04-01-2005, 20:19 | #1 |
مشرف
|
شيلوا التخفي ياشباب الوضع مايطمن
في يوم ما قبل شوي كنت اتمشى في مسنجري ... الا ويدخل علي المراقب العام الجديد عبيص الله يحفظه ويرعاه آمين ... المهم انا تعودت اني اشوفه كل يوم والعادة جرت لاني مسكين وعلى نياتي اني ابدى دائماً بالسلام عليه بس اليوم تغير الوضع واول مافك البلوك عني او انه توه داخل ما ادري المهم ويقول : عبيص : اولا ً : السلام عليكم انا : هلا والله وعليكم السلام واقول في نفسي لاحوووووووول وش يبي ذا من صار مراقب عام صار مداوم في المسنجر :white: ... عبيص : ثانياً : شيل التخفي لايجيك شوته غير طبيعيه انت وسعيدان تراني شاري بوت اديداس جديد ... انا : انا لله وانا اليه راجعون واقول في نفسي نوبتن ثانيه انا داري اني كل مانفذت له طلب بيستقعد لي في طلب جديد يعني ناويني نيه ... المهم عاد ياشباب وياصبايا شعبيات شيلوا التخفي وخلوكم كويسين لايحصل لكم مالا تحمد عقباه لان الاخ هذا داخل للادارة ونيته ما ادري وشهي وكني سامع خبر انه بيخلي الدخول لشعبيات بالكرت يعني قبل تدخل تدق القمرك (( قصدي تدق الكرت )) الله يرحم ايام بيان الحضور والانصراف حق ابو نوت كان دايم يوقع عننا ياحبي له الشايب ... انا بالنسبة لي والله العظيم شلت التخفي وماعاد اعودها ... وابي جواب على هذا السؤال من الجميع ... ليش التخفي وش هو السبب ؟؟ تشاووووووووووووووووووووو |
04-01-2005, 20:21 | #2 |
مشرف
|
رد : شيلوا التخفي ياشباب الوضع مايطمن
انا اولي باجاوب على سؤالي ... بالنسبة لي كنت متخفي لاني كنت احب اقرى في البوح واخاف اي واحد منزل قصيدة وشافني اقراها وما رديت عليها يقول ليش وش السبب اللي خلاه مايرد ؟؟ وما ابي اي واحد يشيل في نفسه علي ... |
04-01-2005, 21:16 | #3 |
الـحـــرّاب
|
رد : شيلوا التخفي ياشباب الوضع مايطمن
حسونه.. اجل بيان ابو نوت.. من اللي يوقع عنك... و ربي ضحكت الين تمزع بطني... انا موب متخفي.. بس اسمي مكتوب بقلم سحري.. ما يشوفونه الا الـ Vip... |
04-01-2005, 21:40 | #4 |
شاعر
|
رد : شيلوا التخفي ياشباب الوضع مايطمن
. إحم إحم .. << وين البخور يالربع بسرعة .. أولا ًُ .. السلام عليكم ! ثانيا ً .. والله يا حسن إني من أكثر الناس اللي يعارضون على التخفي .. والسبب ! على سبيل المثال طبعا ً لا الحصر .. لو دخلت ولقيت .. عبدالله البكر , محمد علي العمري , صالح السكيبي , نواف الشمري , حسن آل مسفر , محمد الحراب , أبونوت , صالح العبدالكريم , نجديــة , نورة العجمي , نواف الشمري , تركي العثمان , وحش , راعبية ! بالله منت بحاس بشعور وبإرتياح أكثر .. منت مشارك أكثر من أول ؟ منت بمستمتع بالدخول بالقراءة وإنتظار ردود الناس أكثر من أول ؟ فرق كبير والله .. ريحتني والله بطرح هالموضوع .. واتمنى إن الجميع يأخذه بمأخذ جدي ! الغرض كله مصلحة المنتدى والجميع .. عشان مانعيش جو الملل أبد دام حنا موجودين من أساس .. محبتي . |
04-01-2005, 23:28 | #5 | |
رفيــق الحــزن
|
رد : شيلوا التخفي ياشباب الوضع مايطمن
وخروا وخروا داخل معه مدخنة حضرة المراقب عبدالله عطني البشت طال عمرك عندي سؤال ياضاري بالبكر إقتباس:
هاللي اسمه سبيل المثل ليه يكرهني وش انا مسوي له ؟ هل انا كاسر لمبة باب الشارع حقهم ؟ هل انا داز ( داف ) اخوه الصغير في طابور مقصف المدرسه ؟ هل انا مصلي بدون وضوء ؟ هل أنا سبب الفيضانات اللي في آسيا ؟ ليش ما ذكرني مع اللي هم على سبيل المثل والا خلاص بدينا في شغل المرقبة :white: ا :white: سمعني عاد لا عاد تذكر احد على سبيل المثال الا وانا معهم حتى لو انك تتكلم عن قطع غيار فالعمل سمعت والا ..... الا را حنا فيها شكله بيمحط بالبشت ويلزخني بالمدخنه اللي انا جايبها :white: :white: :white: والله امزح والله اني كنت امزح ما هقيت ان الكلام اللي قلته كان يذبح شعارنا لا للتخفي نعم للظهور .. |
|
05-01-2005, 00:39 | #6 |
Guest
|
رد : شيلوا التخفي ياشباب الوضع مايطمن
ابشر يا حسن نشيل التخفي على شان عيونك دمت بخير |
05-01-2005, 04:19 | #7 | |
شــاعــر
|
رد : شيلوا التخفي ياشباب الوضع مايطمن
إقتباس:
حسن اول شي ردك مهوب مقنع.. وبعدين مايشيل في نفسه الا انسان ماعنده ثقه في نفسه وانا بصراحه مادريت اني كنت حاط التخفي الا الحين حتى يوم جيت اشيلها قبل شوي تعبت الين لقيت مكانها <--- داج في النت يالله يعرف يرد ويكتب بس :white: وتراني شلتها عشانك ياحسن |
|
05-01-2005, 16:39 | #8 |
مشرف
|
رد : شيلوا التخفي ياشباب الوضع مايطمن
هلا والله ابو عبدالله انت مسموح يابعدي خلك متخفي اخاف تشيل التخفي وتسوي زحمه :white: ... انت تذكر ايام البيان اييييييييييييييييييييييييييييييه ايام الله المستعان كان ابو نوت يمر علينا بالبيان ويقول تكفون ياشباب وقعوا لا تفشلوننا قدام الادارة وفي الاخير هو اللي يوقع ياحبي له الشايب ... بعدين تعال انت وش علاقتك بالا FBI تعرفهم ولا شئ ... ابيك توسط لي عندهم اغديهم يرجعون لنا المويه مقطوعه من اسبوع ... |
05-01-2005, 16:58 | #9 |
مشرف
|
رد : شيلوا التخفي ياشباب الوضع مايطمن
هلا والله ومرحبا طنبق طنبق طنبق <<<<<<<<< جايب فرقة حسب الله بس هالفرقه حقين سامري غير اللي في مصر .... وش رايك فيني الحين وش ملحي وش زيني لاني متخفي ولاهم يحزنون ... وخلك تخش علي في المسنجر مره ثانيه وانت لابس البوت الاديداس .... ياخوي شف واحد ثاني تكفى تراك جبت لي مرض التخرع احيان وانا جالس كذا في امان الله افز ما ادري وش جايني بسم الله الرحمن الرحيم ... بعدين تعال انت وش تعارض بالضبط ... كل يوم طالع لي بمعارضه جديده ... مره على الاسماء المستعارة ومره على التخفي ومره على ضاري ومره على ابو نوت ومره على عبدالله مران يومه سوى اللي سواه هاك اليوم ومره على اسم شعبيات ومره على المشاركه في الحوار الوطني (( وش دخلها في السالفه )) <<<<<<<<<<<<< كنه قلب على المراقب العام يالله سترك على العموم انا سويت اللي علي والباقي على رب العالمين ... ياحبي لك يابو سعود .. ولا عاد تدخل المسنجر الا وانت مفصخ بوتك عند الباب الله لايهينك ... |
06-01-2005, 08:48 | #10 | |
شــاعر
|
رد : شيلوا التخفي ياشباب الوضع مايطمن
إقتباس:
خلوا سلملم يشيله اول تراني والله العالم شايله وكاني ما شلته لاني ما عرفت اشيله عبيص عندك الباسورد حقي ودايم تدخل ترد بيوزري على قصايدك شيل ياخي التخفي عني ما اعرف له ====== عنيف ابو خالد حبيتين يابوخالد ياروحي يا مجرم احلى تحيه للقوي بالله فيصل واياس واحبكم يا من تنتمون لكوكب لبتون طعم الضيافه |
|
06-01-2005, 19:19 | #11 |
عضو شعبيات
|
رد : شيلوا التخفي ياشباب الوضع مايطمن
مشالله الربع كلهم بيشلون بس يبي الطريقة جاء دورك يـ التميمي عشان تشيلة ووالله ابرك الساعات لاشفنا الجميع متواجدين بدون تخفي وتقبلوا سلامي واشواقي الخويطري |
07-01-2005, 02:08 | #12 |
موقوف
|
رد : شيلوا التخفي ياشباب الوضع مايطمن
أنـــا شلت التخفــي تراكم أبلشتوني مانيب فاضيه عندي أرتباطات <<<< تكفيين ياجورج بوش <<< والله واللعنة السوده <<<<< مو مصدقه أنها صارت مشرفه شكلكم تحبون الفضايح بس شالسوات حكم القوي سلااااااام الريـــم |
07-01-2005, 02:38 | #13 |
Guest
|
رد : شيلوا التخفي ياشباب الوضع مايطمن
انا منيب شايله <<------ عناد لعبيص بس |
07-01-2005, 03:02 | #14 | |
مشرف
|
رد : شيلوا التخفي ياشباب الوضع مايطمن
هلا الدحمي يالبى قليبك يابو رياض والله اني ميت من الضحك وانا اتخيلك شايل المبخر وتمشي قدام عبيص ... إقتباس:
اما قطع الغيار مجنونه والله عاد تخيل اسمك عبدالرحمن ديلكو يالله عاد لا اوصيك تسوي دعايه لعدم التخفي ..... تشاوووووووووووو |
|
07-01-2005, 03:14 | #15 | |
Guest
|
رد : شيلوا التخفي ياشباب الوضع مايطمن
إقتباس:
ههههههههههههههههههههههههههه يا دبان والله انك نكبه بس تعجبني صراحتك الحلوووووووه |
|
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|