس حجابـهـا في زمان العولمه حاصر الجنـز الثيـاب يستـر الله لا عربنـا تـشـق ثيابـهـا في زمان العولمه صافح الشيب الشبـاب واختلـط زقومهـا ياعـرب باعنابـهـا في زمان العولمه ننتخـب دون انتخـاب وكل واحد لا فضـت قربتـه يملـى بهـا في زمان العولمه صارت الميـه شـراب دام بياع العنـب صـار هـو شرابهـا ! في زمان العولمه فكرنـا لبـس النقـاب ومن زعل غصب ٍ على شاربه يرضابهـا بخلطون السم للناس فـي سكـر مـذاب وكان ما امست بالدقون اصبحت باشنابها والذهاب لمكه اجمـل مشاويـر الذهـاب وش لنـا فـي ديـرة غرابهـا ينعابهـا صابني من بعض الافكار ضيقه واكتئـاب سامح الله مـن نبشهـا وهـي بكتابهـا واشعر بضيق التنفس وغثـه والتهـاب مار بعض امراض يـا مرحبـا واهلابهـا ياخبير الطب ما عندك لتسبدي طبـاب ؟ أشهد ان الحر تسبده تعـاف أطبابهـا ؟ عفت انا كل شي فيها00 وما لذ وطـاب كلما تصفـي المشـارب كدرهـا شابهـا ما نلوم العيص لا هتز ريبه واضطـراب والهبايـب لـو تثيـر العجـج وترابهـا كيف تتيمـم وتمسـح يدينـك بالتـراب وانت زمزم عنـد كفـك تدفـق مااابهـا كيف اعاقب كل حرمه رمت عنها الحجاب دام بنت الفكـر تمشـي بـدون حجابهـا كيف أحرم سهم طيبه واحلل سهم سـاب؟ كيف أصلي بالنجف والصدر صلـى بهـا حانت الساعه وصارت تزلـزل باقتـراب فكنـا الله شـر الايـام وشـر اتعابـهـا اشكي الغربه وانا مانـي بـدار اغتـراب يوم شفت وجيه الاقراب مثـل اغرابهـا انسحب يا شيخ مادام به وقـت انسحـاب واتـرك الساحـه لاهلهـا قبـل تبلابهـا ضاعت الصومال باسباب ثوره وانقـلاب كـل مـن هبـا ودبـا لبـس جلبابـهـا وادري ان الشيخ لو جيت أعيبه ما يعاب من يقول لشيخ ذا عيـب مـا ينجابهـا ! واحذر الله لايهينك تجي فـي جحـرداب والحيايا ما تجـي واحـدن مـا صابهـا الطرب لاهل الطـرب والذيابـه للذيـاب والمصاحف عند اهلهـا وهـي تقرابهـا كلما قلنا رجـع صاحـب الطبلـه وتـاب طـق طارالملعبـه يـوم طقـت نابـهـا طايرتنا يـوم تقلـع وتدخـل بالضبـاب سالمه وان طاحـت تطيـح مـع ركابهـا كيف تقرب؟ ليه ما شفت ممنوع اقتـراب غابة ٍفيهـا الحصانـي تحـوف ذيابهـا والسماء كل يوم ترسل من المغرب شهاب مارما كـل العـرب يفهمـون اشهابهـا الشيوخ اكرم لها مـا تجيـب ولا تجـاب غير في منبر هل الدين وفـي محرابهـا وسلامة قلوبكم 00 |
|
|
|
05-06-2009, 20:14
|
#2 |
|
شــاعر
|
رد : مجاراتي لقصيدة الشيخ عايض القرني !
صح لسانك يا عبد الرحمن وبيض الله وجهك أبياتك تكتب بماء الذهب جليت الواقع .. فعسى أن يعي أصحاب العقول |
|
|
|
|
06-06-2009, 12:21
|
#3 |
|
شــاعر
|
رد : مجاراتي لقصيدة الشيخ عايض القرني !
صح لسانك يالمرخان شاعر مبدع في كل المجالات ورأيك لك مطلق الحرية فيه تحياتي وتقديري اخيك سالم |
|
|
|
|
07-06-2009, 10:34
|
#4 |
|
بقـايا حُلـم
|
رد : مجاراتي لقصيدة الشيخ عايض القرني !
صح لسانك على الشعر  اما القضيه لانستطيع الحكم عليها ونحن لم نسمع بعد شيئا لنقرر شرعيتها لننتظر ونرى |
|
|
|
|
09-06-2009, 11:57
|
#5 | |
|
عضو شعبيات
|
رد : مجاراتي لقصيدة الشيخ عايض القرني !
إقتباس:
تحياتي وتقديري 00 |
|
|
|
|
|
01-07-2009, 22:40
|
#6 | |
|
عضو شعبيات
|
رد : مجاراتي لقصيدة الشيخ عايض القرني !
إقتباس:
حياك الله اخوي احمد ولا عليك زود صح قلبك ودمت بخير تحياتي وتقديري 00 |
|
|
|
|
|
01-07-2009, 22:41
|
#7 | |
|
عضو شعبيات
|
رد : مجاراتي لقصيدة الشيخ عايض القرني !
إقتباس:
حياك الله اخوي سالم وشهاده اعتز بها صح قلبك ودمت بخير تحياتي وتقديري 00 |
|
|
|
|
|
13-07-2009, 15:43
|
#8 | |
|
عضو شعبيات
|
رد : مجاراتي لقصيدة الشيخ عايض القرني !
إقتباس:
شكرا على مرورك العطر تحياتي 00 |
|
|
|
|
|
15-07-2009, 00:09
|
#9 |
|
مسامح / شــاعر
|
رد : مجاراتي لقصيدة الشيخ عايض القرني !
حبيب قلبي عبدالرحمن .... أتوقع أن الشيخ عايض عاش التجربه .. لذلك فهو يعرف البير وغطاها وبالنسبة لرأيك فمع احترامي له إلا أنه لم يعجبني شكراً |
|
|
|
|
15-07-2009, 05:08
|
#10 |
|
شـاعر
|
رد : مجاراتي لقصيدة الشيخ عايض القرني !
ساحر الشعر .. يعجز اللسان عند نصوصك .. , أتمنى أن أعلق ولا استطيع لكن عزائي بأن الصمت في حرم الجمال جمال دمت بهذا الجمال والفكر المتقد ... سلامي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
