01-10-2002, 14:36
|
#1 |
|
العضوية الماسية للموقع
|
20 / شاعر؟
[c] ( 1 ) ( سقى الله يوم انا يمـّه غرير ٍ يزعج الجيران ) _______________ يعين الله يادنيا تسـوق ايّامهـا الأحــزان يعين الله .. وانتي مثل قفـل ٍ ضـاع مفتاحه يعين الله ... وجروحي لها في كلّ وقتٍ شـان كذوب اللي يقول ان الزمن بيـداوي جراحه سقى الله يوم انا يمـّه غرير ٍ يزعج الجيران سقى الله يوم انا طفلٍ يصج البيت بصياحه سقى الله يوم كان اقصى طموحي .. لعبة الدنان نهاية يومي المغرب ... واخاف الليل واشباحه سقى الله يوم انا البس بشت ابوي وثوبه القيطان واقلد كلّ شيٍ فيه .. حكيه .. جدّه .. مزاحه واشيل المسبحه مثله ليا هوجس وهو سرحان بيشعر ...واحسب ان اللي عطاه الشعر مسباحه سقى الله بيتـنا ذاك البسيط مشقق الجدران شجـاع ٍ يهزم الغدراء … بقنديله ومصباحه تكحِّلنا القناعه .. لا طمع .. لا هم .. لا حرمـان واذا جاء الليل تكفينا ... ثلاث اخوان .. طرّاحه جميع الذكريات اللي غدت في قفرة النسـيان يحـاكي حلوها عبره ... بموق العين سبّاحه خذتني غربـةٍ عنوانها ... غربه بلا عنوان ابي عقب التعب راحه ... لقى فيني التعب راحه رجعت اليوم مثل اللي رجع عقب القنص خسران غدا طيره وجاء يسحب سلـوقيه وملواحـه قصيده مابَعَد مرّت ببال مسـاعد وضيـدان هواجـيس ابدويٍ هايـم ٍ في عشق فـلاحه وروح ٍ تايبـه كانت تبي لذنوبـها غفـران خطـاي انّي كتمت اسرارها بعيـون بواحه تقولين المطر ماهـوب … يمّـه دايمٍ هتان اجل معذور قلبٍ في همومه ضاعت افراحه انا يمـّه غلطت ولاني اول واحـدٍ غلطان ابونا آدم من الجنه خرج باسباب ... تفاحه خذلك الوقت فيني .. ماخذلتك ياأعـز انسان وش الدبره ؟ وحظي صار.. قفل ٍ ضاع مفتاحه الشاعر / محمد الدحيــــمي ================================================== ==== = = = ( 2 ) ( اقرب الناس ) _______________ كلمتني والــــــــوله في كـــــل نبـــــره ودهــــــا لو مــا رجعـت تطيـــر يمي قلت انا لك يا بعــد حـــــــــالي وجبره وان أمـــرتي قلت لك حاضـر وســمي صبرها يحكي لقلب(ن) طــال صبـره أتحـكي واقــــــــول انا لبيـك يــــــامي الحنــــان اللــــي بقلب الام عبـــــــره لو كبــــرت ولو صبرت تشــــيل همي كـــــل حــرف قالته يبـــــراه عبــــره وكل حــــرف قالتـه يجــــــــري بدمي قلت يامــي ما معـــي فالامـــر دبــره انتي ابخص في نســب خــــالي وعمي لو محمــــد في طـــريقه زار قبــــره ما رجـــع عــــــن مقصـده حتــــى يتـمي اكتســـبنا من ســـنين الوقت خبــــره واللــــــه القـــــــادر يلم الشــــــمل لمي والرجل ماهوب في ســــنه وكبــــره العقــــل ما قــــــــــال للايــــــــام كمي والســـنين اللي بلا شـــوفتك غبـــره والله ان بعدك يســــــــم الحال ســـــمي ضـــاع حرفي والقلم يجــف حبـــره من خضوعي لك ســـكت وجف جمــي الشاعر/ بدوي في امريكا ================================================== ==== = = = ( 3 ) ( راحت أيامي مثل حلم ٍ مع الليل أحلمه ) _______________ أدري اني ماعطيت الكون من جل أهتمامي راحت أيامي مثل حلم ٍ مع الليل أحلمه لا ذكرت أيام عمري كني أذكر في منامي حلم فايت قد حلمته من سنين ٍ معدمه أذكر اني قد رقيت الصعب في ليل البهامي وأذكر اني كنت هايب من قرار المحكمه تاه فكري مثل من حط الحلال امع الحرامي كيف وصل الي ذبحتني بالعيون الملهمه أسترق شوفي وانا مرتاب من حد الحسامي قد عرفت الي وقف مثلي بيهدر في دمه همي الي لا تجلت كنها بدر التمامي بنت شيخ ٍ لاحكا جاب الردود المفحمه له مرد الحق شيخ ويعطي المقسوم حامي إن وقف في مكرمه واليا قعد في مكرمه جيتها في جنة ٍ من حسنها زاد الهيامي كيف اناظر خصرها المياس والشوف الجمه ترمي سهوم الهوى من عينها عسكر نظامي ويل قلبي يوم كثرت بالعيون السلهمه قالت المشروب وشو قلت يابنت الكرامي ودي اشرب من ثمانك لا تقولي محرمه وارتوي عقب الظما ويطيب لي ليل الغرامي ثم اقول الشعر شعري والشعر فيك أنظمه قالت اثبت في كلامك قلت ثابت في كلامي قالت الي قال قول ومافعل .. قيل ( أرخمه ) أبشري بي وارد ٍ مايرجع أمن العد ظامي أبك انا محد ٍ فطمني قالت اليوم أفطمه وأبتدى ليل ٍ بلا قاضي ولا حضرة محامي محكمتنا ليل صيف .. شهود ليلي أنجمه و أنهمر شلال شعر ٍ ليل ٍ أسود بالظلامي قالت إن الليل شعر وليلي الشعر أدهمه زان جوي وانتحا ليل ٍ غدا مثل الحلامي ومع وداعه في عيونه دمع ودي الهمه قالت الفرقا صعيبه قلت لو طال المقامي قد بنينا وصلنا وإن طال وقتي بهدمه قالت أسمع لاتهيم بحب غيري ياحزامي هاك قلبي وانت سري يابعد حالي أكتمه وأدري اني ماعطيت الكون من جل أهتمامي راحت أيامي مثل حلم ٍ مع الليل أحلمه الشاعر / ضاري بالعطا ================================================== ==== = = = ( 4 ) (فـي خـوّتـك ياحبيبـي زانـت الخـوه ) _______________ أرويـــك حب وحنـان وشــــــــوق ومـرّوه إي والله أرويــك بإحسـاسـي وبأشــواقـي أرويـــك حــــــبٍ ترعرع في الحشـا تـوه بأرويــك صــــدق ٍمع الإخــلاص متــــلاقي أرويـــك من منبـع الآعمــــــاق من جـوه من جـوفـي أرويـك شـــوق وحبـي البـاقـي أرويـــك من قلبي اللي صـافـــــي ٍجـَوه إي والله أرويــك ممـا جـال بأعمـافـــي ياكـيف ماأروي بـــمن نـوي عـــلـى نـوه ياكيـف ماأرويــــك لامن جيــت مشـــتاقي أرويـــك من داخلــــي واللي تبــي سـوه ملكـت سـبل الغـلا فـــي جـل ودقــاقـــي كل الحـزن مع همـــــومـه يالغضـي طــوه لاتشـــتحـن ياحبييــــي دوك ميثاقـــــي فـي خـــــوتـك ياحبيبـي زانــت الخــوه كتبـت عهـــد الوفـا فـي مظهـر ٍ راقــي باحـــــــب والصـدق والإخـلاص ذا هــــوه فإحـرص عليـه بأمانــه 0والله الــواقـي الشاعر/ ذيب الغداري ================================================== ==== = = = ( 5 ) ( الـدنـيــــا ) _______________ جلست البارحه لين انتهى ليلي وانا سـهران افكــر في زماني وش خـذا مني وش اعطـــاني افكر في الحـــياه الي تباهت واشغلت الانسـان عن الدار الاخـيره والهته عن عمــــره الثاني عن الدنيا خذتنا واشغلتنا عن رضا الرحـمـــن وخلّـت من تبعها في النهـــايه خـاســرٍ فاني كثر فينا الحسد والخير قفّا واقفرت الاوطــان وصــار الشيخ قبل الشـاب طمـــاعٍ وقومــاني تخلينا عن العــادات واصـبحــنا بـلا عــنوان نسـينا الي مضى واصـبح لنا التقلـيد عــنواني تغــيّر وقتـنا عـز الله انـك يـازمـن خـــــوّان تقـلّـب كـل يــومٍ حـــــال والله مـالك امــاني قديم الوقت كان الذكر لاهل الجود والشجـعان ولاهـل المعـرفه والطيب واهل الشور والشاني الا منه ذكــر للـنـاس جــاه من الثـنا مــا زان يقـال ونعم له ذاك الرجـل قد كــان ثم كـاني ماهـوب اليوم كل انســان له عند المـلا مـيزان ومـيزانـه رصيـده فـالبنـوك ان كـان ملـيـاني ولا احـدِ ينشـده من وين جـــاك المال يا فنان حــرامٍ في حـــرام وصرت به ياشين سلطــاني الا منه دخـــل في مجلــسٍ فيه الردى ملـيـان نفــخ صدره نسى ربه تكــبر صار شـيطــاني يفز اله الحضــور وكنهم حوله حرس هــامان وكلٍ يمدحه منهم عسى يحظى بالاحســـاني ومثله صـاحبٍ سمسار يغشك باعذب الالحـان كـلامه حــالي مثل العســل والقلـب بركــاني اذا له حـاجـةٍ عندك يحطـــك للبلـد سلــطـان ويبـدي لك محـبه مالـها فـالكـــون مـيـزاني خــويك فالرخى وان ضـاقت الدنيا عليك يبان يهـدك لا انقطع حيلك يبيعك بارخص اثماني تجنب صحبة الخاين ولا ياخذك فيه احســان خـوي المصـلــحه مـاله ســوى ذلٍ وحـقـراني وثالثهم جليس الســـو سمـوه العـرب شيطـان تحلّى في صفات ابلـيـس قـاصيـها مـع الـداني عذابه لا لقاك بخـير شبت جـــــوفه النـيران يبي يبعـدك عن درب الطــهــاره والـتـديـاني يزيـن لك دروب الـشـــر ويفـتــّح لهـا بيـبان يقــول انت العظـيم ومنزلتك اعلى من فـلااني يجي لك من طريق المال والنشوه مع السلـــوان وتبدا ما دريت ان الـطــريق اقصــاه نـيـراني ولا منك وقعت اقفى وهــو متشمت ٍ فرحـــان قدر يغــويك واقفى عقب ما شـافـك بالاكفاني وابو وجهـين يا ويله نهــارٍ ترجـف الابـدان يعـذب في جهــنم ينكـــوي بالـنـار ويعــاني يغش الناس في شكله تقـول انه من الرهـــبان خـدع من صدقه ما يـدري ان الشــيخ ثعــباني اذا جــــــا بين ناسٍ يعــبدون الواحــد المنان تظــاهر بالخشـــوع وهل دمعه فوق الاوجاني والا منه خـلا بالـنـفــس قام يطــمّر الحــدان سـعى في كـل شيٍ يغـضـب الـوالي بكــتـمـاني تراشى وارتشى ما خـاف من ربي عظيم الشان كـلا مـال اليتـيم وبالربى تاجــر وكـســباني وباع المنكرات الي تحــــط المجـتـمـع مرضان جنى مالٍ حـــــرام وذوقه لاهـله وهــو عاني الا ياســـامـعٍ قولي تر الدنيا لهــا وجـهــــان لها وجـهٍ حلو والوجه الاخـــــر فيه نيباني وفيها الامتحان الصعب وابطــاله هـل الايمان لهم فيهـا شـهــاداتٍ الى الجــنه وغـفـــراني لأن المومن الصــالح اذا جــــته المصـــايب بان دعـا ربه وزاد الصــبر في قلـبه والا يمــــاني واذا جـاه النعــيم يقـابله بالشكــر والعــرفان يزكي المـال ويعين الضعيف ويكـــرم العــاني تذكر يا بن آدم واعرف ان فـ الاخـــــره ديّان غـفــــورٍ للذنـوب ولا تغــرّه زلة الجـــــاني وقدامك سـبيل الرشــد والا الكــفر والعصـيان ولك عينين في راســك ولك عقــلٍ ووجـــداني الا يـارب تهــدينا وتغــــفـر زلـة النســـيان وتـدخـلـنـا نهــار الـدين في جــنات عـدناني وصـلى الله على محمـد نبي الـحــق والبرهـان رســول العـالمين اجمع ودينه خــير الادياني الشاعر / سعيد الاكلبي ================================================== ==== = = = ( 6 ) ( قالت اكسر القصيده قلت ابشري ) _______________ مهل(ن) على الصبّ ارفق بي على هونك ياريم دار(ن) من النّظرات مصيونه لو قلت هيّا سمعت اليوم ياعونك لبّيه ياللي به القيفان مرهونه ياجعل كلّ البني والغيد يفدونك ياللي معادك عن الخلاّن مكنونه ياسيّد الغيد لايلفيك بظنونك شكّ ابغلاتك وصدرك تنفث اشجونه ماغيرك احد(ن) ولا الخفرات يسوونك وشلون قلبي يحلّ الكم تجافونه دايم ونا ياحبيب الرّوح مديونك اشواقي ماهي بعد هاليوم مدفونه لا تسمع اللي وشا او تنحب الحونك الك ابخفوقي شهادة حبّ مضمونه ان كنت ساهي ترا يالزّين يبغونك تبعد وقلبي اذا ابعدت يكوونه واللي خلقني تراهم مايودّونك هم ودّهم حيلي مع حيلك يهدّونه قالو محبّك ومقصدهم يصدّونك عن خافق(ن) كادهم يبغون يدمونه من كثر حبّك وشوقي لك يحسدونك ليه انتي بالذّات سرّ(ن) مايعرفونه! لاتسمع الهرجهم ياخوفي يعمونك ذبح غرامي اذا صدّقت بلحونه اضحك لي قرّب بناظر ضحكة اسنونك حبل الهوى لاتخلّيهم يطوّونه في يقظتي وابمنامي كلّي مفتونك ياقايد الرّيم والغزلان في كونه لون السّما الصافيه يالتّرف من لونك والخدّ شمس(ن) خذيت الزّين بشطونه لو لاالمخافه بعين الحسد يرمونك لتشوف وصفك بقاف(ن) هلّت امزونه ولولاالملامه من الشّعار لعيونك لكسر ونا عارف(ن) ابيات موزونه لو جنّن الحبّ رجل(ن) كنت مجنونك يامنور العقل والخفّاق بفنونه الشاعر / الجنّ الازرق ================================================== ==== = = = ( 7 ) ( بـلـونـة الأرض ) _______________ حبيبي والشعر نورس حبيبي والحـلا طـاووس وأنا شاعر( كذا) مجنون فـي رسمـك وتلوينـك تعال أفجر معي بلونـة الأرض بطـرف دبـوس تعـال وجـرّب هبالـي وشـم الـورده بعينـك تلمّس بأصبعك شفّة وجع صمتي وحسها حـوس تشـوّف لأكبـر أسـراري وتلّـه تـل بيديـنـك تعال أقلـب موازيـن الحيـاه وغيـر القامـوس تعـال أكتـم نفـس كـل القوانيـن بقوانيـنـك تحرّك شف (قزح) ليتك تفكه من عـذاب القـوس تصرّف وأنت أعرفك ماتبي توجيـه مـن حينـك تقدم خطوتين ودس علـى حـدب الحنايـا دوس تراجع .. لا ولا خطوه : تـزور القلـب سكينـك طلبتك علّم أجـواز الكنـاري كـل فـنّ البـوس وأمانه تشرح لقطـن السحايـب مسألـة لينـك كذا.. وإن دارت الدنيا علي وإلا الهوى جا (كوس) (معّطت) من المسـا قذلـه وغنيـت لفساتينـك حبيبي لا تصدق من يقـول ان الغـلا محسـوس غـلا ً ماتقضبـه يمنـاك خلّـه تحـت رجلينـك وأنا من خانوا أحبابي عرفـت ان الحيـاه دروس ولكن للأسـف مازلـت جاهـل (بينـك وبينـك) حبيبي لا تعدّ لها .. كذا .. هي صورة الفانـوس حبيبي لاتموق.؟ (الشعر شعري) وانت لك زينـك حبيبي وإن بكا النورس تأكـد خانـه خانـه الطـاووس وأنا شاعر ذكر جـرح ونسـا رسمـك وتلوينـك الشاعر / عبد المحسن بن سعيد ================================================== ==== = = = ( 8 ) ( يوم طال الليل فى مسراي شديت الركايب ) _______________ يوم طال الليل فى مسراي شديت الركايب وماحسبت حساب للهفوات وظروفِِ لعينه؟ يا مجاهيم الليالي ماذخرتي لى زهايب غير جرحِِ فى حشاي وحفنة طعون وضغينه؟ ساق عمري لك شبابه صاملِِ ماهو بهايب وياكثر ماشال من صبره وسط ذيك الخزينه؟ سايقه مع سرمدي البيد والخفاق ذايب وخايف من قولة انه راجع بخفي حنينه؟ والزمان اللى غدي بين المجابه والطلايب هو يقدر وقفة الرجال والدمعه بعينه؟ والزمن لاصار خصمي؟,؟ وأبجدياته مصايب من يدينه لاغرس همه بصدري من يدينه؟ ماعلى وجه الزمن شرهه ولا له من عقايب والسمان عجاف فيه وصارت العجفا سمينه؟ والعيون اللى ترف رموشها دمعِِ سكايب من يقديها ونور الليل ذابن شمعتينه؟ مالها ألا الصبر واللى فات ماجا بـ النحايب والعمر من لوعته ماينعرف زينه وشينه؟ من عرفت العلم متعبني طموح وحظ عـايب رغـم هـذا ماتركته يوم فى عسره وليـنه؟ آه يا حلمِِ رجيته لين صار الحلم شايب ماوصلت لرغبتـي والليل عدابي حنينه؟ عاشقِِ عدي على المرقاب وجروحـه عطايب وفارسِِ يسمع صدي النخوه؟ وكفينه رهينه؟ من سمع بحكاية المذبوح من ظلم القرايب ومن سمع بحكاية العطشان والسيل ودنينه؟ ماذخرت الا طموحِِ ما تثنيه الصـعايب ولا ذكرت الا فتي ؟؟للعز مرخي راحتينه؟ ولا خبرت الا كريم مرخص مهورِِ نجايب والرجل لو هو يشح الوقت ماشحت يمينه؟ ولو تنحي كل رجالِِ ليا واجه نوايب مابدي(عبدالعزيز) يسوق حلمه بأربعينه؟ والبنادم نطفةِِ با الصلب وأحضان الترايب ولو تعدي للنجوم نهايته لبنه وطينه؟ والطريق اللى حداني للهموم وللحرايب ماثنيت الرجل فى دربه وانا ديني ودينه؟ والعلوم اللى تجر النفس لهروج وشوايب عنها فى اذني هذى طينه وفى هذي عجينه؟ والغرام اللى رجع مع هقوة الايام خايب وجيت ادول له عذر من لهفتي والعذر وينه؟ لاحشا ماقلتها تبرير والدنيا وهايب والعذر فى الحب.؟ مايجدي مع نفوسِِ حزينه؟ وانت ياللي تستثير الحب وتجر الذوايب وصرت مثل اللى غدي بين العرب مغريه زينه؟ لا تمادي فى غرورك بـ الهوي ويش انت جايب لا تمادي لا يغرك لا جميل؟.؟ ولا بثينه؟ تستهين الحب فى بالك على ان الراي صايب (لعنبوا حبِِ جمعني فيك دامك تستهينه).؟ ماوري حدب الضلوع من الغرام الا خرايب من بعد ما كانت احلام ومواويل وسكينه؟ وشـ بقي وشـ راح دام العمر تاليته نهايب قل على الدنيا السلام وصاحبك ربه يعينه؟ راح عمري كل عمري من ذهايب ؟.؟ فى ذهايب والرحا نسمع (لجعجعته) ولا شفناطحينه؟ فى عيون الناس شفت لك العجب وام العجايب شفتها لو قالوا انا عاذرينه...عاذرينه؟ والله انك لو بلغت بزينك عيون السحايب جرحك اللى فى خفوقي مانسيته مع ونينه؟ ما على حسنك حسوف?>? ولو سلب كل اللبايب والله انه ما شحنى فيك عنابه.. وتينه؟ رح على كيفك وعمر الحب ماهو بـ الغصايب واليقين من الخبر يجيك علمه من جهينه؟ رح على فالك ولو فرقاك تاليها نصايب ؟؟ الهوي والذل ما يمشي على روسِِ ذهينه؟ اتحاشي عن خطاك ودامها جت بـ النشايب الرجل مادون حلقه لا بتلوه الا يدينه؟ ادري ان الحب جمره؟؟ وادري بشوقه لهايب؟ بس لامن صار ذل؟.؟ علها تقفي سنينه؟ صار ثاري من ورا ذا الحب مدحور الصلايب ثار ابو ليلي المهلهل عند جساس وعوينه؟ والله انى من بعد صارلي قانع ؟.؟ وتايب ولا رحم ذاك الغرام وماحصل بيني وبينه؟ والله انى ما ندمت الا على قولة حبايب دام حبك مبتليني من غبينه ؟ فى ؟ غبينه؟ وخبر اللى يرتجي ذلي على كثر الغلايب يا عوينه كان ذا حـده؟وجيده؟ يا عوينه؟ طال نزف الجرح والايام حاليها عصايب وطال ليل السالفه بين الشوارع والمدينه؟ ولو غدي كلِِ على المعروف لو شحت هبايب ما حشد (هـدام) جيشه للكويت ومات دينه؟ ولو غدي الغالي مع الايام لامن فقد غايب؟ مابكت(ام الأسير)وشاقها طلة جبينه؟ ولو غدي كل لأدني ظلم مخروسِِ ؟.؟ وهايب كان ذاك(المسجدالأقصي)خـلا من ساكنينه؟ والزمان اللى غدي بين المجابه والطلايب لا يحسب انه يذل الرجل والدمعه بعينه؟ ويوم طال الليل ..طال الليل.. طال الليل شديت الركايب فارسِِ عاثر زمانه والليالي ماتهينه؟ الشاعر / الحّر ================================================== ==== = = = ( 9 ) ( يا منيف يامنيف يامنيف يا النايف ) _______________ أنا البارحة يامنيف جاء دون نومي عوق بغيت المنـام وقالـت العيـن ماذوقـه ولا ياوجودي وجد طيرٍ كفـخ بسبـوق بعد رميـت البرقـع موثقتـه اسبوقـه كفخ كفخت المرتاع من لمة أهل السوق وكلٍ يقول بكـم ليـن أحتمـى سوقـه مثبت على وكره وداخل حشاه حـروق ولياهـام للمـرواح رجلينـه اتعـوقـه من الهاجس ألي صارله في حشاي فتوق من الوقت وأهل الوقت كاثـرةٍ فتوقـه زمانٍ سعى باللي حدر لين حطه فـوق ترقع له النعمة قسى الوقـت وإشقوقـه ليا جاك ولد الأش في منصبٍ مرمـوق يعـده حكـم والحاكـم الله مـن فوقـه بخلٍ ضعيـفٍ لاش كـفٍ ولا منطـوق تحكم به الحرمة مع السـوق وتسوقـه وراها يشيل الورع ومعلـق المعلـوق وهي تشتري وتحط إله جوف معلوقـه هذه صنف ولد الأش والناس فيها فروق وفيها رجالٍ تطـرب القلـب وتشوقـه صناديد من ماكر صناديـد دايـم فـوق رجالٍ على ساس الكـرم دوم موثوقـه يتوقون لو حف الدهر للمراجـل تـوق رجالٍ على الطلات ماهيـب مسبوقـه لون الزمن يحدا عليهـم وفيـه اعقـوق يشومون بالنفس ا لعزيزة عن اعقوقـه وبغيت المنام ولاح للعين نور اشـروق وبدأ يومي الثاني وأنـا النـوم ماذوقـه وتمت وصلوا عد وبلٍ صدوق إحقـوق على المصطفى وإعداد ماناضت ابروقه الشاعر / ابو مهنا ================================================== ==== = = = ( 10 ) (انا ليا شفت العنود الصافن اخم الرسن ) _______________ انا ليا شفت العنود الصافن اخم الرسن مابين كف (ن) صامل ومابين نفس (ن) رايفه وليا استوتلي طايعه روحي لخاطرها الثمن والفارس المقدام يغلى بالولع عسايفه ابسط لحافرها يساري لا يتعبها الصفن وارفع يميني قدم ناظرها غلا وازايفه وانا لها واقرب لها ان كا ن حركها الشجن واهمس لها وابسم لمنهي سامعتني شايفه تجفل ولا اوحتني بعد كل التذير ترجهن وان بنت جتني ساحبه لخطامها ومسايفه قل للبنات اللي كواهن حبي لها ما درن من شاف صاف الجوهره لازم يعاف الزايفه والحاسد اللي لا ستدار النجم من خلفي رطن لا طالبه فزعه ولا نصره ولاني ضايفه يحدني عنه العفو ويبعّده خوف وجبن ولا تشتعل بين النفوس الحالمه والخايفه دوم النفوس الملجمه بالصبر لو ناحن سلن واخس ما يطرى شديد المرجله حسايفه والله يصح لسان من لا دق هاجوسه بدن ابياته وجنب عن الهزلات في لطايفه الشاعر / داهم العصيمي ================================================== ==== = = = ( 11 ) ( اشــد رسـون فكـري كـل ليـلـه ) _______________ صباح الخير لو جاكم قصيدي مع طلوع النور ومساالخير ان لفاكم شعري وكف الشفق بيده انا يجذبني القاف الجميل المختلف وآثور بلاابل واحتي ما غردت لي غير تغريده اشد رسون فكري كل ليله والطريق يبور واعود مثل ما جيت احتمال(ن) ينتظر عيده وانا ينتابني لو طالت السكه تعب وفتور ويثنيني عن الخطوه زمان(ن) مضهر(ن) كيده في افكاري من الماضي حطام(ن) من وجـوه ودور على سفوح السنين وفي زمان(ن) صعب تحديده خيال(ن) يعشق البسمه..وصدر من الحزن مقهور وصوت(ن) غاب عن سمعي عجزت احفظ تراديده احبك يالسنين اللي مضت شوق .. ووله.. وغرور ودمعات(ن) تسابق.. وابتسامات(ن).. وتنهيده احبك شعر لافكاري ووزن لبيتي المكسور واحبك نظرة(ن) ترقى لراس الحــــزن وتصيده احبك وانتي اقفيتي وانا في موقفي محصور ولو مر التناسي قلت انا ذا اللون مااجيده فدتك من السنين..اللي ملامحها عجاف(ن) بور ويفداك العمر كـــله مدام اني على قيــده الشاعر / حزام السعد ================================================== ==== = = = ( 12 ) ( لويخلف الحسن جنت من محاسنها ) _______________ لويخلف الحسن جنت من محاسنها اويسكر الحسن كان تموت سكرانه من حسنها كان تبغى الصدق احسنها حورية من عيون الناس حيرانه من شافها قال باعلى الصوت ماحسنها يموت راضن بتعذيبه وهجرانه الريم لولاقوايمها وفرسنها سيقانها دمج مثل الريم ذيرانه عسوف خيل يادوب انك مرسنها تنتل رسنها على المهذاب دجرانه تمشي على هونها و النوم واسنها ماكنها الاثلاثه ايام سهرانه بموت واسرارها في الصدرلاسنها عن بنت رجل توفونص جيرانه الشاعر / الحادي ================================================== ==== = = = ( 13 ) ( لـيـلـــة الـتـوبـــه ) _______________ والدخيل الله قبل تخطي على الذمه دخيلك يالعنيد اللي تحجب الشمس في طوبه بعد ذا لي ثلاث ايام وليلي ياثـقل دمه تحريتك وناديتك ابيك ولو بك عقوبـه نصيتك ماذكرت اللي تـزهل لي ملا فمــه ذكرك اللي تولع بك عشير تبخص اسلوبـه مثل طفل على الفطره دموعه تنتخي بامه ينوح وتنفري كبده يبيها تغفر ذنوبه غميضه كني البارح رضيع منوته خمــه على صدر تنفس به وياما شق له ثوبه حقيقه مادريت ان المشاعر فيك منطمه ومشاعر تسفه الشاعر عليها والله والكوبه خلاص اليوم لاترضى بقلبي ماتت الهمـه هذاك شعوري البارح والليله قلت انا توبه حشا مااشبهك بامي بعيده عنك هالقمه سلامي لارحم حيك على حبــك ومندوبــه عفاريتك..شياطينك..اذا هي خانت الذمه اعرف شلون اهبطها واجننها من الحوبه قل المطفوق قل جاهل مثل ماتشتهي سمه وش يضر اللبيب اللي من هبالك عرف صوبه الشاعر / مـحـمــد الـغـيــث ================================================== ==== = = = ( 14 ) ( جـــوزي عـــن التنـكـيـد ) _______________ جوزي عن التنكيد يابنـت جـوزي خلّك علـى مانتـي بعـز اومعـزه كل هالسوايـا ويـش منهاتحـوزي مانيب انا اللـي كـل شـيٍ يهـزه كان انتي بيديك العصى به تهـوزي بيدينـي اللـي كـل راس ٍيجـزه الملعبـه كـان انتـي ودك تفـوزي والفايزاللـي بيـرق الـصـد رزه جيتك وانا مأكـد عليهـا حجـوزي جاهز لها بسلاحي فـي كـل حـزه يكفـي أبيّـن لـك خفايـا كنـوزي بحروفـي اللـي كـل شـي ٍ تقـزه مانيب أفاخر بـه وابيّـن بـروزي ياكـود همـي بالمحـانـي يـلـزه روزي الأمور بعقلـك اليـوم روزي مـانــي بهالدنياالوحيدالـمـنـزه ماهو كـذا يحـرَق بقايـا فيـوزي ماهـو كـذا لاقالـوا احرقـت رزه هرجي وصل لك وافهمي من رموزي مانـي مـدوّّر واحـد ٍلـك أكــزه كان الهجر في شرعك انتي يجوزي عندي ترى اهون من زقـاره أمـزه الشاعر / راعـــي العــــــنـود ================================================== ==== = = = ( 15 ) ( ومن لايعرف الصقر يشويه مايدري ) _______________ ليا زل نصف الليل وارتاحوا السمار ونامت عيون اللي عن الهم مايدري ونامت عيونه هادي البال والافكار وغطه لذيذ النوم وارتاح من بدري انا كل ما طفيت في الغرفه الانوار تقادح همومي في خيالي وفي فكري هموم الزمان اللي تواصن على المحتار تقول انها نارن توقد على صدري عصاني زماني والتوى وابترم واندار وانا كل ما حليت عقده عقد عشري تقول اني اسبح في البحر عاكس التيار تقول اني اجري في البحر والبحر يجري تلاعب بي الامواج في المركب المنهار والا قلت هانت قالت المرجله .. بدري يعيش البنادم بس مايخلف الاقدار ولو كان صلى وادعى ليلة القدري ولاتستوي الدنيا لحد والزمن دوار تشوف الشقى وايامها بالرخى تحري وانا يعلم الله ماتراخيت بالمشوار اعاند صروف الوقت بالعزم والصبري اشوف الليالي مثل نون كساه غبار وانا عايشن فيها على اللين والعسري تعلمت كيف اعيش واصبر على ماصار والا شفتها ضاقت علي الفجوج .. اسري اقوله وانا عيني تشوف الكبار صغار وقلبي على ميلات الايام متضري ولو مالت الدنيا بي اعيش في استقرار لحيث ان لي قلبن على الوقت متجري وعايشت في دنياي وانا صغير كبار وتعلمت كيف اعامل الناس من صغري صدوقن مع الصادق صديقن مع الاخيار ولا لي علاقه مع هل الكذب والهذري ولو لحقني كلمه من الكاذب المهذار فلاهوب ناقصني ولازايدن قدري انا عند ربعي لي هيبه ولي مقدار ومن لايعرف الصقر يشويه مايدري وانا لابتي وعيال عمي طوال اشبار هل الماقف اللي من ذوار الدهر يذري اجامل وانا ماحب اجامل على الانظار ولانيب عن رد الخطا بالخطا مزري والا يالله المعبود ياعالم الاسرار عسى ماجرالي لطرف الناس مايجري اشوف الزمان الله يعله نوى المحدار عسى الله يصبرنا على وضعه المزري رمتنا الليالي رميتن ماوراها خار عسى الله يحاسبها على فعلها الودري الشاعر /المبدع ================================================== ==== = = = ( 16 ) ( ترميم قلب ) _______________ وليله000 كانت بلندن000 غريبه داخل الاعماق 00000احس بداخلي فيها0000 ادور لي0000 وطن ثاني احس بداخلي رهبه 0000احس 0000بقلبي الخفاق 00000احس برجفة احساسي 000تبعثرني00000 وتعصاني كرهت الغرفة الصفرا000 كرهت الصمت بالاحداق 00000كرهت الاجهزه00 والطب000 كرهت اعيش باحزاني تمهل سيدي الجراح 00000ترى ذا موطن الاشواق 00000تمهل سيدي الجراح 0000000هذا القلب عنواني انا اذكر قلت ( ون وتو ) وذهني لابعد مافاق 00000بدأ التشريح والتجريح 000بدأ ترميم وجداني وجت لحظه مهمه000000 لحظة الخارج عن الآفاق 00000لحظه 000فيها استرجع 00بقايا انسان وحداني وقال ( بليز ماي فرند)0000 فتّح جددّ الاشراق 00000بغيت افتح عيوني سبقني0000 القلب ماامداني لذه آهـ يااللذه 000بجنون اكتب على الاوراق 00000ابرسل قلبي بتعبير 00000000على اوراق خلاني حاولت اقاوم الفرحه0 وانا في لحظة المشراق 00000تراي بفرحتي فيكم 000000نسيت افرح بوجداني تذكرتك 00بكيت اكثر0000 تناثر دمعي الدفاق 00000تناثر حزني بنفسي 000000بكتني عبرة اوزاني أحبك 00أيه أحبك موت 0ثابت هذا في الميثاق 00000ثابت في ثرى قلبك000 عشقي لك 00000وادماني أحبك000 ولعنبو ولهان000 تسبب في زعل عشاق 00000ترى من حبي مااقصد 0000000ازعل ناس تهواني شكرت الله شكرت الله شكرت الله من الاعماق 00000شكرت ربي الخالق 0000عطـاني الروح واحياني أنا ولهان00000 من لندن بعثت بصدقي الاشواق 00000أمانه اسكني قلبي 000000تروح امراض تغشاني لك الله ياغلا روحي 00000أبد مااكدرك بفراق 00000لك الله دوم قدامك 0000ولاابغى بك وطن ثاني الشاعر/ والهان_1 ================================================== ==== = = = ( 17 ) ( على ريح العليل اللي يهيض شمّ نسماته ) _______________ على ريح العليل اللي يهيض شـمّ نسماته يداعب قلب مهموم يزيد الهمً تشويته يشــن الهم هـجماته وينهـكني بغاراته احاول صدّ هجماته وأنا عاجز بتشتيته على بحر الهوى نبحر ولا نـدري بغـبّاته أخوضه هايماً مغرم وانا داري بتمويته ولا يذبح شجيع قروم سـوى ريم بنظـراته إلى سلهم برمش العين يجرّ الصوت تنهيته وهو فارس شجيعاً يرهـب الاعدا بضـرباته يجيه الموت من قلباً ينوّي الحب تفتيته عنيت الحب واسبابه و يخلف ظني هقواته ولاينفع صويب الحب كلمة قول ياليته الشاعر/ ناب الذيب ================================================== ==== = = = ( 18 ) ( شــفت بايامي الســود ) _______________ ماجور ياللي جاك هجران وصــدود وذقت العنا من لابسـات الغدايف تسهر طوال الليل والعالم ارقود ومن النيا عــديت روس النوايف حالك نحيله كانها يابس العــود والمشكله بين الضلوع النحـايف المشكله قلبن من الصـــد ملهود ملهود من راع الثمان الرهـايف امعلقن مابين هجـران ووعــــود يطرد ســـرابه مانوى بالنكايف على حـــراويها بذل كل مجهــود حفي القدم من طــرد ميعاد زايف ياراعــــي الميعاد علقتني زود الحـــال مايسـمح مثل مانت شايف ابغى الصراحه منك والوقت محدود اما فــــراق ايطــول والا ولايف جاك الكلام وعطني اليوم مــردود انا تــرانـــي يم موتي امهايف وانا اعرف اني في خفاياك موجود في وســط قلبك ياعنود العطايف ولا تجحدين الحب والحـــب مولود بين الحنايا والـهدب والشفايف بالله واصلني على العــــز ياكو تبرى جروحن شــــفت منها كلايف يكفيني اللي شفت بايامي السـود ايام راحـــت من سنيني حسـايف العمر زوده نقص والعمر مطـرود وان ما حصل وصلك من العمر عايف كلن يذوق الموت في يوم موعـود وان صــار باسبابك فلا نيب خايف الشاعر / عـــــكاشه ================================================== ==== = = = ( 19 ) ( ياطيبه وياطيبه وياطيبه ) _______________ اقول اللي ليا سير به الطاري قلب حالي أجل وش لون لاشفته يأبو مبلش بعد غيبه هذاك اللي أموت ومايجي غيره على بالي أنا ماني من اللي كلمه أتوديـــه وتجيبـه حبيبي لو على شأنه يصير الكون عـذالي تركت الشرق لأهل الكون وعشت العمر في مغيبه حبيبي وأول احبابي ومن حبيت والتالـي عسى عينً تحبه ماتشوفه ناقصً هيبه فديته بالزمان اللي مضى واللي تبقالي غرامه غير ياطيبه وياطيبه وياطيبه أحبه كثر ماهلة مزون وكثر مــــاسالي أحبه كثر مافي قلب الأم لطفلها طيبه الشاعر / مسـاعد مشوت الضفادع ================================================== ==== = = = (20 ) ( يابنت ) _______________ يابنت طبع الهوى في خاطري غير ماني من اللي يعرف الحب ويهينه اللـي يجـي حـبـه ريـاح ومـعاصـير ون صادف الخـبلاء تطـيح بحنينه يـرسـم حـنانـه في رمـوز تـعـابير ويقــول شـين مـا تـشيلـه سنينه ضنـوة حـرامن واقفـلـه على بـير يـاويـلها مـن وقـعـت فـي يـدينه ومن بعدها يسلى عن الحب ويطير ذيـب(ن) وصايـدلـه غـزالن ثمينه هـذاك شخصـن يلـحقـه كل تقصير لابــد الايــام ون طــالــت تـدينه ولا تــرى غــير يـابـنـت انـا غير غرست حـبن له عروق(ن) متينه احـب حـبـن صـافـيـن نـيـتـه خير والـبي اللـي فـي ضـميرك تبـينه احفـظ شـرفك ولايجي فيه تدمير وارفع شرفك عن المذله واعينه الشاعر / الدكتـــــور ================================================== ==== = = = والبقيه تاتي ان شاءالله اختكم / نادره [/c] |
|
|
|
01-10-2002, 19:34
|
#2 |
|
شــاعر
|
** عمل جبّااااااار **
سلمت يمناك ولا عدمناك يا نااادره ولاهنتي يابنت الرجال على التعب الي قمتي به والعمل على تجميع هذه النخبه من القصائد وجعلها سهلة للمتلقي ""وهذا ليس اول عمل تقومين به فقبل ذالك كان لك السبق في منتدى الاقلاع شكرا لك |
|
|
|
|
01-10-2002, 20:15
|
#3 |
|
العضوية الماسية للموقع
|
سعيد الاكلبي الله يسلمك ويطول لنا بعمرك غمرتني بالسعادة يا شاعر القمة حضورك اسعدني وكلامك تاج على راسي الله يجعلني عند حسن ظنكم لك مليون مليون شكر 0 تحياتي وتقديري 0 |
|
|
|
|
01-10-2002, 20:43
|
#4 |
|
عضو شعبيات
|
ألأخت / نادره تسلمين على هذا المجهود الطيب , وهذا النقل الرائع . ومازلنا نتشوق الى الجديد . تقبلي تحياتي هبوب الشمال |
|
|
|
|
01-10-2002, 20:44
|
#5 |
|
عاشقة شعبيات
|
[poet font="Times New Roman,7,indigo,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=" dropshadow(color=deeppink,offx=1,offy=2)"] هي نادره ومن غيرها نادرتنا وفخرنـا شكراً غاليتي على جهودك الواضحه الله لايحرمنا منك يانادره ويستاهلون الشعراء . تقبلي تحياتي أختــك [/poet] [poet font="Times New Roman,7,white,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=" dropshadow(color=purple,offx=2,offy=2) shadow(color=indigo,direction=315) glow(color=deeppink,strength=16)"] سراااب الليل [/poet] |
|
|
|
|
01-10-2002, 23:36
|
#6 |
|
شاعـر
|
اختي نادره  جهد مميّز جدا.. تسلمين على هالاثراء الراقي.. |
|
|
|
|
02-10-2002, 02:28
|
#7 |
|
شــاعرة
|
النادره نادره الف شكر على المجهود الجبار ويستاهلون الشعراء تحياتي وتقديري للجميع |
|
|
|
|
02-10-2002, 06:43
|
#8 |
|
شــاعر
|
الله يعطيك الف عافيه يالنادره على هالمجهود الجبار تحياتي لك ولهالشعراء العمالقه اخوكم فيصل بن خالد |
|
|
|
|
02-10-2002, 07:40
|
#9 |
|
العضوية الماسية للموقع
|
هبوب الشمال الله يسلم عمرك الف شكر من اقصى الشرق الى الغرب 0 |
|
|
|
|
02-10-2002, 07:43
|
#10 |
|
العضوية الماسية للموقع
|
سراب الليل شكرا والف شكرعلى لطفك وعلى اسلوبك وعلى ذوقك حقيقه ان حضورك يسعدني كثير وما يستغرب عليك الكلام الزين 00 الله يزين فالك 0 |
|
|
|
|
02-10-2002, 07:44
|
#11 |
|
العضوية الماسية للموقع
|
طـــــراد شكرا لك حضورك اسعدني كثيرا اتمنى ان اكون عند حسن ظنك0 |
|
|
|
|
02-10-2002, 07:47
|
#12 |
|
العضوية الماسية للموقع
|
الغريبة هلا والله بشاعرة الكويت الحبيبه شكرا على حضورك الذي اسعدني وزادني شرفا تحياتي وتقديري لا عدمتك 0 |
|
|
|
|
02-10-2002, 07:48
|
#13 |
|
العضوية الماسية للموقع
|
فيصل بن خالد اسعدني ان ينال هذا الملف قبولك ورضاك شكراّ لك من القلب 0 |
|
|
|
|
03-10-2002, 20:20
|
#14 |
|
رحمة الله عليه
|
السلام عليكم ............. أختي الغاليه فخر شعبيات النادره : نادره .......................ماشاء الله عليك كل يوم لك مشروع جديد واسلوب جديد وطريقة جديده حتى أصبحنا معك نسابق الريح بالتطوير والتنويع ,,,,,,,, لله درك اختي والله يبيض وجهك ....وصح لسانك جميع الشعراء والله يبيض وجيههم ,,,,,,,,, وتسلمين اختي ,,,,, مع تحيا1111111111تي .. |
|
|
|
|
03-10-2002, 21:27
|
#15 |
|
عضو شعبيات
|
أختى .............. نادره .. اللة يعطيك العافيه ........... على كل هذا الجهد ...... رايعه ........... دايمااا ............... يالغاليه ............ مثلك ........... نادر............. دمتى محل احترام وتقدير ......... دايمااا.. اللة يوفقك أين ما كنتى ............ لكى كل الود والأأحترام والتقدير ..... أخوك ....... الصعب ... |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
