26-07-2011, 04:57 | #1 |
شـــاعــر
|
مدري من اللي بكى منا من الثاني؟
السلام عليكم ورحمة الله وبركاته وابارك لكم قرب حلول شهر رمضان المبارك اعاننا الله واياكم على صيامه وقيامه واسمحوا لي بهذه الكلمات عسى ان تكون كما تريدون . . . موّالـي الدمـع والا الدمـع موّالـك؟=مدري من اللي بكى منّا مـن الثانـي!! أزعجتي الليـل ونجومـه بولوالـك=واسْهرتي عيون من قاصي ومن داني خلّيتي قلوب تحـزن رأفـه بْحالـك=ولا منهم اللي حزن مرّه على شانـي كأنّي الدرب الاخطر وانتـي السالـك=كأنّك المجنـيِ وْكنّـي أنـا الجانـي طيّب تعالـي نفـكّ اشْفـار زلزالـك=ندري من الهادم وندري من البانـي نحلّ لغـز الدمـوع وعقـدة حبالـك=نشهد على القاسي وناقف مع الحاني نِشوف هل لي يدٍ في نكسة احوالـك=والا لك يْدين في بلـواي واحزانـي من قال باقسى حروفه (مالي ومالـك)=هل هو لسانك أو انّ القايـل لسانـي انتـي قسيتـي ونسّيتينـي وْصالـك=وذكّرتي الهمّ فينـي عقـب نسيانـي غبتي ولا زد طرى صوتي على بالك=وانا بصوتك أعيش وصمتـه افنانـي رحتي تبين البطا في ديـرة اخوالـك=وانا لاجل عنْك مابطي عفت عمّانـي نـاداك للبُعـد عنّـي نبـح عذالـك=وانا لقربك صهيـل العشـق نادانـي شوّكتي الحرف عقب الورد باقوالـك=والشوك ذودٍ حشا ماهوب لحصانـي وانتي معي دايـم تشوفينـك لحالـك=وانا لحالـي أرى مانيـب وحدانـي عفتي دلال الغـلا وانكـبّ فنجالـك=ولا قلت انا عايف اللي ما تقهوانـي جزتي عن الطيب يوم مْحبّتـي فالـك=والا أنا والله ان مـا كـان بامكانـي وان جبتي شهودك انّي سبّة اهوالـك=فانا الله الشاهد انّـي منّـك اعانـي وان قلتي انّه بجدّ اليوم يرثـى لـك=فانا ترى للثـرى واريـت جثمانـي والحيـن ردّي عليّـه ودّي اااسالـك=ياليت منْك الجـواب يكـون حقّانـي عقب اسْود العلم في أعلاه والحالـك=بالله منهو بكى منّـا مـن الثانـي؟؟ وسلامتكم |
26-07-2011, 11:10 | #2 |
شــاعر
|
رد : مدري من اللي بكى منا من الثاني؟
الله عليك كم انا سعيد انني اول من صافح هذا الابداع صح لسانك على هذا الكم الهائل من الجمال عذب ُ انت يا شعر وكل عام وانت بخير تقبل مودتي واحترامي نوفل |
26-07-2011, 13:51 | #3 |
أبو تركي / شاعـر
|
رد : مدري من اللي بكى منا من الثاني؟
جميل هو الشعر والشعور هنا يا ناصر صح لسانك |
29-07-2011, 21:54 | #4 |
بقـايا حُلـم
|
رد : مدري من اللي بكى منا من الثاني؟
صح احساسك شعر رائع |
29-07-2011, 23:08 | #5 |
عضو شعبيات
|
رد : مدري من اللي بكى منا من الثاني؟
دام نبضك ،، وعلا شاانك |
04-08-2011, 01:34 | #6 |
شــاعر
|
رد : مدري من اللي بكى منا من الثاني؟
صح لسانك وطاب بيانك ياناصر على هذه المرافعة الشعريه مخاطبة شعر رائع بالدلائل والوقوعات لاعجمت |
04-08-2011, 04:45 | #7 |
عضو شعبيات
|
رد : مدري من اللي بكى منا من الثاني؟
ياسلام عليك ياناصر قصيده فيمة الشاعريه ابدعت في نظمها ونسجها جزله والجزاله تدل على انك شاعر مميز تحياتي وتقديري |
14-09-2011, 19:18 | #8 |
شـــاعــر
|
رد : مدري من اللي بكى منا من الثاني؟
هلا بك اخوي نوفل ولا هنت لى جمال مرروك وممتن لك وصح الله بدنك كل التقدير |
14-09-2011, 20:16 | #9 |
شاعر
|
رد : مدري من اللي بكى منا من الثاني؟
بالله*منـهـو*بـكـى*مـنّـا*مـــن*الـثـانـي؟؟ أنا اشهد انه انت بعد اللي قريته ناصر صح لسانك وكل عام وانت بخير أدهشتني اي والله |
15-09-2011, 04:23 | #10 |
متنبي الشعر الشعبي
|
رد : مدري من اللي بكى منا من الثاني؟
ياااااه ياناصر احيان تكتبنا بدون ان تشعر او نشعر صح فكرك ايها العذب |
16-09-2011, 05:00 | #11 |
شــاعرة
|
رد : مدري من اللي بكى منا من الثاني؟
, نص يعانق ارواحنا بجودة شــــِـــعره ..ومشــــاعره المرهفه ..! ناصر آل مداوي نبض موشوم بالندى .. إمتناني الكبير لشخصك |
12-11-2011, 02:23 | #12 |
شـــاعــر
|
رد : مدري من اللي بكى منا من الثاني؟
مرحبا اخوي علي التركي وكل عام وانت بخير ولا هنت على تشريفي بهذا التواجد الجميل وصح الله بدنك تقديري |
12-11-2011, 02:39 | #13 |
|
رد : مدري من اللي بكى منا من الثاني؟
غبتـي ولا زد طـرى صوتـي علـى بالـك وانــا بصـوتـك أعـيـش وصمـتـه افنـانـي ناصر .. غيابك المتكرر عن شعبيات محزن لنا .. لأن شعرك عزيز علينا ونتمنى التواصل معه دائما .. اعتبرك من شعراء القمة في شعبيات الشعر .. كل عام وانت بخير .. |
13-11-2011, 02:20 | #14 |
شـــاعــر
|
رد : مدري من اللي بكى منا من الثاني؟
هلابك اختي عنود وصح الله بدنك ومنك كانت الروعة تقديري |
13-11-2011, 02:21 | #15 |
شـــاعــر
|
رد : مدري من اللي بكى منا من الثاني؟
هلا بك اختي شيخة المرضي وشاكر لك وجودك وتعقيبك كل التقدير لك |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|