04-09-2003, 13:04 | #1 |
عضو شعبيات
|
شــهادة حـق
يا سائـلٍ عني ترى الـروح تفداك ***** مشـاعر فـؤادي من الشـوق ترجيك لولاك ما سرنـا مع الدرب لولاك ***** يا مهجـة فـؤادي ترى الروح بيديك مـا همنـي ذولا و ذولا و ذولاك ***** والله لـو تنـزع هـوى الروح لجيك القلب هـام و حـام ثم لاذ بحماك ***** مع كـل نبضـة دم يـا شـوق ياتيك عـارف ترانيمـه ويعرف خفاياك ***** ياللي حفظت القلب من شـوق يغليك القلب عايش يا هوى البال ذكراك ***** مـره يسـولف بك ومـره قصد فيك عـايش بهالدنيـا وهمـه تحـراك ***** مشبـوك في حبـك بخمسـة مشابيك تكفيـه ممـا فيـه عن ذاك أو ذاك ***** يـا أعـذب أساليبـه بلهفـه يراعيك يفز قلب الشـوق لاوحيت طرياك ***** يـا أغلـى من الغـالين اسمك يناديك كـل العذوبـه تجتمـع في محياك ***** يـا قبلـة الله كلمـة الزيـن تدعيـك من غرتك ملـح ٍ يكمـل مزاياك ***** وفي خدتـك نـور ٍ ينـوّر أراضيـك فيك الدلـع و الذوق و العز مرباك ***** من هامتـك (قبلـه) إلى حـد رجليك أشهـد شهـادة حق لأدوّر رضاك ***** ومن الشهـد لسقيـك لين إني أرويك وسلامتكم أخوكم / مهنا بن شليــّـه اخر تعديل كان بواسطة » ذيب الغداري في يوم » 04-09-2003 عند الساعة » 13:22. |
04-09-2003, 13:40 | #2 |
شــاعرة
|
0 الرائع مهنا بن شليه هلا بك نوّرت شعبيات بحضورك هذا الرد للترحيب فقط ولي عوده |
04-09-2003, 21:36 | #3 |
شــاعـر
|
ذيب الغداري أشهـد شهـادة حق لأدوّر رضاك ***** ومن الشهـد لسقيـك لين إني أرويك صح لسانك قصيده معبره تقبل تحياتي فارس عفاس |
04-09-2003, 22:48 | #4 |
رفيــق الحــزن
|
الغالي مهنا بن شلية هلا وغلا بك يالذيب وين انت ووين دنياك ... لك وحشه يالغالي وعودة حميده انشاء الله ... بالنسبة للقصيدة ما فيه شك في شاعريتك وجزالة معانيك بيض الله وجهك .. تقبل تحياتي وسلامي الحار . |
04-09-2003, 23:05 | #5 |
شـــاعــر
|
الأخ العزيز / مهنا بن شليه يا هلا وغلا فيك من جديد في ربوع شعبيات ذيب الغداري ... اسم افتقدناه يا مرحبا بك مليون يالغالي ...... ! عـارف ترانيمـه ويعرف خفاياك .............ياللي حفظت القلب من شـوق يغليك ترانيم القلب ....... الله عليك توظيف جميل صح لسانك وسلم بنانك يا بن شليه لله درك تقبل تحياتي وتقديري لشخصك الكريم ..... ! اخوك احمد بن ديهان . |
05-09-2003, 01:16 | #6 |
شــاعرة
|
مهنا بن شليه هلا بك وصح قلبك يا الغالي راااائع ومبدع كما عهدناك والقصيده في منتهى الابداع تحياتي وتقديري |
05-09-2003, 05:09 | #7 |
عضو شعبيات
|
صح لسانك ألف أخوي مهنا0 قصيده رائعه لاهنت0 جزله من راس جزل0 تحياتي ومحبتي النازف |
05-09-2003, 06:42 | #8 |
العضوية الماسية للموقع
|
مهنا بن شلية ياهلا اسفرت وانورت حياك الله صح لسانك الله يعطيك العافيه امنياتي لك دائما بالتوفيق |
05-09-2003, 06:42 | #9 |
شـــاعــر
|
مهنا بن شليّه وحضور اكثر من رائع فيك الدلـع و الذوق و العز مرباك ***** من هامتـك (قبلـه) إلى حـد رجليك الله الله قمة الجمال ... صح الله لسانك ولا هنت اخوك محمد بن حزام |
05-09-2003, 07:35 | #10 |
شـــاعر مضر
|
بسم الله الرحمن الرحيم مرحبا مليون ولا تكفي وصح لسانك مليون ولا تكفي وش لونك يا مهنا ؟ بشرني عنك وعن ربعك وكل عام وانت بخير وصح لسانك على القصيدة وتأكد انك مبدع دايم ولا يهمك احد ابن عمك :ناصر |
05-09-2003, 20:17 | #11 |
شــاعـر
|
ذيب الغداري ياهلا والله وغلا والله ثم والله منوره شعبيات وبوح القوافي بعوده الشاعر الرايع الشاعر المبدع الشاعر الجميل الشاعر العذب الشاعر الجزل ابن شليه والله ان ماشالك منتدانا تشيلك العيون يا مهنا والله عوده قويه وابداع معهود فيك لله درك وعلى المجبه نلتقي لك مني صادق الود والاحترام من اخوك نمر العتيبي |
06-09-2003, 08:17 | #12 |
شــاعر
|
صح لسانك اخوي مهنا شاعر عرف عنك الابداع وليس ذلك بغريب عليك ايها الشاعر الجزل من غرتك ملـح ٍ يكمـل مزاياك ***** وفي خدتـك نـور ٍ ينـوّر أراضيـك مبدع |
07-09-2003, 03:33 | #13 |
شـــاعرة
|
صباحك شعر ونور يا سائـلٍ عني ترى الـروح تفداك ***** مشـاعر فـؤادي من الشـوق ترجيك لولاك ما سرنـا مع الدرب لولاك ***** يا مهجـة فـؤادي ترى الروح بيديك مـا همنـي ذولا و ذولا و ذولاك ***** والله لـو تنـزع هـوى الروح لجيك يفز قلب الشـوق لاوحيت طرياك ***** يـا أغلـى من الغـالين اسمك يناديك كـل العذوبـه تجتمـع في محياك ***** يـا قبلـة الله كلمـة الزيـن تدعيـك فيك الدلـع و الذوق و العز مرباك ***** من هامتـك (قبلـه) إلى حـد رجليك أشهـد شهـادة حق لأدوّر رضاك ***** ومن الشهـد لسقيـك لين إني أرويك ذيب الغداري عذب عذب الى مالا نهايه امتعتنا جداً بهذه القصيده الجميله صح لسانك ولا هنت بيض الله وجهك دمت ودام جمال هذا الشعر العذب تحياتي |
10-09-2003, 18:29 | #14 |
عضو شعبيات
|
أختي الغريبــــــــــــه هلا وغلا فيـــــك يالغاليـــــــــــــــــه فممرورك على القصيدة زادها روعــــــــه أيتها الرائعـــــــه صح الله بــــــــــــــدنك وعلى دروب الخيــــــر نلتقـــــــــي ؛؛؛؛؛؛؛؛؛ لك تحياتــــــــــي وتقـــديري أخوك / مهنــــــا |
10-09-2003, 18:38 | #15 |
عضو شعبيات
|
أخوي / فــــــارس صح الله بــدنك يالغالي ودمت بألـــف خير أحوك / مهنــــــا |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|