![]() |
#1 |
شــاعر
|
باشري عماره !!
جمّعت لي قرشين باشري عماره=وزوّدتها قرشين حق الدلاله وجيت العقاري عند مكتب عقاره=شايب شنب غتره وطارح عقاله متربّعٍ ويمز ذيك الزقاره=ولا مزّها ظرب بها في البياله كنه خفيرٍ مستلم له خفاره=في فيّة المكتب ويتبع ظلاله قِمَزْ ورحّب بي بشوق وحراره=تقول شايف واحدٍ من عياله قلت اشهد ان العود راسه نعاره=يالله عساه يطيب ويزين فاله ياشيبة الرحمن معي استشاره=وانته ومثلك شوركم ينعناله انا غشيمٍ في دروب التجاره=والحظ وقّف لي ولا زان فاله وباعلمك وشهي علوم القشاره=وانت الحكم واحكم وحكمك عداله فكيت لي مطعم وسممت حاره=وتركته وفكيت جنبه بقاله وحطيت فيها عاملين استعاره=جارت علي رسوم نقل الكفاله وبديت اديّن واحْسِبْ انها شطاره=وراحت ديوني كلبوها جماله ودخلت في سوق الخشب والنجاره=وضاعت فلوسي في يدين العماله وفتحت مستوصف وحطيت ادراه=وجبت الدكاتر دارسين الزماله جاهم مريضٍ علّته في المراره=شقّوا طرف كبده وشالوا طحاله ونسيوا ببطنه رخصةٍ واستماره=يامن شرا له علّةٍ من حلاله وخذيت لي ونيت دتسن غماره=وركّبت فوقه شبك واربع قفاله وقمت اتريبح في البهم والجفاره=السوق وقت العيد يالك وياله لين اعترضها اللي عيونه شراره=واحد عيونٍ جعل ماله سلاله جاها على الما جعل تفجاه غاره=وقضا عليها جعل موته لحاله واليوم ابي لي بيت واخذ اجاره=لعل باقي العمر يمشي سهاله قال استرح وانس التعب والمراره=وهات الدراهم واكتب الكمبياله ودْلالتي والحُر يفهم الاشاره=قبل الكلام وقبل مبدا المقاله اربع غرف مبنيةٍ من حجاره=ومقلّط ومجلس ومطبخ وصاله وحوشٍ يجي للمور فيه استداره=وبوابةٍ تدخل معاها التراله ماهوب بيتٍ من بيوت الحضاره=بيتٍ قديم من بيوت الاصاله والموقع مميز وجنب السفاره=وان طعت شوري لاتدوّر بداله قلت اصبر اصلّي صلاة استخاره=قال اعفني! لو جا زبونٍ وشاله!! شريته وسقت الذهب والسواره=شيكين من عندي وشيكٍ حواله ورحت ولقيت البيت كنه مغاره=مبني من ايام الجهل والجهاله عينت كهفٍ فيه سبعة جحاره=ياما جرالي منه وياما جراله والحوش يسكن فيه سبعين فاره=والباب مايدخل نفر من خلاله!! ودوريّه يمينه والاخرى يساره!!=ووحدة جنوبيِه ووحده شماله!! معهم تعاليم الأمن والوزاره=بان السكن جنب السفير استحاله خذيت رشّاشي وعبّيت ناره=ناوي على الشايب وناوي قتاله حياة مثله في الاوادم خساره=والله ماخلّيه ايتهنّا بماله اللي مايامن به خويّه وجاره=راعي النذاله ينعن!! ام النذاله اخر تعديل كان بواسطة » سعيد بن مقبل الأكلبي في يوم » 27-02-2010 عند الساعة » 23:45. |
![]() |
![]() |
![]() |
#2 |
شاعرة
|
رد : باشري عماره !!
يلللعن ام النذآله ، جاها على الما جعل تفجاه غـاره وقضا عليها جعل موتـه لحالـه عززتي له من الدعــآآ ، صحح لسـآآآآنكـ بــلآ عدد يـآآبن مقبـل كل نص تثبت لنـآ فيه معنى الجزل لآهنت وعسـآكـ سـآلم يـ الذيب قصيدهـ جزله من رآس جزل ننتظر جديدكـ ~ |
![]() |
![]() |
![]() |
#3 |
شـاعر
|
رد : باشري عماره !!
حيّه وحيّ ما جاب ارحب يا بن مقبـــــــــــــــــــــــل يشهد الله انك وسّعت صدري ولو كانت القصيــــــــــــــــدة خاصه بك ولكني عشت جــــــــــــــــــــــــووها سردك لها خطيير وحش ما يحتاج ![]() تحيتي ووّدي |
![]() |
![]() |
![]() |
#4 |
شاعرة
|
رد : باشري عماره !!
صح لسسسسسسسانك القصيده روعه بشكل خيالي بصراحه خليتنا نروح معك في كل مكان ونجلس معك وخليتنا ندخل البيت اللي شرتيه معك وخلتنا نتهاوش مع صاحب العقار ورووووعه بس ما شاء الله عليك شكل فلوسك واجد راعي مشاريع هههههههههه الله يكثر خيرك وماشاء الله |
![]() |
![]() |
![]() |
#5 |
شـــاعرة
|
رد : باشري عماره !!
باحجز لي مكان هنا وباجي اارد الله يسعد ايامك ياسعيد ربي قابلك وربي وهبك قبول وحب الناس ماشاء الله تستاهل من بياض قلبك وصدقك وروحك النقية وشعرك الفارق عن غيرك للقصيدة رجعة ان شاء الله ![]() ![]() ![]() |
![]() |
![]() |
![]() |
#6 |
شــاعرة
|
رد : باشري عماره !!
من السهل أن يُـبكينا الشعر !! ولكن من الصعب أن ينتزع الشعر إبتسامة من قلب !! هنا استطعت وبـ جدارة وحرفنة الشاعر الماهر بـ انتزاع الابتسامة والتصفيق بـ حرارة في كل مرة تكون لسان حال صادق للمجتمع .. تتحدث شعراً بـ همومنا وقضايانا نص يحمل سرد محبب لا تمله النفس بطريقة احترافية جميلة لله أنت أخي سعيد .. بارك الله في حرفك المبهج دوماً دمت بـ ألف خير ![]() |
![]() |
![]() |
![]() |
#7 |
شــاعر
|
رد : باشري عماره !!
يسعد صباحك يا سعيد ... لبا قلب القصيد اللي يوسع الصدر ... والله انها توسع الصدر ... خصوصا المطعم اللي سمم حاره ![]() الى الطابعه .... والوعد .. بعد العشاء .. تحياتي اخيك سالم |
![]() |
![]() |
![]() |
#8 | |||||||||||||||||||||||
شــاعر
|
رد : باشري عماره !!
دام عزك ولاهنتي على مرورك يالذربه |
|||||||||||||||||||||||
![]() |
![]() |
![]() |
#9 | ||||
شــاعر
|
رد : باشري عماره !!
سعيد بن مقبل صح قلبك
ماتنلام يا بومقبل شقى العمر كله راح بغمضة عين لا هنت ولك تحياتي |
||||
![]() |
![]() |
![]() |
#10 |
متنبي الشعر الشعبي
|
رد : باشري عماره !!
![]() ![]() ![]() يا والله البلشه ياسعيد انا عجبني راعي مكتب العقار اللي يطفي الزقاره بالبياله ياخي كني اعرفه ![]() |
![]() |
![]() |
![]() |
#11 |
شـــاعــر
|
رد : باشري عماره !!
صح لسانك ياغالي تحيااااااااااااااااااااااااااااااااااتي |
![]() |
![]() |
![]() |
#12 |
شـــاعــر
|
رد : باشري عماره !!
سعيد الاكلبي..والحضور الشعري الرائع.. دائما حضورك يضيف البهجه ..صح لسانك صور واقعيه .. |
![]() |
![]() |
![]() |
#13 | |||||||||||||||||||||||
شــاعر
|
رد : باشري عماره !!
ارحب ياخالد والله يحييك ويحيي ردك ولاعدمت مرورك ياطويل العمر |
|||||||||||||||||||||||
![]() |
![]() |
![]() |
#14 |
شاعر
|
رد : باشري عماره !!
سعيد بن مقبل لافض فوهك شاعر تبقى شهادتي فيك مجروحة ولو بوصف شاعريتك مايلحقك وصف يالاكلبي سلمت يا سعيد والله يسعدك ؛ |
![]() |
![]() |
![]() |
#15 | |||
|
رد : باشري عماره !!
غير المطعم اللي سمم الحارة وصلت عند هالأبيات ماقدرت اقاوم ![]() من غيرك يستطيع ياسعيد التهكم بمصائبنا من أنفسنا وأحوالنا لدرجة الضحك الشديد والأقناع الأشد ؟ لا أحد غيرك ياسعيد .. حفظك الله لنا ياحكيم الشعر .. ![]() |
|||
![]() |
![]() |
![]() |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|