26-02-2003, 08:45 | #1 |
شـــاعــر
|
ياليتني ما اوله...
[poet font="Simplified Arabic,4,blue,normal,normal" bkcolor="transparent" bkimage="backgrounds/8.gif" border="none,4,gray" type=2 line=200% align=center use=ex length=0 char="" num="0,black" filter=""] ياليتني ما أوله.. أوله عليك وكل ماجيتك..أقول :=ياليتني ما أوله عليك واجيلك!! وش فيك متغير مزاجك على طول؟!!= لك عام متغير ..علامك-دخيلك-!! ماسقت لك قدامي اشعاري فلول..=الا وانا شاريك من بد جيلك.. ماجيت لك يالغالي امشي على "رجول"..=امشي على "قلب" تعب يشتكيلك.. لوشفت حزني في حناياي مفلول..=دريت وش سوى جفاك ورحيلك.. ياصبرني...والصبرماهوب معقول=..مليــــت واللي ما انطوى ينطوي لك.. أجيك بأعطبها ولانيب مسؤول..=وان شفتك(شلونك وياحبني لك)!! لو اني ازود على حمولك حمول..=قلي عشان ارحل واريح دليلك.. خابرك ماتسمع بخلانك القول..=ولا انا غلطان؟؟ماني خليلك!! انا على شيل التحاسيف مجبول..=وان صنتني مشكور ما انسى جميلك.. بس والذي في يده الكون والحول..=لوتطلب عروقي فديتك وهي لك.. نزّلت من قدري وطالبتك حلول..=ولوهي بكيف القلب..جاك يحبي لك.. (وترى الحكي لا جاك بالحيل معسول..=إحذر خفى رقــّـته..لاتستميلك)!! [/poet] |
26-02-2003, 10:25 | #2 |
شــاعرة
|
ابراهيم الرشود صح قلبك قصيده رائعه وعذبه جدا تحياتي وتقديري |
26-02-2003, 10:36 | #3 |
عضو شعبيات
|
الرشووووووووووووووووووود صح لسانك ولا هنت مبدع وربي ابداع يابراهيم أجيـك بأعطبهـا ولانيـب iiمسـؤول.. وان شفتك(شلونـك وياحبنـي iiلـك)!! لو اني ازود علـى حمولـك iiحمـول.. قلي عشـان ارحـل واريـح دليلـك.. خابـرك ماتسمـع بخلانـك الـقـول.. ولا انــا غلطان؟؟مـانـي خليـلـك!! في الصميـــــــــــــــــــــــــــــــــــــــــــــ ــــــــم اشكرك على اضافة هذه المشاركه تقبل تحياااااااتي ومتابعتي اخوك .. موعووود |
26-02-2003, 11:03 | #4 |
مشرف
|
اخي العزيز والغالي ابراهيم الرشود السلام عليكم ورحمة الله وبركاته الله عليك يابعدي ..... ماجيت لك يالغالي امشي على "رجول".. ***********************امشي على "قلـب" تعـب يشتكيلـك.. الله الله الله ....... صح لسانك مليون يابعدي وعيني عليك باردة ....... لك مني كل المودة وخالص المحبة ........ اخوك حسن آل مسفر اخر تعديل كان بواسطة » حسن آل مسفر في يوم » 27-02-2003 عند الساعة » 00:58. |
26-02-2003, 11:27 | #5 |
عضو شعبيات
|
ماجيت لك يالغالي امشي على "رجول".. امشي على "قلـب" تعـب iiيشتكيلـك.. أجيـك بأعطبهـا ولانيـب iiمسـؤول.. وان شفتك(شلونـك وياحبنـي iiلـك)!! وجدت شعراً هنا راقيا صح لسانك |
27-02-2003, 00:16 | #6 |
شـــاعــر
|
اختي الغريبه... انتي الرائعه ..وإعجابك هو العذب..يشرفني مرورك....الف شكر.. |
27-02-2003, 00:18 | #7 |
شـــاعــر
|
اخوي موعود... الله لايهينك وياعساني ما اعدمك ياخلفهم...مشكووووور.. |
27-02-2003, 00:22 | #8 |
عضو شعبيات
|
الرشووووووووووووووود ،،،، ابدعت و الله و لا هنت ............. درة ثمينة تجبرك على قرائتها و عدم نسيانها .................... شكرا على هذه الرائعه ........ لك تحياتي ........... الغريب ........... |
27-02-2003, 00:40 | #9 |
شـــاعــر
|
اخوي حسن ال مسفر... انا بالطبع اتشرف بمرورك وثنائك وافتخر بذلك... (لكن ماتلاحظ ان ابراهيم الشتوي ماخذ عقلك)!! لي الشرف باني سمي ابراهيم الشتوي واتشرف اكثر بمرورك...الله لايهينك.... |
27-02-2003, 00:46 | #10 |
شـــاعــر
|
نـــــــــــــــــــــــــــجد... مالقيت عندي لك احسن من الشكر وكثييييييييييييييييييييييييييييييييييييييير من الإحترام... |
27-02-2003, 00:49 | #11 |
شـــاعــر
|
ياهلا والله ياغريب... الله يحييك وياسعدي بمثلك...الله لايحرمني منك.... |
27-02-2003, 01:03 | #12 |
مشرف
|
اخي ابراهيم الرشود السلام عليكم ورحمة الله وبركاته .... المعذره يابعدي على الخطأ الخارج عن ارادتي ...... وهذا الخطأ يمكن كان ضريبة الاستعجال في الرد لانني كنت على وجه سفر ولو تلاحظ ردي على استاذي ابو نوت واللي كان بعد ردي عليك كان عرفت السبب ..... على العموم انا عدلت الرد وانت وابراهيم الشتوي كلكم عينين في راس ياغناتي ...... صح لسانك مليووووووووون مرة اخرى ...... ولك مني كل المودة وخالص المحبة ...... اخوك حسن آل مسفر |
27-02-2003, 01:04 | #13 |
العاشــق
|
[c] الاخ العزيز والشاعر الرقيق ابراهيم الرشود الله عليك .. ما اجمل هذه القصيده وما اجمل حبكتها ورصانتها ومعانيها .. الحقيقه انني امسيت الان شغوف على قراءة مابعدها ياسيدي فلا تبخل علينا بذلك .. مع كل الحب من أخوك عبدالمحسن بن سعيد [/c] |
27-02-2003, 01:19 | #14 |
شـــاعــر
|
يابعد حيي ياخوي ياحسن والله ماجبت خبرها وصدقني لي الشرف وانا اخوك الصغير ويخجلني تواضعك الجم..... الف مليون شكر لك.... |
27-02-2003, 01:25 | #15 |
شـــاعــر
|
ابو نوت... مرورك على قصيدتي أثقل كاهلي ارجوا الا يكون مرور كرام...والقادم بإذن الله ثم بدعم حبايب شرواك لابد وأن يكون احلى ....الف الف شكر ...والله لايهينك ياخيي.. |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|