10-03-2011, 01:33
|
#1 |
|
علي القرني / شــاعر
|
وين الصديق اللي على الشف والكيف !!!
رغم وجود المئات حولي الا انني لا زلت افتقد الصديق : . . . . . . وين الصديق اللي على الشف والكيف اللي ليـا شفتـه جروحـي براهـا في ساعة الشدات بايدي كما السيـف كل الهمـوم اللـي بقلبـي جلاهـا رفقته لي عـزْ ومهابـة ْ وتشريـف والنفس فـي قربـه يجيهـا غناهـا ياحيف من بعض الرجاجيل ياحيـف اللي علـى حكـم المصالـح ولاهـا لاصار مستغني يجيـب التصاريـف ويصـد عنـك ويبتعـد ويتـلاهـى ماعنـده استعـداد يلحقـه تكليـف حتى لـو اصحابـه تسايـل دماهـا ولاصار يبغى منك خدمـة وتسليـف تنقـط لسانـه عسـل مـن حلاهـا ويجيك باغلى المدح واحلى السواليف ويصيّرك نجـم رقـى فـي عُلاهـا واذا قضى حاجتـه ولّـى ولاشيـف ياليش يرجـع بعـد ماهوقضاهـا؟! هاذاك مثل البارق اللي برق صيـف سحايبـه شحـت علينـا بمـاهـا مكتّفٍ عن طيـب الافعـال تكتيـف نفسه خبيثـة موتهـا هـو دواهـا لاصـار ماينفـع رفيـق ولاضيـف يالعنبـو رفقتـه واللـي شراهـا . . . . . . راجي الوصل |
|
|
|
10-03-2011, 08:30
|
#2 |
|
شــاعر
|
رد : وين الصديق اللي على الشف والكيف !!!
صح لسااااانك يا علي قصيدة تستحق الوقوف امامها لكن الصديق اللي على الكيف نادرا جدا إن لم يكن مستحيل لسبب واحد إن كلا يبي على كيفيه تحيااااااتي |
|
|
|
|
10-03-2011, 08:59
|
#3 |
|
عضو شعبيات
|
رد : وين الصديق اللي على الشف والكيف !!!
هاذاك مثل البارق اللي برق صيـف سحايبـه شحـت علينـا بمـاهـا مكتّفٍ عن طيـب الافعـال تكتيـف نفسه خبيثـة موتهـا هـو دواهـا صح لسانك أخوي راجي وصل أبيات تحكي الواقع فلا هان قافك تحياتي لك |
|
|
|
|
10-03-2011, 10:09
|
#4 |
|
شـاعر
|
رد : وين الصديق اللي على الشف والكيف !!!
ياسلام عليك .. كل القصيده جزله صح لســانك |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
