[فهد الدقيس]

" تجرح أصيامي "

.

لولا الغلا ما ذكرك القلب يا همه = يحلا سنين العمر يا روض الاحلامي
.
يمر طيفك علي بساع واضمه = ويرد يحيا زمانن مات قدامي
.
وتلقى المشاعر على ذكراك ملتمه = تارد وتروى على جالك من ألهامي
.
وش ذكرك ياقوي العزم والهمه = يا الهاجس اللي تحن ( وتجرح اصيامي )
.
بعثرت هم السنين أتقول بالمه = ونقضت جرحن غدابه نزف الاقلامي
.
أصدور الايام من فرقاك مهتمه = في عين منهو نزف من جرحه الدامي
.
الجادل اللي تحفر القبر وتدمه = تدفن ( بقايا جنايز ) غالي أحلامي
.
تضما وتارد وهو يسقيك من دمه = وتقفي وتجحد بعد علّيت يا الضامي
.
كله على شان حفظ العهد والذمه = ولوما البخت كان ما أخطت رميت الرامي
.
ماعادلي في هجوسن جات من يمه = بحاول أسلى وأكمل باقي أصيامي
.

" فهد الثبيتي "

[أحمدعلي الويمني]

فهد الله يغفر لك .. أنا بدعي لك بالتراويح بس لاتحرمنا هالحضور الرايع .

[فهد الدقيس]

الرسالة الأصلية كتبت بواسطة أحمدعلي الويمني

فهد الله يغفر لك .. أنا بدعي لك بالتراويح بس لاتحرمنا هالحضور الرايع .

" ابو علي "

ليس كل ما يكتب هنا واقع مَر به الشاعر ...

بل هي مجرد هذيان قلم .. وعلى ما قيل ( رحوله ومشايتها ) .. من نسج الخيال

وانا أيضاً سأدعي لك بالتهجد

دمت ودام مرورك

[فهد الدقيس]

صح بدنك ولا هنت على مرورك

[محمد الدحيمي]

فهد الدقيس اسم يشق طريقة الى النجومية رغماً عن انف الاعلام
في كل نص جديد يؤكد اننا لم نراهن عليه في شعبيات جزافا
فووووووووووق ياشعرررررر

[سالم بن جلعان]

جميل جدا هذا الحضور يا فهد
نص مميز من شاعر مميز
من نص الى اخر .. للشعر معك طعم آخر

سرني مروري هنا

اخيك

سالم