02-03-2010, 12:29
|
#1 |
|
نديم المجره / شـاعر
|
ياسعود تكفى لايفكون الاطناب.......
هذه القصيده موجهه للاستاذ / سعود بن عبدالرحمن الكردي قائد رحلتنا في اجازة الربيع1431هـ الى فياض شعيب الخشيبيه (50ك شرق لينه) ورغم التوسلات الا انه رفض تمديد الرحلـه. آمـل ان تنـال استحسانكـم : ياسـعـود تكـفى لايفـكـون الاطــنـــاب ياسعـود تكـفى قـلهـم بـس لـيـلـــــــــه نـفـسي تـشـلع كـل ماشـلع مـنـســــاب طـواري الـفـرقا عـلـيـنا ثـقـيـلـــــــــه يـومٍ طـويـتـوا فـرشـكــم خـافـقي ذاب كـن الضماير وسط حـر الـمـلـيـلـــــه ياسعـود شفي من هـوى البر ماطـاب خلوا حـبـيـس الـدار يبرد غـلـيـلـــــه يكفـيه من طـول السنه صكت الـبـاب ويكـفـيه من طـول السنين الـمـحـيـلـه خـلوه يسـلى عـن هـمـومه والاتـعـاب ويـسـج رجـلـه بالـفـيـاض الظـلـيـلــه والصبح يشرف له على راس مرقاب ويـشـم ريح الشيح وسـط الـخـمـيـلــه خـمـيـلةٍ خـضـرا تـقـل مابهــا تـراب فيها الزبـيـدي مثل روس الـنـثـيـلـه وريح البختري والنفل وسط الاعـشاب يــشــفـي قـلـوبٍ بالـحــنـايـا عـلـيـلـه وباللـيـل حـول الـنار تلـتم الاصحـاب وتـبـدا الـسـوالف والـعـلوم الجـمـيـلـه وكـن الكـواكـب فوقـنا والقـمـر غــاب جـمـرٍ تـنـثـر في مـهـب الـمــسـيـلـــه بالبـر نـسـلى عن هـوى تلع الارقـاب اللي عـلى شـوفـه نـسـوق الـجـلـيـلـــه ونسلى عن هـمـوم المدينه والانـشاب ونرتاح من بعـض النـفـوس الرزيلـه يالله طـلـبـتـك يالــولي رب الاربــاب تـديـم انـعــامٍ عـلـيـنـا جـــزيـــلـــــــه وتغفر ذنـوب اللي من الذنب قـد تـاب يارب وفــقــنـا لــدرب الــفــضــيــلـه والخاتمه صلوا عـلى سيد الاحـبــاب رسول رب البيت راعـي الـوسـيـلــه احمد بن عبدالرحمن العريفي (نديم المجره) |
|
|
|
03-03-2010, 08:20
|
#2 |
|
متنبي الشعر الشعبي
|
رد : ياسعود تكفى لايفكون الاطناب.......
اللهم صلي وسلم على سيدنا ونبينا محمد وآله وصحبه الكرام وانا ايضاً من محبي البر وماتنلام يا احمد  شكراً لك وصح لسانك |
|
|
|
|
03-03-2010, 09:52
|
#3 |
|
شاعـرة
|
رد : ياسعود تكفى لايفكون الاطناب.......
اللهم صلي على نبينا محمد وآله الطيبين الطاهرين .. يا أخي العنوان بس لوحده قصيده (يا سعود تكفى لا يفكون الاطناب) .. صح لسانك ملايين على هالعذوبه .. احترامي .. |
|
|
|
|
03-03-2010, 11:27
|
#4 |
|
شـاعر
|
رد : ياسعود تكفى لايفكون الاطناب.......
اللهم صلي على محمد واله وصحبه والله مالومك وصح الله لسااانك مليااار يالعريفي |
|
|
|
|
03-03-2010, 13:14
|
#5 |
|
شــاعر
|
رد : ياسعود تكفى لايفكون الاطناب.......
صلى الله عليه وسلم ... تسلم يا نديم المجره كعادة قصائدك دائما ً ... جزل وشاعر مميز ويكتب باسلوب مميز وبالنسبة للبر ورغبتك في البقاء فتعوضها بالأيام القادمه ان شاء الله وشخصيا ً مقتنع ان .. العز قطاف سرني مروري يا أحمد تحياتي اخيك سالم |
|
|
|
|
04-03-2010, 16:04
|
#6 |
|
شاعر
|
رد : ياسعود تكفى لايفكون الاطناب.......
اللهم صلي وسلم على نبينا محمد ورب البيت هيضتني يالعريفي يا سلام عليك اسلوب جميل وتسلسل جميل وفكرة الموضوع يبيلها متصفح كامل للاشدة الف صح لسانك والله يعطيك الف عافية سجل اعجابي يا استاذ ؛ |
|
|
|
|
05-03-2010, 01:33
|
#7 |
|
نديم المجره / شـاعر
|
رد : ياسعود تكفى لايفكون الاطناب.......
اخواني واخواتي الاعزاء شرفني مروركم الله يشرف مقداركم واسعدني ثنائكم الله يسعدكم بالدنيا والاخره دامت لكم المسرات تحياتي للجميع |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
