01-03-2003, 08:22 | #1 |
عضو شعبيات
|
أغني له و ألالي له"قصيدة على نظام الشقر"
[c] بسم الله الرحمن الرحيم السلام عليكم ورحمة الله وبركاته ماهنا الا سلامتكم ودي أشارككم بهالقصيدة وهي تقريبا فيها شقر "جناس" مدبول في كل بيت وأبشرح أول بيت منها منعا لوقوع اللبس فنا جيلي وانا ماسقت له باقي فناجيلي _________فناجيل القصيد اللي رحمته من فناجيله ومعناه : فنا وانتهى جيلي وانا مابعد سقت له باقي فناجيلي ، وهالفناجيل هي فناجيل القصيد اللي انا رحمته من يوم انه فنا وانتهى جيله وهذا النمط في تكرير اللفظ في أول الصدر وآخره وأول العجز وآخره ثابت في كل الابيات وهذي هي القصيدة وعذرا على إطالة المقدمة وقصور القصيدة:- [/c] [poet font="Simplified Arabic,6,red,bold,italic" bkcolor="transparent" bkimage="backgrounds/15.gif" border="none,4,gray" type=2 line=200% align=center use=ex length=0 char="" num="0,black" filter=""] فنى جيلي وانا ما سقت له باقي فناجيلي=فناجيل القصيد اللي رحمته من فنى جيله محى حيلي الزمن لكن ما وقْفَنْ محاحيلي=محاحيل "الجناحي" تدّرج لو انمحى حيله وأراكي لي بكيلٍ باستفيده من ورى كيلي=ورى كيل الشعر باتعب واسنّد له واراكي له وياوي لي الزمن لكن مايبطي و يا ويلي=وياويل الذي وقته مايرحم له وياوي له وألالي لي بيوت وما اطربن صبحي ولا ليلي=ولا ليل ألتفت لي يوم أغني له وألالي له ترى قيلي صحيحٍ مير ما جتني تراقيلي=تراقيل الشجاع بعاد لو قيل:أهترا قيله [/poet] [c] وسلامتكم[/c] |
01-03-2003, 11:07 | #2 |
عضو شعبيات
|
اخي الغالي ... يا مساء الابداع و الله ....... ابدعت و الله ......... قل من ينسج مثل هذه القصيدة ............ و قل من يفهمها ايضا ............ شكرا لك على هذه الرائعة ......... الغريب ........... |
01-03-2003, 13:31 | #3 |
شـــاعر مضر
|
الشاعر الكبير طويل الباع واقرب اثكر الناس الى قلبي اتيت لأسجل حضوري فقط ولي رجعة |
01-03-2003, 16:22 | #4 |
شـــاعــر
|
ترى قيلي صحيحٍ مير ما جتنـي iiتراقيلـي تراقيل الشجاع بعاد لـو قيل:أهتـرا iiقيلـه الله الله الله ياطويل الباااع وطويل الشبر صح الله لسااانك تلاعب غير عااادى بالمعنى واللفظ شاااااااااعر راااااائع اخوك محمد |
03-03-2003, 17:06 | #5 |
شـــاعر مضر
|
للرفع والاستفادة |
03-03-2003, 18:37 | #6 |
شـــاعــر
|
الأخ العزيز / طويل الباع لله درك من شاعر... ترى قيلي صحيحٍ مير ما جتنـي تراقيلـي -------------------تراقيل الشجاع بعاد لـو قيل:أهتـرا قيلـه. الله الله الله الله عليييييييك يا طويل...... ما شاء الله عليك .... صح لسانك مليوووون ولا يكفوووون ويا ليت نقرا كثير من هذا القصايد تقبل تحياتي وتقديري لشخصك الكريم... اخوك احمد بن ديهان. |
04-03-2003, 08:58 | #7 |
موقوف
|
الاخ طويل الباع صح لسانك على القصيدة الجزلة عزالله ابداع |
06-03-2003, 04:45 | #8 |
عضو شعبيات
|
[c]ارحب ياغريب وماعليك زود وشكرا لك[/c] |
06-03-2003, 04:51 | #9 |
عضو شعبيات
|
[c]ارررررحب يا ابو فارس الله يرفع قدرك ويكفينا ويشرفنا حضورك يا ابو فارس وقدرك في الصدر ماهوب فالسطر الله يبيض وجهك ولا يهينك يا ابو فارس[/c] |
06-03-2003, 04:54 | #10 |
عضو شعبيات
|
[c]ارحب ياليامي وصح بدنك وماعليك زود[/c] |
06-03-2003, 04:59 | #11 |
عضو شعبيات
|
[c]لاهنت يا ابو فارس[/c] |
06-03-2003, 05:07 | #12 |
عضو شعبيات
|
[c]ارحب يا احمد الديهان وماعليك زوود وصح بدنك ملايين وابشر بسعدك وتحياتك مقبولة ومتبادلة [/c] |
07-03-2003, 18:00 | #13 |
شـــاعر العثمــانيـــات
|
الجمال لا يمل منه أبدا ، استمتعت بها ، وها أنا أعود للأستمتاع والتأمل والتعلم صح لسانك أخي الفاضل / طويل الباع إبداع منقطع النظير درر تصنعها فنقتنيها مجانا. لاهنت يالغالي كل الإعجاب والتقدير والإحترام مع أطيب تحياتي. |
08-06-2003, 10:40 | #14 |
عضو شعبيات
|
الله يحييك في كل مكان ياعثمان وصح بدنك طال عمرك وماعليك زووووووود وتحياتك مقبولة ومتبادلة وياهلا بك |
08-06-2003, 15:20 | #15 |
العضوية الماسية للموقع
|
طويل الباع قصيده روعه و ماهي غريبه عليك دمت مبدع 0 |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|