08-04-2003, 09:11 | #1 |
عضو شعبيات
|
ألحقوا على ديوانيتكم يا مشرفين
[c] وقفة مع أحوال الديوانية[/c] ليش هالديوانية أكثر مواضيعها تنتهي بهواش وطقاق وبعدين يتقفل، كم مرة قفل فيها موضوع خلال هالشهرين. والله أن الواحد يزعل ويضيق صدره إلى شاف هالأعضاء يسيئون النية بكلام الآخرين ويفسرونه على كيفهم، وبعضهم ما يثمن كلامه وينطله على ما هو عليه بدون أي حساب لعواقبه ... يا أخوان ... يا أخوات !!!! لازم علينا أن نحرص على دوام المودة والمحبة الأخوية بيننا ولاهي بجاية إلا: - التأكد من الكلام اللي يبي ينكتب قبل ينكتب ( الفكرة لازم تكون مقبولة ). - عدم الرد إلا في شيء يعود بالنفع على الطرفين ( صاحب الموضوع وأنت ). - ( معاينة الموضوع ) لم توضع إلا للتأكد من كتابتك وهل هي بالفعل تستحق الإرسال. - النقد يكون بالأسلوب الممتاز المميز وإلا فماله داعي النقد كله من الأساس. - اللي ما يعرف يكتب ولا يرتب كلامه مضبوط ... رجاءً لا يكتب إلا وهو متأكد. - خلوا الإحترام هو الأساس والمقياس اللي يسود بيننا ... علشان تدوم المحبة. --------------------------------------------- [c] والله لولا غلاكم وحرصي عليكم ما كتبت اللي كتبت[/c] |
08-04-2003, 09:30 | #2 |
|
- النقد يكون بالأسلوب الممتاز المميز وإلا فماله داعي النقد كله من الأساس. خلوا الإحترام هو الأساس والمقياس اللي يسود بيننا ... علشان تدوم المحبة. طير حوران مانقول الاّ صح لسانك .:corn: |
08-04-2003, 14:35 | #3 |
عــضـو فـعّـال
|
خلوا الإحترام هو الأساس والمقياس اللي يسود بيننا ... علشان تدوم المحبة جمله تكفي عن قواميس لو تأملنا معناها اخوي طير حوران لاعدمنا حرصك على ديوانيتنا دوم لك كل التقديروالاحترام |
09-04-2003, 06:00 | #4 |
شــاعر
|
طير حوران الف شكر على هالموضوع القيم واتمنى من الجميع ان يساهموا فيه من وجهة نظري المتواضعه ان النقاط التاليه هي اهم الاسباب: 1- وجود عناصر اتت من اجل التخريب فقط وشغلها كله دس ولس وضرب من تحت الحزام والمصيبه انهم معنا في شعبيات بكذا اسم واسم تلاقونه عسل وعضو والنعم فيه يساهم بشكل فعال باحترامه لنفسه واخوانه ويجيك بيوزر ثاني ويصفي حسباته الشخصيه بطريقه رخيصه وهذا ان دل فيدل على ضعف نفسه فقط ليس الا 2- الكثير يعتقدون ان انجاح قسم "الديوانيه العامه" هو من وظيفه المشرفين فقط ويعتقدون ان دورهم يقتصر على الرد في بعض الالاحيان وهذا غلط الديوانيه باب المنتدى المفتوح الي من خلاله لازم نوري الكل ترابطنا كاسره وانجاحها دور كل عضو في شعبيات 3- لو كل واحد منا رضى لنفسه ما يرضاه لغيره لتقلصت المشاكل بنسبه 99% المصيبه فيه ناس منا يرضى انه يمزح مع غيره ويمصخر فيهم وان جو ومزحوا معه جا معصب زونفخ راسه مع روسنا او يرد بطريقه معينه ول ردوا عليه بنفس الطريقه قال كيف وكيف رساله موججه للجميع الديوانيه مكان للتاخي لا لدس السم بالعسل الديوانيه مكان ليتقرب الاعضاء من بعضهم البعض لا ليختلفوا الديوانيه ليست حلبة ملاكمه لمن يتخفى خلف الاسماء المستعاره ولو لاحظتوا لوجدتوا كل المشاكل ما تجي من اسماء نعرفها رغم انها تعرفنا وهذا دليل على وجود اعضاء باسماء مختلفه يعني الواحد مسجل له بخمسين اسم وهات لك يا تحرش الاستنتاج الاخير والمهم فيصل بن خالد فااااااااااااااشل في اللغه العربيه والاملاء وما يعرف يحكي مثقف هههههههههههههههههههه تحياتي والله يهدي الجميع |
09-04-2003, 11:06 | #5 |
عضو شعبيات
|
الجـــازي ،، الله يسلمك ويجزاك خير ... وترى ما كتبت اللي كتبت إلا وأنا منطقةٍ تسبدي من اللي قاعد أشوفه ... والله أني حبيت الديوانية واللي فيها حب أخوي لله في الله ... الله يهدي الجميع إن شاء الله ... طيـــر حـــوران |
09-04-2003, 11:09 | #6 |
عضو شعبيات
|
ليــالي نجــد ،، أشكرك على المشاركة والإشادة ... وأعلمي أختي أن الحرص دائماً لا يأتي إلا من محبة دائماً ... ويعلم الله أن للديوانية وأعضاءها حباً في قلبي ... طيــــر حـــوران |
09-04-2003, 11:12 | #7 |
عضو شعبيات
|
فيصــل بن خـــالد ،، كنت في الأمس متابع لمشاركاتك .. أما اليوم فأنا معجب بها حد الإنبهار ... لن يكفيك الشكر إن شكرتك .. ولن يكون الإمتنان من قدرك .. فلك كل الإحترام والتقدير ... قلت فأوجزت وأصبت فيما قلت .. فا لله درك من إنسان .. يفرق بحكمته بين المرح والجد .. محبوب من الجميع ... ردك السابق .. إنما هو درس ودليل لكل من يحاول اللعب والتلاعب بديوانية شعبيات ... حفظك الله ،،، طيــر حوران |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|