17-11-2001, 00:47 | #1 |
عضو شعبيات
|
___ وتطري لي ___
السلام عليكم مبارك عليكم الشهر الفضيل وكل عام وانتم بخير وتطري لي ، واقول انك ابد ما غبت عن بالي وإنك يا قمر ليلي ، ونوري في قناديلي تظل الاقرب الاقرب ، تظل النادر العالي فــحاجه بالجفا تهرب ، تزود في غرابيلي تبيني انضح وانضح ، اغني الحزن موالي وتطرب كل ما افضح ، غرامي في مواويلي واهيجن والهجن اوجاع ، ألا ويلاه عزالي واجر من الحزن مسحوب ، ألا عزاه يا ويلي واقول إن الهوى نزاع ، " أوصي قلبي البالي" وقلبي حالفٍ " ماتوب " ، وكل ما غبت يشكي لي * * * * * وعلى طاري جفاك اهتمّ ، اضيق ويرخص الغالي تغيب الشمس عن صبحي ، يغيب البدر عن ليلي اضيع بظلمة احزاني ، ويطغى علقم الحالي وتنشف للغلا دجله ويذبل وردي النيلي * * * * * وتطري لي ، وتطري لي ، برغم البعد تبرالي وتشرق شمس مبتسمه بصبحي بس تغني لي وتكمل بدر في ليلي معاه الليل يزها لي وتزهر للغلا روضه ، وتجري دجلتي ونيلي واعوذ بعشقي من ظني ، واغني يا بعد حالي ابد ما غبت عن بالي ، وتبرالي ، وتطري لي |
17-11-2001, 01:02 | #2 |
شـــــاعــــــر
|
هلا وغلا بالمدهر ومرحبا والله يحييك في محلك ابيات جميلة مدري ليش ذكرتني بأجمل القصائد المغناة رغم انني لم اسمعهن او اقراهن قبل هالمرة اطلالة جميلة من شاعر متمكن من ناصية الشعر تحياتي وتقديري . |
17-11-2001, 01:30 | #3 |
عضو شعبيات
|
السلام عليكم المهلي ما يولي وتبقا يالغالي كنت اغنيها وانا طالع على خط الرياض وطغى الجرس المويسيقي فيها اشكرك على اطلاعك واطراءك اخوك |
17-11-2001, 02:36 | #4 |
عضو شعبيات
|
ارررررررررحب و ياحي هالاسم اللي لا شفته فزله قلبي من محله ياخوي انا وش اقول اقول صح لسانك ماهي كفايه اقول ابداع هم بعد ماهي كفايه ياخوي عجزت لا عبر <<<<<<التوا لسانه لا كن يكفي قولك: وتطري لي ، واقول انك ابد ما غبت عن بالي وإنك يا قمر ليلي ، ونوري في قناديلي هذا منك لك من اخوك و تقبلو تحيات ...... <<<<<<اخوك الاطخم <<<<<<<<<<<<<<<<<يحب المدهر سير على كانك تبى تغدي اطخم |
17-11-2001, 02:57 | #5 |
عضو شعبيات
|
السلام عليكم يا هلا يا هلا يا هلا والله يبقيك ، ذكرتني في دعاية جبنة كرافت ، يوم يقول منتهى الطعم عدها يقول اكثر من ذلك الله يسلمك على الاطلاع وعلى الاطراء يا اخوي الاطخم ابشرك ابي اسير عليك ان قالها الله بس اتفضى شوي عساني اصير اطخم مثلك |
17-11-2001, 03:10 | #6 |
عضو شعبيات
|
صح لسانك أخوي قصيده جميلة الى الأمام وفقك الله أخوك الحاير |
17-11-2001, 04:01 | #7 |
سيـــف الســـيــف
|
المدهر0000000000 حياك الله وابقاك شاعر متميز فيما يقول 00 ابداع في توظيف المفرده المدهر صح لسانك وسلم جنانك وبيض الله وجهك لك تحياتي |
17-11-2001, 05:30 | #8 |
عضو شعبيات
|
السلام عليكم اخوي الحاير مساك الله بالخير ومبارك عليك الشهر صح بدنك أخوي والقصيده جميلة بإطلاعكم وأطرائكم لاهنت اخوي عكاشه مساك الله بالخير ومبارك عليك الشهر صح بدنك ووعسى وجهك ابيض دنيا واخره اشكرك على الحضور والاطلاع اخوك |
17-11-2001, 06:09 | #9 |
عضو شعبيات
|
صح لسانك اخوي المدهر شاعر عذب سلسل ,, حضور ممييز الله يعطيك العافيه |
17-11-2001, 06:21 | #10 |
عضو شعبيات
|
السلام عليكم اخوي الحر ياخوك فكنا من هالاتهامات والله ما عرف سلسل ولا ادل بيتهم وشلون تقول اني شاعر عذب سلسل ، وانا مالي بالتعذيب واموره على العموم صح لسانك وتقبل تحيات اخوك |
17-11-2001, 06:43 | #11 |
عضو شعبيات
|
هاهاهاها اخوي المدهر ,,, عيبكم ياشعراناا انكم متواضعين والله ماقلت الا الصدق شاعر سلسل مثل لقيمات القضاي بالفم )) ولاهنت طال عمرك |
17-11-2001, 07:16 | #12 |
عضو شعبيات
|
والله ماقلت الا الصدق شاعر سلسل ياخوك ما اعرف سلسل للحين ولا عذبته واقر على هذا واوقع على فكره هو يطلع على اي قناه ههههههههههههههه الله يعينك وش اللي شاغلن بالك يخليك تكتب نفس البدليه مرتين ؟ الله يسلمك يا بعدي على الاطراء وما عليك زود |
17-11-2001, 07:19 | #13 |
عضو شعبيات
|
هاهاهاهاهاهاهاهاهاها والله مانتبهت لهاا ) الله ياخذ بليسك ) سلسل= سلس ))) مخليها على وجهااا غير تدقق انت |
17-11-2001, 07:24 | #14 |
عضو شعبيات
|
يا بعدي انت انا ادري انها كلمه زينه بس تو عرفت وش معناها سلسل = سلس انجليزي ده يا مرسي ؟ الا وش رايك نسولف على المسنجر اطيب ؟ كن الموضوع قلب شات |
17-11-2001, 07:31 | #15 |
عضو شعبيات
|
قدام |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|