09-03-2010, 01:42
|
#1 |
|
شاعر
|
خوي بهتان
افتخار بنفسي و اعتزازا بمن اتشرف ويتشرف بمعرفتي ويقدر مواقفي مهما كانت و يحسن الظني بمنطوقي في كل كلمة وبينما أجد من ينكرني وهو أقرب لي و يداهمني بجرأته على المغالطة ويعتبرني نكرة بالنسبة له هو ...فهيـهات وسنرى وهي نصيحة له بأن يجعل أنكاره لي واقعيا بأن يبتعد عن أفعاله الرخيصة انا اللي ما يعرفن ما اعرفه يا خوي بهتان**ولا لي بالرخى صدقان تنكر حزة الشده انا اللي ما عرفتك يالجبان اللي وقع لأذعان**كثير الحسد في صدره علي يما وصل حده وعليك الله وامان الله مانا في زربتك بلشان**ودربي من وساعه يكفل اننا نبدي الصده مهو من كل صوت نابحن نجزع ونصغي أذان**ومثلك نابحن يكرم مقامي عن نبا صده وانا من حمد ربي جنبن مثلك ولك خذلان**وسيفك عاد عسبن وانكشح يوم انثلم حده انا لي يوم تنكر عرفنا كثرك بشر واوطان**وتقدر ما نقدم يوم طـيبـي تصفـع بخـده انا لي كثر صبري من سواياك القشر شلقان**تقرب من مقامي لو يميني ما بها مده تعرفن يوم لي في شمر الغلبا صهيل حصان**يعرفه كل فارس ما يبي لمشاهده لده و لي في حايل الشما رجالن مابها نقصان**توقف في وجودي بالخطر وللازمي سده انا لي في مضر ربعن تميم ونذكر السبعان**عزاز نفتخر في رفقته والباس هي ضده و لي مع حرب وصلن طيبن تبرى له الويلان**ولي بعتيبة الهيلا ذكر بس محزمك شده و لي خوة مع اولاد السلاطين السلط عجمان**و قحطان العظيمه دام كله من نسل جده و لي بالمملكه كله ربوع و بالخليج اعوان **من الحد التهامي بالجنوب ليا بحر جده ليا مكه وصلت و للمدينه تنفتح بيبان **على طاري فعولي مع قصيدن تسمع لعده ولي وسط الرياض اخوان عمر عدها جيران**على فالي وحظي تنتخي لي يا ظهر جده ولي وسط الكويت وبالعراق وسوريا عرفان**يحفظه كل من به للرجوله كبره و قده عوارف واحمد الله عارفن قدري مع الاعيان**و قالوا كل طيرن يا شلع وقع على نده وكفوك تحت مشرافي لو انك تسعر النيران**يبي يحرق لسان النار جسمك و اقربه يده تماكن بعد وجهي يالضعيف وحارب الشيطان**ودام النفس ماتصغي الكلام وماانوي الهده انا لي يوم تنكر عرفنا كثرك بشر واوطان**وتقدر ما نقدم يوم طـيبـي تصفـع بخـده ولاني جازعن من قولتك دامي رفيع الشان **ولي عند الرجال حقوق تاصلني و له رده معرف لو تجاهل منزلي و اللي كسب شيخان**مكاسب من رجال بطيب ذاتي جبته نحده وخلك طول عمرك ناكرن لي وأزينه نكران**وتبي ترجع عليك الكورة اللي ماتبي القـده |
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
