13-10-2011, 18:18
|
#1 |
|
شــاعر
|
قطــر النــدى
في جناينْك صب الصبـح قطراتـه=وارتوى خدّك وهمّل علـى ثيابـك صار قطر الندى عطـرك وحبّاتـه=تنثر الماس في عنقك ويزهى بـك راحت تـدوّر بصـدرك مساماتـه=علّها تذوب في دمـك وتحيـا بـك بعضهـا ذاب بعروقـك ونظراتـه=للبعض لاخر اللـي قبّـل ترابـك من هنـا يبـدأ الريـح ومعاناتـه=يوم يلعب بشعـرك ويتلـوّى بـك ضاع في ليل خصلاتـك وعتماتـه=وانتهى قبـل يبـدأ ويتهنّـى بـك اينعت في وسط صـدرك كمثراتـه=والكرز في يديـك بلـون عنّابـك من لماك ابتكر لون الشفـق ذاتـه=والغسق في عيونك والبـرد نابـك البنفسـج علـى قـدّك قياسـاتـه=والقرنفل مـن النكهـه يكنّـى بـك الزبـرجـد تهـجـد بابتهـالاتـه=والزمـرّد توجّـد عنـد محرابـك بشرتـك ورد والخديـن جنّـاتـه=والربيع اكتسى ثوبه مـن اعشابـك يوم صدرك فتحتـي لـه مجالاتـه=عند خصرك كأن الجسـم متشابـك فيـك صبـحٍ تفتّـق فيـه ورداتـه=والضحى تاركٍ دنياه واضحى بـك القمـر مايطـاولـك بسمـاواتـه=كيف وانتي الجدي وسهيل خطّابـك وكيف هانت على الرسـام لوحاتـه=وخانته ريشة الوانـه علـى بابـك كلمـا جـا يوصفـك لرسومـاتـه=حـاول بقـد مايملـك ولا جابـك لانك اكبر من الفكـر وطموحاتـه=والنجوم المضيئه دوم تسمـى بـك علّمـي كــل آدم وش ملـذّاتـه=واسألي كـل حـوّا ليـه تغتابـك ياعسى الشعـر مايخفـق بغاياتـه=وياعسى الحرف مايعجز من اسبابك لك من الشوق في قلبـي وخفقاتـه=اكبر من الجمال اللي تمـادى بـك وليت حظي مـن الشعـر وكتاباتـه=مثـل حـظ النـدى لابلـل ثيابـك |
|
|
|
13-10-2011, 20:08
|
#2 |
|
شــاعر
|
رد : قطــر النــدى
لي عوده لهذا العزف المنفرد هذا الحضور المجنون لهذ الشاعر المفتون يستححححححق العوده مرات ومراات  |
|
|
|
|
14-10-2011, 05:13
|
#3 |
|
عبداللطيف العمري / شاعر
|
رد : قطــر النــدى
عـلّــمــي كـــــل آدم وش مـلــذّاتــه واسـألـي كــل حـــوّا لـيــه تغـتـابـك عبدالله شامان .. دائما متألق الله يعطيك العافيه ابيات في قمة الأناقه صح لسانك ملايين . |
|
|
|
|
14-10-2011, 07:05
|
#4 |
|
شـــاعــر
|
لغيومكـ هطول شعري غزير.. سيولها إلى أين ؟ مبدع ..ممتع.. فوّار بالشعـر .. إخيك. |
|
|
|
|
15-10-2011, 12:25
|
#5 |
|
أبو تركي / شاعـر
|
رد : قطــر النــدى
كلمـا جـا يوصفـك لرسومـاتـه حـاول بقـد مايملـك ولا جابـك عبدالله شامااان رساااام أتقنتها هنا سلم نبضك الراقي |
|
|
|
|
16-10-2011, 15:44
|
#6 |
|
شـــاعرة
|
رد : قطــر النــدى
لـك مـن الشـوق فـي قلبـي وخفقاتـه اكبـر مـن الجمـال اللـي تمـادى بــك شاعر حقيقي نفخر انه من كوكبة المتميزين في قوافي البوح وشعبيات الشعر صح قلبك يامبدع مزيدا من الحضور ياعبدالله والتفاعل يسعدنا اكثر واكثر من مثلك نحرص عليه    |
|
|
|
|
17-10-2011, 22:32
|
#7 |
|
شــاعرة
|
رد : قطــر النــدى
سنابل شعر.. تستنبت سنابل دهشه وبهجه ,,! عبدالله شامان شعر وحضور عابق بالفكر كل الأمتنان لــ نبضك |
|
|
|
|
17-10-2011, 23:05
|
#8 |
|
شاعر
|
رد : قطــر النــدى
لـك*مـن*الشـوق*فـي*قلبـي*وخفقـاتـه اكبـر*مـن*الجمـال*اللـي*تـمـادى*بــك ولـيـت*حـظـي*مــن*الشـعـر*وكتابـاتـه مـثــل*حــــظ*الــنــدى*لابــلــل*ثـيـابــك ياسلام عليك يابوشامان يفتخر الشعر بك صح لسانك دمت بخير |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
