16-11-2001, 04:59 | #1 |
عضو شعبيات
|
كفاني اللي مضى من شوفتك محروم ( عضو جديد )
بسم الله الرحمن الرحيم السلام عليكم و رحمة الله و بركاته... أقدم شكري للمراقبين و المشرفين الذين ساعدوني في التسجيل... جزاكم الله ألف خير. هذي أول مشاركه لي في المنتدى و أتمنى اني أرضي الجميع. أحب أعلمكم شي أنا أكتب اللي يطلع على لساني من قصيد يعني القافيه و عرفت عنها أما الأوزان هذي أسمع فيها( لا تفشلوني أول مره أكتب قصيده لي في منتدى) و أنا مشترك هنا عشان أتعلم و أستفيد منكم... و انشاء الله أستمتع معكم... أتركم مع القصيده اللي انشاء الله تعجبكم( مع العلم انها بتروح على ميزان القصيد) ملاحظه: اذا كان في القصيده أي خطأ أرجو منكم أن تساعدوني على تصحيحه. ====== بنت الشمال ====== وحشتيني بالحيل يا بنت الشمال -----أقولها كل لحظه و ساعه و يــــوم والله انـك دايـم علـى البـال -----أذكرك كل ما أصبح و كل ما أنوم اعذريني كان غيابي طــــــال -----لا تلوميني و أنا بالحيل مضيـــوم أبعتذر لكـن اعطيني مجـــــال -----أوضـح لـك و أعطيـك العلــــوم أدري إنـي مقصر بالســــؤال ----ابن ادم ما هو عن الخطا معصــوم تدرين إني بغربة و ترحـــال -----عندي أمورٍ أنا بـهـا ملــــــــزوم غديت أشوفك بالحلم و الخيــال ---كفاني اللي مضى من شوفتك محـروم أشوفك كل ما ألتفت يمين و شمال ----وجهك في القلب و العين مرســــوم يـا بنت أنا محتـاج لــــدلال -----بداخلي هـمٍ كبيــر و همـــــــــوم لاتجرحيني الدم من القلب ينسال ----مجروح قلبي و منطعن بسهــــــوم أنـا أحبك ما هي كلمة هبـال ----يكفيه قلبي من الحب محــــــــروم عسـى الله يجمعنا بالحـــــــلال ----أبيـك تكـونين لي دايــــــم و دوم و سلامتكــــــــم [ نوفمبر 15, 2001: تم تعديل الموضوع بواسطة : الحاير ] [ نوفمبر 15, 2001: تم تعديل الموضوع بواسطة : الحاير ] |
16-11-2001, 07:08 | #2 |
شـــــاعــــــر
|
الشاعر الصريح الحاير مرحبا وهلا وغلا نيابة عن الجميع الله يحييك بين اخوانك انت يا اخي شخصت المشكلة وما بقي الا الحل المعاني حلوة والقافية مضبوطة والوزن ينتصلح مع القراءة والإطلاع والإستماع والتجريب وشوي شوي تصلح الأمور ان شاء الله اهم شي الواحد يعبر عن ما في ضميره وانت عبرت بشكل جميل ارحب فيك مرة اخرى وتقبل فائق تقديري واحترامي وآسف ان كنت تجرأت عليك بالنقد ولكن حرصك على ذلك جعلني اتمادا . |
16-11-2001, 07:39 | #3 |
عضو شعبيات
|
اخوي الله يحيك و بصراحه زي ما قال المعلم ابو نوت كل شي يتصلح بس المعاني حلوه و لا عليك انت بين اخواك و انا منهم و يالله يسلم هاللي خلونا نتشرف بقصيدك الزين اخوي الى الامام و لا تبخل علينا و تقبلو تحيات ........ <<<<<<هالاطخم |
16-11-2001, 23:20 | #4 |
عضو شعبيات
|
أخوي الكريم ابو نوت مشكور أخوي على مشاركتك اللي أتشرف فيها وعلى تشجيعك لي. و أنا هنا عشان أتعلم و أستفيد منكم... شكرا لك مره أخرى و يعطيك العافيه. أخوك الحاير |
16-11-2001, 23:31 | #5 |
عضو شعبيات
|
أخوي الكريم حمود الفلته تسلم على المشاركه و يعطيك العافيه....... و أنا اقدر صراحتكم و انشاء الله سنشارك بالمزيد. مشكور أخوي بارك الله فيك أخوك الحاير |
17-11-2001, 04:39 | #6 |
سيـــف الســـيــف
|
الحاير حياك الله والحيره تبي تشوفها في الميزان انشالله ادعوا لك من كل قلبي بالصبر |
17-11-2001, 05:01 | #7 |
عضو شعبيات
|
أخوي عكاشه يبقيك مشكور على مداخلتك |
18-11-2001, 17:44 | #8 |
عضو شعبيات
|
أرجو من أحد المشرفيين نقل الموضوع الى ميزان القصيد. أخوكم الحاير |
18-11-2001, 17:50 | #9 |
سيـــف الســـيــف
|
اخوي الحاير لوسمحت بعد عشر دقايق راجع صندوق رسايلك الخاص؟؟ لك تحياتي |
18-11-2001, 18:50 | #10 |
عضو شعبيات
|
السلام عليكم ورحمة الله وبركاته اخوي الحاير كونك تكتب اللي على لسانك اي مشاعرك فهذا هو الصح و لكن حاول قبل ان تكتب اللي على لسانك حاول انك تقوله قول وشل بيوتك و مع الوقت تزين امورك و الحقيقه انا منيب كفو ولن اكون حتى اقولك هالكلام و لكن هذا اللي الله قدرني عليه |
18-11-2001, 19:55 | #11 |
عضو شعبيات
|
هلا أخوي mroade حياك الله سلمت يا الغالي على مشاركتك و الله يصبرني و أتعلم الوزن. و فيك الخير و البركه و مشكور حبيبي أخوك الحاير |
18-11-2001, 23:31 | #12 |
عضو شعبيات
|
يا جماعة أبي أحد يعلمني وش هي الأخطاء اللي في القصيده و كيف أصححها .....أتوقع انها كثيره علشان كذاما أحد قالي وش هي الأخطاء. معليش ابتعبكم معي لكن منكم نستفيد..... (أدري أزعجتكم كل شوي أقول منكم نستفيد لكن هذي الصراحه). أخوكم الحاير |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|