((( ضيدان بن قضعان )))

محمد الدحيمي · 18-04-2010, 03:54

صباح الخيرات
ياكثري بس السموحه هالمره وماعاد اعودها
لعيون الأخ فهد اليامي ومثله مايرد

موقف اعلامي وقف فيه ابو منصور موقف الرجال الوافين
ولاهيب غريبة عليه .
القصيدة من امسية الكويت عام 1421هـ

ياراكب اللي يقطع البيد .. مطوااااش
جمس الجميحي .. صنعوه المطاويش

ماهوب يقضب طارته كل حوّاش
واللي تعنّى في رجاء لقمة العيش

ماجابه الاّ من دفع قيمته كاش
ماهوب يصخى للرخوم الدراويش

تقول ان ويله لا ابترم .. واربش ارباش
ظبيٍ نصوه .. مبرقعـــين الموااااحيش

لا كز ابنصــه فاير الدم شوّاش
صوت له الشكمان : بشووويش .. بشويش

كنه اليا منه .. تخـترش تختراش
الطامح اللي طلقتها المحااااريش

وقيره اليا غيّر يقول : ايخسا اللاش
شرهة مساميرك .. برووس الشواكيش

واديتره للمروحه قال : حيّاااااااش
ياجعلني ماذوق حزنش .. ولا ابكيش

شدوّا زهابه يالمداغيش .. مغباش
ثم شيّــكوه من المحطّه .. مغابيش

ونصّوه للي بالوفا ناش .. ما ناش
شوق الهــنوف ..اللي تضف العكاريش

فخر القروم اللي عالعزّ .. تعتاش
(عجمان يام ).. مزبّن الخيل والجيش

سلايل ( آل هشام ) مع طيبة الجاش
خطّامــــة العيلان .. نطّاحة الطيش

نصوه بن قضعان لطّـــام الأوباش
مقدم (هل العرجا) وزبن النغامـــــيش

اللي لهم بدروب الأمجاد .. مطراش
وباجوا بلا (سيير )1 رمس المطاريش

يشهد لهم ليلٍ به صياح وهواش
يوم اردفوا قب الرّمك .. بالمداغيش

ويوم الروابع صادت الفكر وانداش
وطالت بي الحروه وانا اقول : حتيش؟

وساقتني الصدفة على سوق (خوّاش )
المشترى تزوير .. والربح بخشيش

وشفت البضاعة بين حايك .. وقمّاش
يمّا كذا .. يمّا تجـاهل وتهمـيش

ماقلت : خل السالفة طاش ماطاش
والله يعينك يالدحيمي على الطيش

اقبلت في موقفك يالصاحب الباش
تبري جــــروح ٍ .. كايدات نواخيش

ماغيرك .. في كلمة الحق غشااااش
ياموردٍ يروي الحيـــام المعاطيش

لو هي تجي بهواش .. صاحبك هوّاش
شيخ ٍ ولد شيخان .. قوم ٍ مهاويش

(دحيم ) .. سيـــفٍ يحذره كل هباش
رمح ٍ وقف في نحر ( حمر الطرابيش)

من هازنا .. كنّه على كف حنّاش
نجيه نهدر .. هدر سيل المراهيش

بفروخ بلجـــيكٍ .. وشبـّاب رشّاش
أبـشر .. نعشي به سـباع العراميش

نقشت لك .. من ديرةٍ غرب عن (جاش)2
يا (شين) (عين ٍ )3 ينقش القاف تنقيش

ابيــات شعر ٍ .. قافيـتها على آآآش
من ( شين )( عين ٍ ) يخطم (الآش) بـ (الإيييش)

واقولها من قلبٍ ابيض من الشاش
وافي .. وتسلم يابن قضعان وتعيش

1-السيير : الدليلة الذي تأخذه القبيلة من القبيلة التي تمر بأراضيها فيما مضى
2- جاش : مدينة في ضواحي بيشة
3- (شين) (عين) مصطلح خاص بضيدان يعني به ( شاعر عظيم )

صالح المحوي · 18-04-2010, 06:01

عز الله بشويش بشويش يا ابو بدر

تعانق قمم الجبال

غيض من فيض الدحيمي
يسلم راسك ياابن عمي وجعل محبك ما يبكيك
يا اخو تكفى

نورة العجمي · 18-04-2010, 08:21

إقتباس


	صباح الخيرات ياكثري بس السموحه هالمره وماعاد اعودها لعيون الأخ فهد اليامي ومثله مايرد

الشعر معك ياشاعرنا ربيع في كل الاوقات
ياليت تستمر بجديد نشرك حتى مانشعر بالفصول الأخرى

إقتباس:

فخر القروم اللي عالعزّ .. تعتاش
(عجمان يام ).. مزبّن الخيل والجيش

صح لسانك ملايين
ماعليك زود ياشاعرنا وافي لاعدمنا كرم قلبك وجود مشاعرك و تألق شعرك
كلنا تقدير لشخصك قبل كل شيء
وطيب معدنك وإبداعك يامتنبي الشعر الشعبي

عسانا ماننحرم

سعيد المري · 18-04-2010, 09:51

.
.

صح لسانك يامحمد ويستاهل ابو منصور

فهد اليامي · 18-04-2010, 12:43

نصوه بن قضعان لطّـــام الأوباش
مقدم (هل العرجا) وزبن النغامـــــيش

اللي لهم بدروب الأمجاد .. مطراش
وباجوا بلا (سيير )1 رمس المطاريش

يشهد لهم ليلٍ به صياح وهواش
يوم اردفوا قب الرّمك .. بالمداغيش

ويوم الروابع صادت الفكر وانداش
وطالت بي الحروه وانا اقول : حتيش؟

ماعليك زود يابو بدر

قصيده تستاهل الاعجاب

بكل مافيها

من وصف للجمس الى المدح الى ذكرالموقف
ترابط عجيب ماتحس انك انتلقت من موضوع الى موضوع اخر

صح لسانك ملاااااااااااااااااين

عادل العبدان · 19-04-2010, 00:49

ابو بدر
الله يمسيك بالخير
قصيده رائعه من شاعر بقامة( الدحيمي )..لقامة اخرى من قامات الشعر( ضيدان بن قضعان)
مثل هذه القصايد لابد ان يراها الجميع ولاتبقى حبيسه
قصيده جميله وفي امسيه جميله واتذكر اننى كنت حاضرآ تلك الامسيه

كن بخير ياصديقي

كل الود ................ عادل العبدان

سعيد بن مقبل الأكلبي · 19-04-2010, 03:36

انا وين ابلقى يالاجاويد فاعل خير!!
يعلم ذالرجال اني احبه واحب قصيده <<< ياخي الجوال عندك كب المهايط :d
^
^
^
هذاك كان مدخل
ونعم في ضيدان والعجمان ويستاهلون العلم الغانم
ونعم في محمد الدحيمي وفي ربعه دحيم ويستاهلون وهم كفو وشاعرهم كفو كفو
.
.
نأتي للقصيدة
اتقان العمل ميزة صالحة ورد فيها الكلام الذي نعرفه
وانت يابوبدر اتقنت عمل الشعر واعني بعمل الشعر اي الشعر الاحترافي
المتجدد بافكاره ومواضيعه وكأنه يحتوي على براعات اختراع
تسلم لي يالاطخخخخخم

جابر بن قادرة · 19-04-2010, 04:25

يشرفني يابو بدر أن أستهل مشاركتي في هالصرح الشامخ بالرد على قصيدتك ..

سعيد جداً أن أتى اليوم اللي أتفاعل مع قصائدك بشكل مباشر ... رغم إني متابع قديم جداً لك ... وكل قصيدة لك تبقى في الذاكرة ومن الصعب نسيانها ..

صح لسانك ... وأعتلى شانك ... شاعر كبير وأسندت قصيدتك على فحل من فحول الشعر ... أبو منصور يستاهل ...

تحياتي لك ...

الجازي · 19-04-2010, 05:49

يستحق الممدوح
وصح لسان المادح
الشاعر العظيم محمد الدحيمي بيننا لاحرمنا الله وجوده بقدرة واحد أحد
بالله عليك ياشاعرنا لاتعتذر عن نشر القصائد فهي الوقود الذي يمد ذائقتنا بدفء الشعر الحقيقي
سنطالبك بالكثير ونرجوا الاّ تمل منّا ياكريم

أطيب التحيات والأمنيات

خالد بن صمّان · 19-04-2010, 08:24

ارحب يا بو بدر

حيّه وحيّ ما جااااااب

قصيدة وافيه بمعنى الكلمه

ولاهو غريب على العجمااان .. لا الفعل الغانم ولا المدح

ولاعلى دحيم زووود

صح لسانك منّيه الى الولايات المتحده الامريكية

تحيّتي ,,

احمد عوض · 19-04-2010, 11:51

يا هلا يابو بدر

والله ونعم بك وبالعجمان

وحي هالصباح اللي خلانا نرتوي من هالطناخه

مبدع بكل معنى الكلمة يابوبدر

كلنا فخر بتواجدك المستمر معنا

تحياتي
؛

محمد مدران اليامى · 19-04-2010, 19:14

الله يمسيك بالخير يامحمد ... صح لسانك يالجزل ..

ضيدان ابن قضعان يستاهل وانت كفو ..وشاعر رائع

تحاياي

علي الأسمري · 20-04-2010, 02:57

صح لسانك ياغالي
وتسلم لي يمناك
دمت بألف خير

محمد السالم · 20-04-2010, 08:43

الله الله

يا بو بدر ومقدرة رهيبة على تطويع كل صعب

على فكرة الملف لم يعمل

عنود · 21-04-2010, 06:42

عيدوا ياعجمان يام
الشاعر الخلوق المبدع الكبير محمد الدحيمي
يمدح بما يتميز به هذا الرائع
صح لسانك
عقبال مانشوف قصيدة بالدواسر

18-04-2010, 03:54	#1
محمد الدحيمي متنبي الشعر الشعبي	((( ضيدان بن قضعان ))) صباح الخيرات ياكثري بس السموحه هالمره وماعاد اعودها لعيون الأخ فهد اليامي ومثله مايرد موقف اعلامي وقف فيه ابو منصور موقف الرجال الوافين ولاهيب غريبة عليه . القصيدة من امسية الكويت عام 1421هـ ياراكب اللي يقطع البيد .. مطوااااش جمس الجميحي .. صنعوه المطاويش ماهوب يقضب طارته كل حوّاش واللي تعنّى في رجاء لقمة العيش ماجابه الاّ من دفع قيمته كاش ماهوب يصخى للرخوم الدراويش تقول ان ويله لا ابترم .. واربش ارباش ظبيٍ نصوه .. مبرقعـــين الموااااحيش لا كز ابنصــه فاير الدم شوّاش صوت له الشكمان : بشووويش .. بشويش كنه اليا منه .. تخـترش تختراش الطامح اللي طلقتها المحااااريش وقيره اليا غيّر يقول : ايخسا اللاش شرهة مساميرك .. برووس الشواكيش واديتره للمروحه قال : حيّاااااااش ياجعلني ماذوق حزنش .. ولا ابكيش شدوّا زهابه يالمداغيش .. مغباش ثم شيّــكوه من المحطّه .. مغابيش ونصّوه للي بالوفا ناش .. ما ناش شوق الهــنوف ..اللي تضف العكاريش فخر القروم اللي عالعزّ .. تعتاش (عجمان يام ).. مزبّن الخيل والجيش سلايل ( آل هشام ) مع طيبة الجاش خطّامــــة العيلان .. نطّاحة الطيش نصوه بن قضعان لطّـــام الأوباش مقدم (هل العرجا) وزبن النغامـــــيش اللي لهم بدروب الأمجاد .. مطراش وباجوا بلا (سيير )1 رمس المطاريش يشهد لهم ليلٍ به صياح وهواش يوم اردفوا قب الرّمك .. بالمداغيش ويوم الروابع صادت الفكر وانداش وطالت بي الحروه وانا اقول : حتيش؟ وساقتني الصدفة على سوق (خوّاش ) المشترى تزوير .. والربح بخشيش وشفت البضاعة بين حايك .. وقمّاش يمّا كذا .. يمّا تجـاهل وتهمـيش ماقلت : خل السالفة طاش ماطاش والله يعينك يالدحيمي على الطيش اقبلت في موقفك يالصاحب الباش تبري جــــروح ٍ .. كايدات نواخيش ماغيرك .. في كلمة الحق غشااااش ياموردٍ يروي الحيـــام المعاطيش لو هي تجي بهواش .. صاحبك هوّاش شيخ ٍ ولد شيخان .. قوم ٍ مهاويش (دحيم ) .. سيـــفٍ يحذره كل هباش رمح ٍ وقف في نحر ( حمر الطرابيش) من هازنا .. كنّه على كف حنّاش نجيه نهدر .. هدر سيل المراهيش بفروخ بلجـــيكٍ .. وشبـّاب رشّاش أبـشر .. نعشي به سـباع العراميش نقشت لك .. من ديرةٍ غرب عن (جاش)2 يا (شين) (عين ٍ )3 ينقش القاف تنقيش ابيــات شعر ٍ .. قافيـتها على آآآش من ( شين )( عين ٍ ) يخطم (الآش) بـ (الإيييش) واقولها من قلبٍ ابيض من الشاش وافي .. وتسلم يابن قضعان وتعيش 1-السيير : الدليلة الذي تأخذه القبيلة من القبيلة التي تمر بأراضيها فيما مضى 2- جاش : مدينة في ضواحي بيشة 3- (شين) (عين) مصطلح خاص بضيدان يعني به ( شاعر عظيم ) التوقيع: .. منافي .. كلها اوطاني منافي

18-04-2010, 06:01	#2
صالح المحوي شــاعر	رد : ((( ضيدان بن قضعان ))) عز الله بشويش بشويش يا ابو بدر تعانق قمم الجبال غيض من فيض الدحيمي يسلم راسك ياابن عمي وجعل محبك ما يبكيك يا اخو تكفى

18-04-2010, 09:51	#4
سعيد المري عسـ طرقي ـاااس / شــاعر	رد : ((( ضيدان بن قضعان ))) . . صح لسانك يامحمد ويستاهل ابو منصور التوقيع: . . يمكن تلاقي من يراعيك فالناس واجد .. ولكنك تعرفين فرقي لشوفتك عيني كما عين عساس ولمتابعك رجلي كما رجل طرقي عسـ طرقي ـااس سعيد المري lk_bs@hotmail.com

18-04-2010, 12:43	#5
فهد اليامي الضغط العالي	رد : ((( ضيدان بن قضعان ))) نصوه بن قضعان لطّـــام الأوباش مقدم (هل العرجا) وزبن النغامـــــيش اللي لهم بدروب الأمجاد .. مطراش وباجوا بلا (سيير )1 رمس المطاريش يشهد لهم ليلٍ به صياح وهواش يوم اردفوا قب الرّمك .. بالمداغيش ويوم الروابع صادت الفكر وانداش وطالت بي الحروه وانا اقول : حتيش؟ ماعليك زود يابو بدر قصيده تستاهل الاعجاب بكل مافيها من وصف للجمس الى المدح الى ذكرالموقف ترابط عجيب ماتحس انك انتلقت من موضوع الى موضوع اخر صح لسانك ملاااااااااااااااااين التوقيع: لا تهيضني على بدع الجديد=والقوافي في صحارينا همل والربيع ان مد بالمد الزهيد=يهلك العطشان ويضيع الامل

19-04-2010, 00:49	#6
عادل العبدان شــاعر	رد : ((( ضيدان بن قضعان ))) ابو بدر الله يمسيك بالخير قصيده رائعه من شاعر بقامة( الدحيمي )..لقامة اخرى من قامات الشعر( ضيدان بن قضعان) مثل هذه القصايد لابد ان يراها الجميع ولاتبقى حبيسه قصيده جميله وفي امسيه جميله واتذكر اننى كنت حاضرآ تلك الامسيه كن بخير ياصديقي كل الود ................ عادل العبدان التوقيع: في ذمة الطيب والحرمان و ظنوني 000 0جميع ماشفت من وقتي وتعذيبة

19-04-2010, 03:36	#7
سعيد بن مقبل الأكلبي شــاعر	رد : ((( ضيدان بن قضعان ))) انا وين ابلقى يالاجاويد فاعل خير!! يعلم ذالرجال اني احبه واحب قصيده <<< ياخي الجوال عندك كب المهايط :d ^ ^ ^ هذاك كان مدخل ونعم في ضيدان والعجمان ويستاهلون العلم الغانم ونعم في محمد الدحيمي وفي ربعه دحيم ويستاهلون وهم كفو وشاعرهم كفو كفو . . نأتي للقصيدة اتقان العمل ميزة صالحة ورد فيها الكلام الذي نعرفه وانت يابوبدر اتقنت عمل الشعر واعني بعمل الشعر اي الشعر الاحترافي المتجدد بافكاره ومواضيعه وكأنه يحتوي على براعات اختراع تسلم لي يالاطخخخخخم التوقيع: alaklobi@hotmail.com twitter

19-04-2010, 04:25	#8
جابر بن قادرة شــاعر	رد : ((( ضيدان بن قضعان ))) يشرفني يابو بدر أن أستهل مشاركتي في هالصرح الشامخ بالرد على قصيدتك .. سعيد جداً أن أتى اليوم اللي أتفاعل مع قصائدك بشكل مباشر ... رغم إني متابع قديم جداً لك ... وكل قصيدة لك تبقى في الذاكرة ومن الصعب نسيانها .. صح لسانك ... وأعتلى شانك ... شاعر كبير وأسندت قصيدتك على فحل من فحول الشعر ... أبو منصور يستاهل ... تحياتي لك ...

19-04-2010, 05:49	#9
الجازي	رد : ((( ضيدان بن قضعان ))) يستحق الممدوح وصح لسان المادح الشاعر العظيم محمد الدحيمي بيننا لاحرمنا الله وجوده بقدرة واحد أحد بالله عليك ياشاعرنا لاتعتذر عن نشر القصائد فهي الوقود الذي يمد ذائقتنا بدفء الشعر الحقيقي سنطالبك بالكثير ونرجوا الاّ تمل منّا ياكريم أطيب التحيات والأمنيات التوقيع: صدر حديثا ل الجميلة المبدعة نوف محمد الثنيان الشاعرة والقاصة http://eqla3.net/book/hakaya.html

19-04-2010, 08:24	#10
خالد بن صمّان شـاعر	رد : ((( ضيدان بن قضعان ))) ارحب يا بو بدر حيّه وحيّ ما جااااااب قصيدة وافيه بمعنى الكلمه ولاهو غريب على العجمااان .. لا الفعل الغانم ولا المدح ولاعلى دحيم زووود صح لسانك منّيه الى الولايات المتحده الامريكية تحيّتي ,,

19-04-2010, 11:51	#11
احمد عوض شاعر	رد : ((( ضيدان بن قضعان ))) يا هلا يابو بدر والله ونعم بك وبالعجمان وحي هالصباح اللي خلانا نرتوي من هالطناخه مبدع بكل معنى الكلمة يابوبدر كلنا فخر بتواجدك المستمر معنا تحياتي ؛ التوقيع: تمكيجي..خلي الحلا ما يبيـنحتى يكون لزينك حصون وسياج* كذا,,بهرتي الفاتنات المزيـًنوشلون لو شافوك..من غير مكيــاج!!؟* احمد عوض a.awad.q8@hotmail.com

19-04-2010, 19:14	#12
محمد مدران اليامى شـــاعــر	رد : ((( ضيدان بن قضعان ))) الله يمسيك بالخير يامحمد ... صح لسانك يالجزل .. ضيدان ابن قضعان يستاهل وانت كفو ..وشاعر رائع تحاياي

20-04-2010, 02:57	#13
علي الأسمري شـــاعــر	رد : ((( ضيدان بن قضعان ))) صح لسانك ياغالي وتسلم لي يمناك دمت بألف خير التوقيع: علي بن عبدالرحمن آل دعيا الأسمري

20-04-2010, 08:43	#14
محمد السالم شــاعر	رد : ((( ضيدان بن قضعان ))) الله الله يا بو بدر ومقدرة رهيبة على تطويع كل صعب على فكرة الملف لم يعمل التوقيع: حسابي لدى السيّد تويتر https://twitter.com/#!/Alsalem15

21-04-2010, 06:42	#15
عنود بقـايا حُلـم	رد : ((( ضيدان بن قضعان ))) عيدوا ياعجمان يام الشاعر الخلوق المبدع الكبير محمد الدحيمي يمدح بما يتميز به هذا الرائع صح لسانك عقبال مانشوف قصيدة بالدواسر التوقيع: عن أبي هريرة ( ما من صدقة أحب إلى اللَّه من قول الحق ) أخرجه البيهقي وإليه يشير قوله تعالى يَأَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ وَلَوْ عَلَى أَنْفُسِكُمْ أَوِ الْوَالِدَيْنِ وَالأَقْرَبِينَ سورة النساء آية 135 .

عدد المتواجدون في هذا الموضوع » 1 , عدد الأعضاء » 0 , عدد الزوار » 1